Yoni 13:2 - Loina Nuahuana

² Sauga nage 'oina Yesu ma 'ana tomuliyao nima bwaubwau ma 'eluwa mahetenao si'ai'ai. Ma Yudasa Isakaliyota, tauna Saimoni natuna, Seitani 'oina 'iluhu pwaiya 'ihenuwa laguweya ma 'abehega Yesu 'itebae.

Yoni 13:2 Referans Kwoze

Paihowa 5:3

Pita 'ihegwaeya, 'igwae, “Ananaiyasi to'aha weyahina Seitani nuwau 'i'eweya ma tanoha 'ana maisa tupwana 'udahweya? Beno 'ino 'abo Yaluyaluwa Tabuna 'oina.

Heꞌitaꞌita 17:17

Weyahina Yehoba 'atediya 'ihenuwa laguweya ma 'ina nuwatuhu sipaihowa, beno 'idi paihowa mahemahetena, ma 'idi waiwai ta 'idi loina hebaiina 'abwa si'ebwae, ta tauna 'iloina 'ana siga Yehoba 'ina gwaeyedi 'ipaihowadi.

Epeso 2:3

Mwalo wete tauda gidemusa, ta wahida 'ina nuwa'ubuna tamulimuliyedi, ma to'aha tauda 'ida nuwatuhuwega tapaipaihowadi. Coinega 'ana lobwaina ma Yehoba 'igamwasowalegita, weyahina mumugada tauda galagalaina, gidemusa mebale'u mabwaiyadi.

2 Kolinita 8:16

Yehoba 'oina yaloyauwedo, weyahina Taito 'ina nuwatuhu madouna 'i'ebwae pwaiya, ma tauna 'i'abihetegomi, gide tauma wete 'ima nuwatuhu.

Luke 22:31

Ma wete Yesu 'igwaeya, “Saimoni gwae bewa 'uhesagohe, weyahina Seitani tagwala 'i'ewa pwaiya ma mabwaiyami 'itohogomi, gide tuwa tobegula 'ina witiyao 'i'ahu hutuhutu tohodiya,

Luke 22:3

Nage 'oina Seitani Yudasa 'oina 'iluhuwa, tauna sanina heluwena Isakaliyota, ma wete tauna Yesu 'ana tomuliya 'aigeda site tuwelo 'oidiyega.

Yoni 13:4

Eeta 'idi 'ebe 'aiina 'oinega Yesu 'itoholowa, 'ana 'ale'o 'i'ewa yahuleya, ma tawelo 'i'oteya.

Madiu 10:4

ma wete hali Saimoni, tauna to'ala'ohe'ohe Isileli 'ina miyawasi Loma weyahina, ma Yudasa Isakaliyota, tauna 'abwa Yesu 'itebae.

Yoni 13:11

Yesu gwae bewa 'i'inaneya weyahina 'isanapu nugeteya taiya nata 'oidiyega Yesu 'itebae, tutaina 'igwae, “Geya mabwaiyami bwebwe'ami.”