Yoni 17:2 - Loina Nuahuana

² Weyahina loina mabwaiyana tomota weyahidi 'u'ebwaya pwaigauwa ma taugu yawasidi miyamiya hatayana baibaiwadi ya'ebwaedi, tomotaedi 'u'ebwaegauwa 'oidiya.

Yoni 17:2 Referans Kwoze

Yoni 6:39

Cihesumanegauma ma 'igu tomotaedi 'i'ebwaegauwa 'ina nuwatuhu bewa gide ma 'abehega geya'abwa 'eta taiya 'oidiyega yahe'wadalele. Ma hesi mabwaiyadi 'amasa 'oinega yada 'abi hetoholo hiladi tuta 'ana 'ebe losaloha 'oina.

Yoni 6:37

Tomotaedi taudi Tamagu 'i'ebwaegauwa hesi nata 'oiguwa sitauyama, ma 'eguma sitauyama 'oiguwa, nata geya'abwa yalolohesohesoiyedi.

Yoni 17:24

“Tamagu, tomotaedi 'u'ebwaegauwa, nuwanuwagu ma 'asainaina 'oina yatautauya taudi wete 'asainaina 'oina mahetegwao 'ada miyamiya ma 'oinega 'igu wasawasaina 'u'ebwaegauwa nage 'oina si'ita. Weyahina muliyetega ma bale'u bewa 'upaihoweya, taugu 'uhelauwe nugetegauwa.

Madiu 28:18

Eeta Yesu 'inaoma 'oidiya ma 'ihegwaediya, 'igwae, “Tamagu loina waiwaina mabwaiyana galewa ma bale'uwa 'i'ebwae pwaigauwa.

1 Yoni 5:20

Ma wete tasanapuya 'abehega Yehoba Natuna 'itauya pwaima, ta 'igihenuwa sabwalenigita ma Yehoba tasanapu 'abehega tauna Todumwalu, ta 'oina tamiyamiya, weyahina tauda Yehoba Natuna Yesu Keliso mahetenao. Yesuina Yehoba moisa, ma yawasida miyamiya hatayana huhuna tauna.

Yoni 17:9

Coinega bewa tuwa weyahidi ya'ahwa 'ahwanoiwa 'oiuwa. Ta geya 'abehega mebale'u weyahidi, ma hesi tomotaedi taudi 'u'ebwaegauwa weyahidi, weyahina taudi 'ino tomotaiyao.

Yoni 17:6

“Tamagu, mumugau mabwaiyana yahe'ita pwaidiya taudi tomotaedi gogo gabulena 'oina 'u'ebwaegauwa 'oidiya. Ma wete 'enau mabwaiyana si'obigaiya, weyahina tomotaedi 'owa 'u'ebwaegauwa.

Yoni 4:14

Ma hesi taiya 'eguma we'ahina 'oiguwega ya'ebwae ma 'inuma, nata geya'abwa wete tani'ona 'iyahayahala hila. Weyahina we'ahina 'oiguwega ya'ebwae, nata 'atena 'ihebidala yawasina miyamiya hatayana weyahina.”

Yoni 3:35

Eeta Yehoba natunaina 'ihelauweya, 'oinega 'ina 'ebeloina mabwaiyana natuna nimana 'ilaguya.

1 Yoni 2:25

Ma yawasidaina 'igwae hemiseya 'ida 'ebwaegomi, beno yawasida miyamiya hatayaina.

1 Pita 3:22

tauna 'ihane pwaiya galewa, eeta bewa tuwa Yehoba 'ina 'ebeulega 'imiyamiya, ma aneloseyao ma toloinao mabwaiyadi galewa 'oina 'iloiloinaedi.

Ibeliu 1:2

Ma 'ebelosaloha tauda 'ida tuta 'ina gwaeyao 'ihepwailediya 'oida natuna 'oinega. Yehoba natunaina 'ihesinuweya, ma 'abehega ginaula mabwaiyadi 'oidiya 'ihetoloina, ta mwalohene natunaina ba'idana ginaula mabwaiyana sihemasalehediya.

Madiu 11:27

Ma wete 'igwaeya, “Ginaula mabwaiyana Tamagu nimaguwa 'ilagu pwaidiya ma Tamaguina taboinamo 'isanapugauwa, ma taugu wete Tamagu taugumo yasanapuya, ma wete 'eguma taiyawedi taudi nuwanuwagu ma Tamagu yahe'itae 'oidiya, taudi wete sisanapu.

Yude 1:21

ma wete helauina Yehoba 'oinega wa'abiyahi, ma wayamwayamwana tolahisa 'abwa 'ida Bada Yesu Keliso 'ina 'atemuyemuyega yawasimi miyamiya hatayana 'i'ebwaegomi.

1 Timoti 1:16

Yehoba 'ina 'atemuyamuya 'oiguwa huhuna bewa gide, 'abehega Yesu Keliso taugu togala madouna weyahigu 'i'alama'i'ita, ma 'ane togala mabwaiyadi si'itegau ma sisanapu taudi wete 'eguma Keliso sihemisae yawasidi hataya siloba.

Pilipai 2:10

ta 'oinega tauna sanina weyahina megalewa ma mebale'u ma wete to'amasao eema mabwaiyada ta'etuluha 'oina,

Epeso 1:20

Cina waiwaiina Keliso 'oinega 'ihe'itaeya tutaina 'amasega 'igihetoholo hileya, ta 'ina 'ebemiya galewa 'i'ebwaeya, Yehobaina 'ina 'ebeulega,

1 Kolinita 15:25

Weyahina Kelisoina nata ma'ina waiwai 'iloiloina eema 'ana siga 'ana 'alehaowedi mabwaiyadi 'ihewaiwai sinedi,

Loma 6:23

Weyahina pui 'ana maisa 'amasa, ma hesi Yehoba 'ina helau beno yawasida miyamiya hatayana, 'ida Bada Yesu Keliso 'oinega.

Yoni 6:27

Coinega bewa tuwa yahegwaegomi, sahena 'e'ahai gumwagumwalidi weyahidi wapaipaihowa, ma hesi 'e'ahai yawasimi miyamiya hatayana weyahidi wapaihowa. Ce'ahainaina bewa weyahina yahehegwaegwae. Loheyaiguina taugu nata ya'ebwaegomi. Weyahina Tamagu 'ina paihowa bewa weyahina 'ihesumanegauma ma yapaihowadi.”

Madiu 25:46

Coinega taudi sitauya muya hataya 'oina, ma todumwalu hesi yawasi hataya siloba.”