Yoni 14:2 - Loina Nuahuana

² Casainaina Tamagu 'oina 'imiyamiya hada baibaiwadi sitotoholo, 'oinega 'asainaina 'oina yatauya ma 'imi 'ebemiya ya'atububudi. Gwae bewa 'eguma geya moisa, geya'abwa wete 'oimiya yahehepwaile.

Yoni 14:2 Referans Kwoze

2 Kolinita 5:1

Wahida gide 'ida hada bale'uwa, tasanapuya 'eguma 'ilotaligeha, 'ida hada hauhauna taloba galewa, geya tomota nimadiyega sipaipaihowa, ma hesi miyamiya hatayana Yehoba tauna 'oinega.

Yoni 13:36

Ma Saimoni Pita Yesu 'ihesilaleya 'igwae, “Cinapwana, ta'eha 'uhaha'esa?” Coinega Yesu Saimoni 'enana 'ihemaiseya 'igwae, “Sauga bewa 'oina geya sowasowahiu ma 'umuliyegau, ma hesi sauga 'inaonaoma 'oina 'abwa hesi 'umuliyegau 'asainaina 'oina yatautauya.”

Ibeliu 13:14

Weyahina 'ebwa bale'uwa geya 'aigeda 'ida 'asa miyamiya hatayana, 'oinega 'ilobwainegita ma 'asa miyamiya hatayana tuta 'inaonaoma weyahina ta'ebese.

Heꞌitaꞌita 21:2

Ma 'asa 'asi'asilalana ya'iteya tauna Yelusalema hauhauna galewega 'isulusuluma Yehoba 'oinega, 'ihepaseya gide tohai mewahinena 'ipasa ma mwanena ba'idana sihelobaloba.

Heꞌitaꞌita 3:12

Ma 'eguma 'oimiyega taiya 'ihewaiwai, yaloinae ma 'ihelogidi Yehoba 'ina Hada He'asisi weyahina, ma geya'abwa wete 'i'ebe'ebesine, ma 'oimiya Yehoba sanina 'abwa yalele, ma wete Yehoba 'ina 'asa sanina yalele, beno Yelusalema hauhaunaina, 'abwa galewega 'isuluma 'igu Yehoba 'oinega. Ma wete 'oimiya sanigu hauhauna yalele.

Ibeliu 11:10

Ma hesi Ebalahamo 'inuwatuhu yahiya 'abehega 'asaina 'ana wahuwahu pa'alina 'oina 'iluhu, beno Yehoba tauna 'ina nuwatuhu gide ma 'i'abiya.

Yoni 13:33

Natugwao, tuta 'i'iunamo taugu mahetemiu tamiyamiya. Ma 'abwa nata ya'ebesinegomi ma wabesegau. Ma hesi bewa tuwa yahegwaegomi gide mwalona meYudiya yahegwae 'esediya yagwae, ‘Casainaina 'oina yatautauya, 'omi geya sowasowahimi ma 'oina watauyawa.’

Yoni 16:4

Ginaula bewa yahepwailediwa, ma 'eguma sauganaina silatu, nata wanuwatuhu hila 'abehega ginaulaedi 'oimiya hepwailediya.” Coinega wete 'ihegwaediya 'igwae, “Ginaulaedi bewa mwalona geya yahepwaila nugetedi 'oimiya, weyahina sauga baibaiwana 'oidiya taugu ba'idamiu.

Yoni 17:24

“Tamagu, tomotaedi 'u'ebwaegauwa, nuwanuwagu ma 'asainaina 'oina yatautauya taudi wete 'asainaina 'oina mahetegwao 'ada miyamiya ma 'oinega 'igu wasawasaina 'u'ebwaegauwa nage 'oina si'ita. Weyahina muliyetega ma bale'u bewa 'upaihoweya, taugu 'uhelauwe nugetegauwa.

Ibeliu 6:20

Nage 'oina Yesu 'iluhu nugeta pwaiya weyahida, ta 'ihetopwaoli madouna ma miyamiya hatayana weyahida, gide Melikisedeki mwalo hene.

Heꞌitaꞌita 3:21

“Ma 'eguma 'oimiyega taiya 'ihewaiwai, 'abwa yatagwala 'oina ma ba'idagu 'amiyatoi 'igu wagahata wasawasa 'oina, gide tuwa taugu yahewaiwaiya, ta Tamagu 'ina wagahata wasawasaina 'oina ba'idagu 'amiya toiya.

Heꞌitaꞌita 1:5

Yesu Keliso tauna tohepwaila moisa, ma wete tauna 'amasega 'itoholo nugeta, ta bale'u 'ana toloinao 'idi kini. Yesu tauna 'i'atemuyamuyaegita, 'ida puiyao bweyahinega 'ideulidiya.

Ibeliu 9:8

Bewa 'ebe'ita tomota hauhauda 'oida, Yaluyaluwa Tabuna 'oinega, ta 'oinega tasanapu 'abehega 'eguma paihowaina miyamiyaina 'abwa tapaipaihowa, geya sawasawahina ma taluhu Tupwa He'asisi Hedade 'alona. Eeta helauwao ma hebahebai loina miyamiyaina 'oinega sipwaopwaoliyedi Yehoba 'oina, ta hesi geya sawasawahidi ma tomotaedi 'atedi si'abihe'ehau, ta wahidimo si'abihe'ehau,

Taito 1:2

Wete Yehoba mwalo hene 'igwae hemisaediya ta sihemisaeya 'abehega yawasidi miyamiya hatayana 'i'ebwaedi. Ta geya sowana 'i'abo.

1 Tesalonaika 5:9

Weyahina Yehoba geya 'abehega 'iloinegita ma tatauya 'ebeyatala 'oina, ma hesi nuwanuwana 'ida Bada Yesu Keliso 'ina paihowega 'i'abihetegita.

Paihowa 9:16

Ma 'abwa taugu yahe'itae muyao madoudi nata 'ilobadi 'agu hepwaila weyahina.”

Yoni 14:28

“Cigu gwae bewa wahesagoha pwaidiya, beno ‘Nata yatauya, 'abwa wete yahilama 'oimiya.’ Ma hesi 'omi 'eguma wahelauwegau, 'igu tauyaina Tamadaina 'oina weyahina wayaliyaya. Weyahina Tamadainaina tauna 'ihane sinegauwa.

Luke 14:22

“Ma hewaliina 'ipaihoweya gide, ma muliyetega 'inaoma ta 'igwaeya, ‘Bada yo, tomotaedi yatoedima, ma hesi 'ino hadaina geya silohemaha.’