Yoni 15:2 - Loina Nuahuana

² Lahagwao 'eguma geya sida huwa bwaibwaina nata tauna lahagwaowedi 'i'upwa yahuledi. Ma hesi lahagwaowedi 'eguma huwaidi bwebwe'adi nata moisa 'i'abi bwaibwainidi ma sihuwa bwaibwaina.

Yoni 15:2 Referans Kwoze

Madiu 3:10

Ma 'eguma 'imi mumuga geya bwebwe'adi nata Yehoba 'iheyatalaegomi, gide 'aiwe 'eguma geya huwaina bwebwe'ana, tomota sigoha yahuledi ma 'aiwe 'ala'alata 'oina siuledi ma sigabudi.

Madiu 15:13

Ma Yesu 'igwaeya, “Caiweyedi Tamagu geya 'i'umadi, 'abwa 'idabu yahuledi.

Heꞌitaꞌita 3:19

“Ma wanuwatuhuyahi 'abehega taiyawedi 'omi ya'atemuya muyaegomi, gwae pa'alinega ma loinega yagihe dumwaluwegomi. Coinega wahewaiwai ma 'imi puiyega wanuwabui.

Yoni 15:8

Ma 'eguma moisa wamuliya bwaibwainigau, nata huwaimi bwebwe'adi silatu ma 'oidiyega tomota si'ita ma Yehoba sihepwatuwe.

Madiu 13:12

Ceguma taiyawedi gide ma'idi sanapu, nata loheposeyana madou hedade siloba, ma hesi 'eguma taiyawedi geya 'idi sanapumo ma to'aha nuwana 'oidiya 'imiyamiya nata mabwaiyana silohe'waihi.

Madiu 3:12

Ma wete 'ina goliyega witi 'isapidi ma huwaidi sigubala ma muliyetega huwaina 'ausaladi 'ihedodo 'ina hada 'e'ahai, ma mohomohowedi 'igabudi 'aiwe ninima hatayaina 'oina.”

Madiu 21:19

Ma 'edai 'aiwe 'ana 'ita gide tuwa damaya 'i'ita lobeya, ma 'inaowa deina, ta geya 'aigeda huwaina 'i'ita loba, weyahina nabainamo. Coinega Yesu 'aiweina 'iheliyeya, 'igwaeya, “Cabwa sahena wete 'uhuwahuwa hila.” Ma 'aiweina 'iwelaiya mwayamwayauwa.

Ibeliu 12:15

Wa'itayahigomi 'amuge nata 'oimiyega taiya Yehoba 'ina helau geya'abwa 'ilobaloba. Ma sahena 'aigeda taiya 'oimiyega 'ihegaina ma 'imumuga galana, 'amuge ta baibaiwadi simuliye.

Yoni 15:16

“Comi geya wahesinuwegau ma 'oimiya yahe'inapwana. Taugu hesiyage yahesinuwanegomiya ma 'abehega yahesumanegomi, wapaihowa, ma 'imi paihowaedi 'oidiyega huwaimi bwebwe'adi silatu, ma wete 'oimiya simiya hataya. Ma 'oinega to'aha nuwanuwami, ma saniguwega wa'ahwanoi, nata wete Tamagu 'i'ebwaegomi.

Luke 8:13

Ma patuwedi sibe'uwa bale'u loloda'uda'ulena 'oina tomotaedi taudi beno Yehoba 'ina gwae weyahina siyaliyaya, ma hesi geya lamudi 'ipa'apa'ala, weyahina 'idi hemisa geya madouna, ma 'eguma 'ebe tohona 'oidiya 'ilatu nata sibe'u.

1 Yoni 2:19

ma Keliso 'ana 'alehaowedi 'adi 'ita gide Keliso 'ana tohemisao, ma geya. Weyahina taudi 'eguma 'ida boda moisa, 'abwa mahetedao tamiyamiya. Ma hesi geya! Tuwa si'ebesine pwaigita.

Taito 2:14

Tauna 'itagwaleya weyahida, ta 'i'amasa sabi 'abihetegita 'ida pui mabwaiyana 'oidiyega, ta 'i'abihe 'ehaugita, ta 'iboi 'ina boda 'oina 'ilagugita, ta 'ane 'ina paihowa bwebwe'adi 'oidiya taguibiga.

1 Kolinita 13:1

Ceguma 'igu gwaeyao bwebwe'adi, gide tologuguyao ma aneloseyao 'idi gwae, ta 'eguma helau geya 'ateguwa 'imiyamiya, 'igu guguyaedi ginaula bwagabwaga, gide sinaha silahulahusi besobeso, nuwana yoguli simu'amu'a besobeso.

Loma 8:28

Eeta tasanapuya 'eguma Yehoba tahelauwe nata ginaula mabwaiyadi 'i'abihe dumwaludi weyahida, beno tauna 'ina nuwatuhu gide ta 'ibwauwegita.

Yoni 17:12

“Weyahina tutaina taugu mahetediu, 'owa 'ino waiwai 'oinega ya'ita'ita yahidi. Waiwaiina 'owa 'u'ebwaegauwa 'oinega ya'ita'ita yahidi. Ma Tamagu, bo'iyage 'usanapu pwaiya beno tomotaedi 'u'ebwaegauwa, geya 'eta taiya 'oidiyega yahe'waihi. Beno tuwa loheyaina 'ino buki 'oina lele 'imiyamiya 'abehega tauna 'i'waiha, loheyainaina 'iboinamo 'ihesilae.

Madiu 13:33

Caigeda wete gwae hegehegedi 'i'ebwaediya, 'igwae, “Yehoba 'ina loina gide tuwa pwalawa 'ana 'ebe 'abiheseseha. Wahine 'i'eweya 'i'iuna tuwa ta pwalawa madouna ba'idana 'ihebweliyeya, 'oinega mabwaiyana 'iseseha.”

Madiu 7:19

Ma hene 'eguma 'aiwe geya sida huwa huwaina bwebwe'ana, nata tagoha yahule ma tagabu.

Madiu 25:29

Weyahina 'eguma taiya 'ana heguheguyai 'iloheposeyane, 'ana loheposeyana wete 'iloba, ma 'imadou; ma 'eguma taiya geya 'iloheposeyane, to'aha 'oina 'imiyamiya 'oinega 'abwa si'ewa yahule.’

Maki 4:20

“Ma 'ane patuwedi bale'u bwebwe'ana 'oina sibe'uwa, 'ana nuwasabwalena 'abehega tomotaedi taudi ma'idi tagwala moisa Yehoba 'ina gwae sihesagoheya, 'oinega huwaidi bwebwe'adi ma baibaiwadi 'ilagudiya. Tupwadi huwaidiyao teti, ma tupwadi sikisiti, ma tupwadi handeledi.”

Yoni 15:1

Coinega Yesu wete 'ihegwaediya 'igwae, “Taugu 'aiwe huwahuwa moisa waini weyahina, ma Tamagu tauna topaihowa.

Yoni 15:3

Comi wete gidemusa 'igu gwae 'oidiyega ya'abihe bwebwe'anegomiya.

Yoni 15:6

Coinega taiyawedi 'omi 'eguma geya'abwa 'oiguwa wamiyamiya, nata Tamagu 'oiguwega 'i'ewa yahulegomi ma wawelai. Gidemusa 'aiwe lagalaganao siwelawelai ma 'aiwe 'ala'alasidi 'oidiya sigabugabudi.

Loma 11:17

Eeta taudi meYudiya gide tuwa Yehoba 'ina 'aiwe lahanao tupwadi silotalasa, ta 'omi 'oimiyega 'ihemiyalaenediya, weyahina 'omi hali 'aiwe lahanao ma 'ihesinuwegomiya, ta 'ina 'aiweina 'oina 'ilagu hepa'igomiya, ma 'ina 'aiweina 'oinega 'ana we'ahega wanumanuma, beno Yehoba 'ina helau walobeya.

Loma 11:22

He'ita bewama ta'iteya Yehoba 'ina helau ta 'ina loina pa'ala, weyahina tobe'u 'oidiya 'ina loina pa'alina 'ilagulagu, ma hesi 'omi 'ihelauwegomiya, ma 'eguma 'ina helauina walogwahate, 'omi wete 'ilasa yahulegomi.