Yoni 2:2 - Loina Nuahuana

² Ta Yesu wete ma'ana tomuliyao hehaiina 'oina sibwauwediya ma siluhuwa 'e'ahaiina si'aiya.

Yoni 2:2 Referans Kwoze

Kolose 3:17

Ma mumugami mabwaiyadi, beno 'imi gwaeyao nana 'imi paihowao mabwaiyadi 'ida Bada Yesu saninega wapaihowa ma'imi loyauwedo Yesu saninega, Tamada Yehoba 'oina.

1 Kolinita 7:39

Ma 'eguma taiya wahine haihainina mwanena ba'idana sihe'aigeda pwaiya ta 'eguma loheya 'i'amasa, wahineina sawasawahina ma 'ihai hila. Ta hesi 'ilobwaineya Yehoba 'ina loheya 'aigeda mahetena sihai.

Ibeliu 13:4

Mabwaiyami hai 'ana loina wahe'asisiye ma sahena wanuwanuwa 'ubuna, weyahina tolopuiyao ta tologwaliyao 'abwa Yehoba 'iloinedi.

1 Kolinita 10:31

Taudi 'idi gwaeina 'adi maisa bewa, 'abehega 'ilobwainegita ma 'ida paihowa mabwaiyana, 'ada 'e'ahai, 'ada numa, bo to'aha wete, eema mabwaiyana 'oidiyega Yehoba sanina ta'abi hemadou.

Madiu 25:45

“Ma yahegwaedi, ‘Moisa, tutaedi 'oidiya 'eguma tomota 'i'iudi bewa 'aigeda geya wa'abihete, beno 'oina geya walemegau.’

Madiu 25:40

“Coinega yagwae 'oidiya, ma yagwae, ‘Moisa, 'eguma taiya 'owa 'iyagwao 'i'iudi 'aigeda 'oidiyega 'u'abihete, beno taugu wete 'u'abihetegau.’

Madiu 12:19

Tauna nata geya 'ihehe'ohe'ohe bo 'ihehebwaubwau bo 'asa 'alona 'igwaegwae 'asona.

Heꞌitaꞌita 3:20

“Ma wa'ita, taugu 'imi 'ahwa'eda 'oina yatotoholo ma yaulaula'e'e. Ma 'eguma taiya 'owa 'enagu 'uhesagohe ma 'ahwa 'uso'e, 'ino hada yaluhu ma 'owa ma taugu tahe'iya'iyagu, ma 'owa ba'idagu ta'ai mahemahetena.

Yoni 2:3

Cidi 'aiina solana 'adi waini mabwaiyana 'igumwala, 'oinega Yesu sinana 'ihegwaeya 'igwae, “Natugu, waini mabwaiyana 'igumwala pwaiya.”

Yoni 2:12

Hehaiina 'igumwala, ma Yesu sinana ma tasinao ma wete 'ana tomuliyao mahetenao sisuluwa Kapaneumi 'oina. Beno 'oina simiyamiya tupwana sabwelo 'oidiya.

Yoni 2:17

Cana tomuliyao si'e'ebubu ma Yehoba 'ina buki 'ina hepwaila sinuwatuhu yahiya beno 'igwaeya, “Yehoba yo, 'ino hada tobwebwe'ana 'iya, ma nuwagu 'i'eweya.”

Yoni 2:22

Muliyetega Yesu 'amasa 'oinega 'itoholo hila ee 'abwa 'ana tomuliyaedi 'ina gwaeina 'oidiya sinuwatuhuya, 'oinega Yehoba 'ina hepwailina bukiina 'oina ma wete Yesuina 'ina gwaeyedi 'abwa hesi sihemisa bwaibwainidiya.

Yoni 3:22

Muliyetega Yesu ma'ana tomuliyao sitauya Yudiya 'ina tupwa 'oina. Tupwainaina 'oina sabwelo tupwadi 'oidiya simiyamiya ma Yesu tomota 'i'abi'abi hebabitaisodi.

Yoni 4:2

Yesu moisa geya babitaiso 'ida paihowediya, 'ana tomuliyaedi siboi babitaiso sipaipaihowadi.

Yoni 4:8

Tuta beno 'oina Yesu 'iboinamo 'imiyamiya, weyahina 'ana tomuliyaedi sitauya 'asa madouna 'oina 'adi sigimwagimwane.

Yoni 4:33

Ta tomuliyaedi nuwadi 'ihenainaida, ma siboi 'oidiya sigwae, “Nuwana 'eta taiya 'ana 'e'ahai 'itauyeyama.”

Yoni 6:8

Coinega Yesu 'ana tomuliya 'aigeda wete Yesu 'ihegwaeya 'igwae,

Yoni 6:12

Simwausuwa, ta Yesu 'ana tomuliyaedi 'ihegwaediya 'igwae, “Beledi 'ana tupwa mabwaiyana wasiwa he'autedi, sahena 'eta to'ehina wete wamudamudali.”

Yoni 6:16

Coinega lahilahiyega 'ana tomuliyaedi sidobiya Galili holaina gadowaina 'oina,

Yoni 6:60

Cihehe'ita, ma 'ana tomuliyao Yesu 'ina gwaeina sihesagoheya, 'oinega tupwana baibaiwadi siboidimo 'oidiya sigwae, “Gwae bewa 'ana hesagoha mwauna, 'oinega tauda geya nuwada.”

Yoni 6:66

Bewa weyahina tomuliyaedi taudi Yesu silogwahateya ma si'ebesineya.

Yoni 6:67

Ma site tuwelowedi siboidimo simiya hila, 'oinega Yesu 'ihegwaediya 'igwae, “Comi togidega, nuwanuwami wete watauya?”

Yoni 6:70

Coinega Yesu 'ihegwae hilediya, 'igwae, “Moisa tuwa, 'omi wate tuwelo yahesinuwa pwaigomiya, ma hesiyage 'oimiyega nata 'aigeda Seitani 'ina boda.”

Yoni 6:71

Gwae bewa Yesu 'igwaeneya Yudasa weyahina, tauna Saimoni Isakaliyota natuna. Yudasaina tauna tuwa 'aigeda Yesu 'ana tomuliya, ma hesi nata Yesu 'itebae 'ana 'alehaowedi 'oidiya.

Yoni 7:3

Coinega Yesu tasinao sihegwaeya 'oina sigwae, “Casa bewa 'u'ebesine ma 'utauya Yudiya, ma 'a tomuliyao nobwa 'ino paihowa si'ita.”

Paihowa 11:26

ma 'ilobeya, ta ba'idana sihila Anitioki 'oina. Eeta bolime 'aigeda 'alona siloguguya tohekalesiyaedi 'idi 'eto'auta 'oidiya, ma tomota mabwaiyadi sihehe'itadi. Casaina Anitioki 'oina Yesu 'ana tomuliyao tutaina 'oina sihesani nugetediya Kelisitiyanao.

Paihowa 11:29

Ta tutaina Yesu 'ana tomuliyao Agabu 'ina hepwailaina sihesagoheya taudimo siloina ma 'abehega 'aigeda 'aigeda sitoho ma si'ehele ma lema mane sihewasae 'iyadiyaowedi tupwa Yudiya 'oina simiyamiya.