Yoni 20:26 - Loina Nuahuana

²⁶ Coinega wiki 'aigeda 'igumwala ma tomuliyaedi wete simiya 'autahila, hada 'aigeda solana si'edagudu hila simiyamiya, ma Yesuina 'oidiya 'ilatu hila. Tuta bewa 'oina Tomasi mahetediu. Coinega Yesu 'oidiya 'ilatuwa ma gamwagamwanidiya 'itoholowa ma 'ihegwaediya 'igwae, “Sahena 'ateyoho.”

Yoni 20:26 Referans Kwoze

Yoni 20:19

Ma wete wiki 'ana sabwelo nugenugetaina lahilahiyega Yesu 'ana tomuliyaowedi 'oidiya 'ilatuwa. Tutaina 'oina, 'ana tomuliyaedi hada 'aigeda 'oina siluhuwa ma si'eda gudu su'wasu'wana ma solana simiyamiya, weyahina meYudiya simatautediya. Coinega Yesu 'oidiya 'ilatuwa ma gamwagamwanidiya 'itoholowa ma 'ihegwaediya 'igwae, “Sahena wa'ate'ate yoho.”

Yoni 20:21

Coinega Yesu wete 'ana tomuliyaedi 'ihegwae hilediya 'igwae, “Wa'ate patu, sahena 'ateyoho. Weyahina Tamagu tauna 'ihesumanegauma, 'oinega taugu wete gidemusa 'omi yahesumanegemi.”

Yoni 14:27

“Ma hesi taugu sauga 'i'iunamo ma ya'ebesinegomi, 'oinega taugu tuwa 'igu nuwadaumwala 'oinega nuwadaumwala ya'ebwaegomi. Nuwadaumwala bewa geya gidemusa mebale'u 'oidiyega, 'oinega sahena nuwami sihehelahalaha bo 'atemi siyohoyoho.

Luke 9:28

Gwaeyedi bewa sigumwala ma gide wiki 'aigeda mulina, Pita ta Yoni ta wete Yemesa Yesu 'itoediya, ma mahetenao sihaneya 'aigeda 'oya 'oina sabi 'ahwanoi Yehoba 'oina.

Madiu 17:1

Sabwelo sikisi mulina Yesu 'ana tomuliyao 'etoi 'itoediya, ta sihaneya 'oya 'aigeda dudulena 'oina. Tomuliyaowedi taudi Pita ma Yemesa matasina Yoni.

Maki 16:14

Muliyetega Yesu 'ana tomuliyao site lebeni si'ai'ai, ma Yesu matadiya 'ilatuwa, ma 'iheliyediya 'idi nuwapota weyahina, 'igwaeya, “Ciyadao taudi 'igu toholohila mulina si'itegauwa ta 'oimiya sihehepwaila, ma togidega ta geya wahemisaedi?”

Luke 24:36

Cabwa 'iyadiyao 'oidiya sihe'ote'otetela ma Yesuina 'ilatuwa ta gamwagamwanidiya 'itoholowa, 'igwaeya, “Helau 'oimiya,”

Yoni 11:16

Coinega Tomasi tauna sibwauweya Didiluwaluwa 'iyanaowedi 'ihegwaediya 'igwae, “Cida tohe'ita tuwa mahetedai tatauya, 'eguma 'i'amasa, tauda wete ta'amasa.”

Yoni 21:1

Yesu wete 'iboinamo 'ihe'itae hileya 'ana tomuliyao 'oidiya, tutaina Hola Taibiliya 'oina sigomagomana. 14. Cina latuina bewa hetoina 'ana tomuliyaedi 'oidiya tutaina 'amasega 'itoholo hila. Bewa gidemusa 'ilatu 'esa 'oidiya:

Yoni 21:14

Tuta bewa 'oina Yesu 'iboinamo 'ihe'itaeya hetoina 'ana tomuliyaedi 'oidiya tutaina 'ina 'amasa 'oinega 'itoholo hila.

Paihowa 1:3

Sabwelo poti 'alodiya 'ilatulatu 'oidiya, ta 'ebe'ita baibaiwadi 'ihe'itediya, 'oinega 'ina toholohila si'ahwa moiseya, ma Yehoba 'ina loina weyahina 'ihe'itediya.