Yoni 15:1 - Loina Nuahuana

¹ Coinega Yesu wete 'ihegwaediya 'igwae, “Taugu 'aiwe huwahuwa moisa waini weyahina, ma Tamagu tauna topaihowa.

Yoni 15:1 Referans Kwoze

1 Kolinita 3:9

Bewa tuwa Yehoba ba'idamai 'ina tanoha 'apaipaihowa, ta 'ina tanohina beno 'omi tomota tuwa. Ma wete 'omi Yehoba 'ina hada.

Yoni 6:55

Weyahina wahigu bewa tauna 'e'ahai moisa, ma wete bweyahigu 'ebe numa moisa.

1 Yoni 2:8

Ma hesi loina bewa yalele hileya gide loina hauhauna helau weyahina, weyahina helauina Keliso 'ana lobwaina, ma 'omi 'ami lobwaina wete. Beno 'oinega guguyou 'igumwagumwala, ta 'asilala moisa 'isaehane pwaima.

Maki 12:1

Coinega Yesu 'igwae hegehegediyediya, 'igwae, “Caigeda loheya 'ina tanoha 'idauniya gileipa daisinamo ma 'ali 'ipaihoweya, ma gileipa 'ana 'ebe bibi 'ipaihoweya, ma hada tanoha 'alona 'i'abiya, 'oinega 'ina topaihowao 'iloinediya ma si'ita'itayahi, ta tauna 'itauya hali tupwa.

Madiu 21:33

Ma Yesu wete 'ihegwaediya, 'igwae, “Caigeda gwae hegehegedi wete wahesagohe tobegula weyahina. Tobegulaina gileipa daisinamo 'ibeguliya 'ina tanoha ma 'abwalu 'ipaihoweya ma gileipa 'ana 'ebebibi wete 'ipaihoweya, ma hada tanohina 'alona 'i'abiya, 'oinega 'ina topaihowao 'ihegwaediya si'ita'itayahi, ma tauna 'itauya hali tupwa.

Yoni 6:32

Ma Yesu tomotaedi 'ihegwaediya 'igwae, “Yagwae moisa 'oimiya, Mosese 'e'ahainaina beno geya galewega 'i'ebwaegomi, ma hesi Tamagu tauna hene 'e'ahai moisaina galewega 'i'ebwa'ebwaegomi.

Luke 13:6

Ma muliyetega 'aigeda wete gwae hegehegedi 'i'ebwaediya 'igwae, “Caigeda loheya 'ina tanoha 'aiwe 'i'umeya gide damaya. Ma tuta baibaiwana 'inaonaoma 'aiweina ma huwaina sabi bayoina, ta geya 'aigeda tuta huwaina 'ida lobeya.

Madiu 20:1

“Yehoba 'ina loina gide tuwa loheya 'aigeda ma'ina tanoha, loheyaina 'abwakululu 'itoholowa ma 'itauya 'asai ta tupwadi topaihowao 'itoediya sabi paihowa 'ina tanoha.

Yoni 1:9

Ma 'asilalaina 'asilala moisa. Gogo gabulena mabwaiyada 'oida 'ihe'asilala.

Yoni 1:17

Yehoba 'ina loina Mosese 'oinega silatuwa. Ma hesi helau moisa ma mumuga bwebwe'adi Yesu Keliso 'oinega silatuma.

Madiu 15:13

Ma Yesu 'igwaeya, “Caiweyedi Tamagu geya 'i'umadi, 'abwa 'idabu yahuledi.

Yoni 15:2

Lahagwao 'eguma geya sida huwa bwaibwaina nata tauna lahagwaowedi 'i'upwa yahuledi. Ma hesi lahagwaowedi 'eguma huwaidi bwebwe'adi nata moisa 'i'abi bwaibwainidi ma sihuwa bwaibwaina.

Loma 11:17

Eeta taudi meYudiya gide tuwa Yehoba 'ina 'aiwe lahanao tupwadi silotalasa, ta 'omi 'oimiyega 'ihemiyalaenediya, weyahina 'omi hali 'aiwe lahanao ma 'ihesinuwegomiya, ta 'ina 'aiweina 'oina 'ilagu hepa'igomiya, ma 'ina 'aiweina 'oinega 'ana we'ahega wanumanuma, beno Yehoba 'ina helau walobeya.