Yoni 13:5 - Loina Nuahuana

⁵ Muliyetega gaeba 'oina we'aha 'isiweya, ma 'ana tomuliyaedi 'ahedi 'ibuyodiya, 'abwa muliyetega taweloina 'oinega 'ahediyedi 'isaudiya.

Yoni 13:5 Referans Kwoze

Luke 7:44

Coinega 'i'ita lohihila wahineina 'oina, ma 'igwaeya, “Saimoni, wahine bewa 'ina paihowa weyahigu 'u'iteya, geya gide 'owa. Weyahina 'ino hada yaluhuma, ta we'aha 'ahegu 'ana 'ebebuyo weyahina geya 'u'ebwaegau, ma hesi wahine bewa mataneunega 'ahegu 'ibuyodiya, ta debanega 'isaudiya.

1 Timoti 5:10

ma tomota matadiya mumugadi dumwaluna, weyahina natudiyao 'adi 'itayahina 'oina sipaihowa bwaibwaina ma wete taumanao ta tohekalesiyao 'adi 'abihetena 'oina, wete tomiya mwau silemedi ma si'atemuyamuyaedi, beno 'ilobwainediya ma tohekalesiya 'oidiya siluhu, ma tohekalesiyaowedi 'oidiyega 'adi lema, nana 'e'ahai, bo 'ale'o si'ewa.

Heꞌitaꞌita 7:14

Ma 'oina yagwaeya, “Bada 'owa 'usanasanapudi. Taugu geya.” Ta 'ihegwaegauwa, 'igwae, “Bewa bodaedi bale'u 'ana muyamuyao 'oidiyega situpwa, ma 'adi 'ale'owedi Lamiina bweyahinega 'ideulidiya ta siwa'e'eya.

Ibeliu 10:22

Coinega Yehoba tahahoho ma'ida 'atetagwala ta ma'ida hemisa moisa, ma 'oinega wahida ta'abihe'ehaudi we'aha 'ausalana 'oinega, ma wete 'ida nuwatuhu si'ehau, weyahina Yesu 'ina losehusehula 'oinega 'ida nuwatuhu galadi 'i'abihe 'ehaudiya.

Epeso 5:26

'ada gihe'ehau weyahina, beno 'ida pui 'ana 'ebe deula we'ahaina 'ina gwae 'oinega,

1 Kolinita 6:11

Weyahina tupwami mwalona mumugami gidemusa, ta hesi tuwa Yehoba 'ideuli pwaigomiya, ta wa'ehauwa, weyahina 'ida Bada Yesu Keliso saninega ma Yaluyaluwa Tabuna 'ina paihowa 'oinega 'i'abihedumwalu pwaigomiya.

Paihowa 22:16

Ta to'aha hede 'uyamwayamwa, 'utoholo ma saninega 'ubwauwe ma 'ubabitaiso ma 'abehega 'ino puiyao 'ibuyodi.’

1 Yoni 5:6

Natunaina 'ina tauyama 'oida beno bwasiyega ma wete bweyahega, tauna Yesu Keliso, geya bwasimo 'oinega, ma hesi bwasi ma bweyaha wete 'oidiyega. Bewa weyahina Yehoba Yaluyaluwana 'ihepwaila moisa, weyahina Yaluyaluwana mumugana dumwadumwaluna.

1 Yoni 1:7

Ma hesi 'eguma tupwa 'asilala 'oina tamiyamiya, gidemusa Yehoba 'ina tupwa 'asilala 'oina 'imiyamiya, beno ta'ahwa 'iya'iyagu moisa, weyahina Natuna Yesu bweyahinega 'igihe'ehaugita 'ida puiyao mabwaiyadi 'oidiyega.

Yoni 19:34

Beno namo tolo'aleha 'aigeda 'aliliya 'i'eweya ma Yesu lisulisuna 'ibadiya, ma lisulisunega bweyaha ma we'aha sidauwa.

Luke 7:38

Yesu deina 'itoholowa ma 'idoudou, ma mataneunega Yesu 'ahena 'ihebuteya, ta debanega 'isaudiya, weyahina wahineina debana dudulena, ma wete Yesu 'ahena 'inisoya, ma holowaina 'isiweya Yesu 'ahena.

Heꞌitaꞌita 1:5

Yesu Keliso tauna tohepwaila moisa, ma wete tauna 'amasega 'itoholo nugeta, ta bale'u 'ana toloinao 'idi kini. Yesu tauna 'i'atemuyamuyaegita, 'ida puiyao bweyahinega 'ideulidiya.

Yoni 13:10

Coinega Yesu 'ihegwaeya 'igwae, “Taiyawedi 'omi 'eguma wahatui pwaiya, 'ilobwainegomiya ma 'ahemimo yabuyodi ma 'oinega wahimi mabwaiyadi si'ehau. Yasanapugomiya 'omi bwebwe'ami, ma hesi geya mabwaiyami bwebwe'ami.”

Yoni 13:8

Coinega Saimoni Pita 'ihegwae hileya 'igwae, “Sahena 'eta wete tuta 'oina 'ahegu 'ubuyobuyodi.” Coinega Yesu wete 'igwae, “Ceguma geya'abwa 'aheu yabuyobuyodi, 'owa geya 'iyagu.”

Yoni 13:6

Coinega Yesu Saimoni Pita 'oina 'ilatuwa ma Saimoniina Yesu 'ihegwaeya 'igwae, “Cinapwana, sahena 'aheguwedi 'ubuyobuyodi.”