Yoni 20:1 - Loina Nuahuana

¹ Wiki 'ana sabwelo nugenugetaina gona 'ada'adale 'oina Meli Magidala 'itauya galiha 'i'iteya, 'ana 'ahusu'wana sibui wasiyeya.

Yoni 20:1 Referans Kwoze

Maki 16:9

Wiki 'ana sabwelo nugenugetaina gonagona, Yesu 'ina toholohila 'oina 'ilatu nugeta Meli Magidala 'oina, tauna 'alonega mwalo hi'ahi'a site sebeni Yesu 'iula latuhediya.

Madiu 27:60

Ma Yosepaina 'ana galiha hauhauna 'oina silaguya, ma galihina sipidiya gide duluha 'alona. Ma da'ule madouna ma pwa'upwa'uwana 'oinega galihina 'ahwana silagu bodeya, ma muliyetega Yosepa 'itauya.

Maki 15:46

Ta Yosepa 'ale'o wa'ewa'e'ena 'igimwaneya, ma 'i'eweyama, ta ma'ina topaihowao Yesu wahina kelose 'oinega silagu dobiheya, ma 'ale'oina 'oinega siwaduya, muliyetega sigaliheya. Ma galihinaina yalayalaina gide duluha da'ule 'alona, eema da'ule madouna ma pwa'upwa'uwana 'oinega galihina si'ahubodeya.

Yoni 20:26

Coinega wiki 'aigeda 'igumwala ma tomuliyaedi wete simiya 'autahila, hada 'aigeda solana si'edagudu hila simiyamiya, ma Yesuina 'oidiya 'ilatu hila. Tuta bewa 'oina Tomasi mahetediu. Coinega Yesu 'oidiya 'ilatuwa ma gamwagamwanidiya 'itoholowa ma 'ihegwaediya 'igwae, “Sahena 'ateyoho.”

Yoni 19:25

Ma Yesuina 'ana kelose deina wahiwahine sitehata sitotoholo, taudi beno Yesu sinana matasina, ma wete hali Meli tauna Kilopa mwanena, ma wete Meli Magidala.

Heꞌitaꞌita 1:10

Bewa 'oina 'ida Badaina 'ina sabwelo 'oina Yaluyaluwa Tabuna yalotohoya 'oiguwa, ma 'oinega 'enana 'aigeda madouna gide yoguli yahesagoheya, 'igwaegwae gwahuguwa, 'ilolohatoto,

Madiu 27:64

Coinega 'eguma sawasawahina, 'uloina ma galiha 'ana to'itayahinao si'itayahi bwaibwaini ma 'ana siga sabwelo 'etoi, tabu ta 'ana tomuliyao sinaoma ma Yesu wahina siyagahi ma sidene, ma tomota si'abowedi 'abehega 'amasega 'itoholo hila, ma 'oinega 'abo mulimuliyana 'abo nugetana 'ida gala sine.”

1 Kolinita 16:2

beno Sabati 'aigeda 'aigeda 'oidiya 'imi helau mabwaiyana walagulagu. Ceguma 'imi mane madouna, helau madouna, ta 'eguma 'imi mane 'i'iuna 'imi helau 'i'iuna wete, ma tutaina yatauyawa, 'imi helauina 'imiyamiya.

Paihowa 20:7

Wiki 'ana sabwelo nugenugetaina 'oina mabwaiyama 'a'eto'autama beledi 'ehisihisi 'ana 'ebe nuwatuhuyahina sabi paihowaina, ma Paulo 'iguguya, weyahina hali sabwelo 'ina tuta tauya. Ta 'ina gwae guguyaina 'iloheduduleya ta 'ana siga hinuwana gamwana, ma tuwa 'abwa 'iguguguguya.

Madiu 27:56

Caigeda sanina Meli Magidala, ma 'ina waliyesa tauna Yemesa ma Yosepa sinadiu, ma wete Sebedi natunao sinadiu.

Madiu 27:66

Coinega sitauya ma galiha 'ahwana 'ana loboda dimwaina wete sibwadeya, ma nobwa to'itayahinaedi sihalagudiya.

Madiu 28:1

Sabati mulina gona 'i'adaleya wiki hauhauna 'ana sabwelo nugenugetana 'oina, Meli Magidala ma'ina waliyesa sinaoma galiha sabi bo'ene.

Madiu 28:2

Ma mwani'ini'i madouna 'ipiliya, beno Bada 'ina anelose 'aigeda galewega 'isuluma, ta dimwa galiha 'ahwanega 'ibuiwasiyeya, ma 'oina 'imiyatoiya.

Yoni 11:38

Beno 'oina Yesu tuwa ma'ina nuwagala madouna ma galihina 'oina 'ilatuwa. Galihina duluha, 'oinega 'ahwanaina da'ule tabatabana 'oinega silagu 'ausiya.

Yoni 11:41

Coinega da'uleina sibui wasiyeya, ma Yesu 'i'ita haneya galewa, ma 'i'ahwanoiya 'igwae, “Tamagu yauwedo, weyahina 'owa 'enagu 'ana tohesagoha.