Yoni 19:4 - Loina Nuahuana

⁴ Ma Pailato 'ilatu hila ma bodaedi 'ihegwaediya, 'igwae, “Loheya bewa yatoeyama 'oimiya, ma waboi matamiyega wa'ita ma wasanasanapu 'abehega geya 'eta wete pui 'oinega yaloba toho.”

Yoni 19:4 Referans Kwoze

Yoni 19:6

Nage 'oina topwaoliyao 'idi 'inapwanao ma wete 'idi topaihowao Yesu si'iteya, 'oinega 'enadi madounega sibwauwa, sigwae, “Kelose 'oina watutu hepa'ine!” Coinega Pailatoina 'ihegwaediya, 'igwae, “Hede 'omi wanaoma watoe watauye ma watutu hepa'ine, weyahina taugu geya 'eta 'ina pui yaloba toho.”

Yoni 18:38

Coinega Pailatoina wete Yesu 'oina 'ihesilala, 'igwae, “To'aha sanina sanapu moisa?” Pailato 'ihesilala 'igumwala, ma 'ilatuwa 'atamana, ta meYudiyaedi 'ihegwaediya 'igwae, “Loheya bewa geya 'eta wete pui 'oinega yaloba.

Luke 23:4

Ta muliyetega Pailato topwaoliyedi ta bodao 'ihegwaediya 'igwaeya, “Loheya bewa geya 'eta 'ina pui yaloba.”

Luke 23:47

Nage 'oina tolo'alehao 'adi tohanugeta 'i'iteya Yesu yawasina 'igumwala, 'oinega Yehoba 'ihepwatuweya 'igwaeya, “Moisa, loheya bewa loheya bwebwe'ana.”

1 Yoni 3:5

Ma wete tasanapuya, 'abehega Kelisoina 'itauyama 'ida mumuga galaedi sabi 'ewayahuledi, ma tauna geya 'eta wete 'ina puimo.

1 Pita 3:18

Gidemusa tuwa, Keliso ma'aigeda 'i'amasa 'ida galao weyahidi, ma tauna loheya bwebwe'ana, ma tauda galagalaida ma weyahida 'i'amasa, ta 'oinega 'itoegita Yehoba 'oina. Ma Keliso wahinamo silohe'amasiya, ma yaluyaluwana geya.

1 Pita 2:22

Weyahina tauna geya 'ina galamo ma wete geya 'eta 'abo 'ahwanega 'ida latuwa.

1 Pita 1:19

ma hesi he'isaina Yehoba 'ina lami bweyahina bwebwe'ana hedada 'oinega 'i'abihetegomiya, tauna Kelisoina bwebwe'ana hedada, geya 'eta to'aha galana 'oina.

2 Kolinita 5:21

Yehobaina tauda weyahida Keliso 'iloineya, tauna geya 'eta 'ina pui, ma hesi Yehoba 'itagwaleya ma Kelisoina weyahida 'ihetogala, ma 'ane tauna ba'idadai Yehoba 'ina mumuga bwebwe'ana ta'ewa.

Luke 23:41

ma loinaina 'owa ma taugu 'ilobwainegita, weyahina tauda togala, ma loheya bewa geya 'eta 'ina puimo.”

Madiu 27:54

Ma tolo'alehaowedi ma'idi tohanugeta saugenina Yesu kelose 'oina si'ita'itayahiya, mwani'ini'i ma ginaula mabwaiyana si'itediya, ta simatauta madouna, sigwaeya, “Moisa, loheya bewa Yehoba Natuna.”

Madiu 27:24

Coinega Pailato 'isanapuya 'abehega geya 'ina waiwaimo, ma boda sihe'ohe'ohe 'ana 'oleya 'abehega nata sihegaina ma sihe'upwa. Coinega we'ahega nimana 'ibuyoya bodaedi matadiya, ma 'igwae, “Sahena wete to'aha yaloiloina loheya bewa bwebwe'ana 'ina 'amasa weyahina, ma waboimo wada loina.”

Madiu 27:19

Ma wete tutaina 'abwa Pailato yatala 'ipaipaihowa, ma mwanena wasa 'ihetuneyama ma 'igwaeya, “Sahena wete to'aha 'uloinae loheya beno bwebwe'ana. Weyahina nige yanihiyeya, ta 'ebe matauta madouna 'oiguwa.”

Madiu 27:4

ta 'igwae, “Yalopuiya, weyahina loheya bwebwe'ana 'oimiya yatebaeya.” Ma sigwaeya, “Beno geya 'aigeda to'aha 'oima, ma 'owa tuwa weyahiu 'unuwanuwatuhu.”

Ibeliu 7:26

Moisa, Yesuina sawasawahina ma 'ihetopwaoli weyahida, weyahina tauna mumugana mabwaiyana 'ausalana tuwa, ta geya gide togala tauda, 'oinega Yehoba Yesuina 'i'abilagasiya ta galewa 'ana tomiyao 'ilohane sinediya.

Yoni 18:33

Coinega Pailato 'iluhu hila 'ina 'ebe miyaina 'oina ma Yesu 'ibwauweya 'iluhuwa ma 'ihesilaleya 'igwae, “Cowa moisa meYudiya 'idi kini?”