Yoni 16:10 - Loina Nuahuana

¹⁰ Ma wete tauna nata mumuga bwebwe'ana 'ihe'itegami, weyahina taugu yatautauya Tamagu 'oina ma geya'abwa wete wa'ita'ita hilegau.

Yoni 16:10 Referans Kwoze

1 Pita 3:18

Gidemusa tuwa, Keliso ma'aigeda 'i'amasa 'ida galao weyahidi, ma tauna loheya bwebwe'ana, ma tauda galagalaida ma weyahida 'i'amasa, ta 'oinega 'itoegita Yehoba 'oina. Ma Keliso wahinamo silohe'amasiya, ma yaluyaluwana geya.

2 Kolinita 5:21

Yehobaina tauda weyahida Keliso 'iloineya, tauna geya 'eta 'ina pui, ma hesi Yehoba 'itagwaleya ma Kelisoina weyahida 'ihetogala, ma 'ane tauna ba'idadai Yehoba 'ina mumuga bwebwe'ana ta'ewa.

1 Timoti 3:16

Moisa tuwa, 'ida tapwalolo 'ana sanapu dahwadahwaina, ma hesi madouna, beno Keliso weyahina: Tauna 'ihetomotai masiha, ma Yaluyaluwana 'oinega 'ihewaiwaiya, ma aneloseyao si'iteya, ma wasana tupwa mabwaiyadi sihesagoheya, ma gogo gabulena tomiyanao sihemiseya, ma 'ihaneya tupwa wasawasa 'oina.

1 Kolinita 1:30

Weyahina Yehoba tauna 'ina paihowega Yesu Keliso mahetedai tahe'aigeda, 'oinega Yehoba 'ina sanapu Yesuina 'ilagu balaheya 'oida, weyahina Yesu tauna wahina 'ipwaoliyeya weyahida, ta 'oinega 'i'abihe 'ehaugita ma 'i'abihe dumwalugita.

Paihowa 3:14

“Moisa tuwa, Yesu tauna loheya dumwaluna ma bwebwe'ana, ma hesi walogwahateya, ta tomota 'adi tolohe'amasa 'aigeda nuwanuwami, ta weyahina Pailato 'oina wa'ahwanoiyeya.

Galetiya 5:5

Weyahina tauda Yehoba tahemisaeya ma 'abehega 'i'ahwa bwebwe'anegita. Bewa 'ida nuwatuhuyahina Yaluyaluwa Tabuna 'oinega, eeta tauna weyahina tayamwayamwa.

Loma 1:17

Ta moisa tuwa tetela bewa 'ihe'itegita 'abehega 'ida hemisamo tuwa 'oinega Yehoba 'i'ahwa bwebwe'anegita. Weyahina Yehoba 'ina buki 'ihepwaila, 'igwaeya, “Todumwalu 'idi hemisega yawasidi siloba.”

Paihowa 17:31

Weyahina 'ida sabwelo bwa'omatana 'abwama 'iupaeya ma mebale'u mabwaiyada 'ada loina dumwadumwaluna 'ida 'ebwaegita loheyaina 'ihesinuweya 'oinega, ma loheyaina 'amasega 'i'abihetoholo hileya ma 'oinega tomota mabwaiyada wasa bewa tada 'ahwa moisae.”

Paihowa 7:52

Ma wete, tubumiyao palopita mabwaiyadi simumuga galagalaediya ma silohe'amasidiya, palopitaowedi taudi Todumwalu 'ina latuma sihepwaila nugeteya, 'oinega 'omi wete Todumwaluina watebaeya ma walohe'amasiya.

Paihowa 2:32

Bewa Yesu 'ina 'amasega Yehoba 'i'abihetoholo hila pwaiya, ma tauna mabwaiyama 'a'iteya.

Yoni 5:32

Ma hesiyage wada sanapu 'abehega hali loheya weyahigu 'ihepwaila pwaiya, ma yasanapuya to'aha gide 'ina hepwaila weyahigu mabwaiyana gwae moisa.

Yoni 3:14

“Mwalona gidemusa tubudao 'oidiya yoho 'awawa sitautauya ma Mosese mwata pwawati 'oinega 'ipaihoweya ma 'aiwe 'oinega 'i'abi haneheya ma 'oinega tubudaowedi lema silobeya. Coinega taugu 'abwa nata wete 'aiwe 'oina si'abi hanehegau,

Yoni 7:33

Sitauyama ma Yesu 'ihegwaediya 'igwae, “Taugu tuwa sauga 'i'iunamo 'oina 'oimiya yamiyamiya ma wete yalohihila tauna 'ihesumanegauma 'oina.

Yoni 16:5

Ma hesi 'i'iunamo ma ya'ebesinegomi ma yatauya tauna 'ihesumanegauma 'oina, 'oinega ginaulaedi yahehepwailedi 'oimiya. Bewa tuwa nata ya'ebesinegomi ma hesi geya 'eta taiya 'ida hesilalegau nuwana 'ida gwae, ‘Cinapwana, ta'eha 'utautauya?’

Yoni 16:28

Ta moisa tuwa beno, taugu Tamagu 'oinega yatauyama ma bale'u bewa 'oina yamiyamiya. Coinega bewa tuwa bale'u ya'ebe'ebesine ma yalolohihila Tamagu 'oina.”