Yoni 13:10 - Loina Nuahuana

¹⁰ Coinega Yesu 'ihegwaeya 'igwae, “Taiyawedi 'omi 'eguma wahatui pwaiya, 'ilobwainegomiya ma 'ahemimo yabuyodi ma 'oinega wahimi mabwaiyadi si'ehau. Yasanapugomiya 'omi bwebwe'ami, ma hesi geya mabwaiyami bwebwe'ami.”

Yoni 13:10 Referans Kwoze

Yoni 15:3

Comi wete gidemusa 'igu gwae 'oidiyega ya'abihe bwebwe'anegomiya.

2 Kolinita 5:17

ma hesi wanuwatuhuyahi 'abehega taiya Keliso 'oina 'imiyamiya, tauna 'ihetomota hauhauna. Cina mumuga miyamiyaina 'igumwala pwaiya, ma hauhauna 'ilatuwa.

2 Kolinita 7:1

Ciyagwao, Yehoba 'ina gwae hemisaedi tahesagohediya, 'oinega wahida ma yaluyaluwada ta'abihe 'asilaladi ginaula bi'ibi'idi 'oidiyega, ma tahe'ehau moisa ta ma'ida he'asisi Yehoba 'oina.

2 Kolinita 5:21

Yehobaina tauda weyahida Keliso 'iloineya, tauna geya 'eta 'ina pui, ma hesi Yehoba 'itagwaleya ma Kelisoina weyahida 'ihetogala, ma 'ane tauna ba'idadai Yehoba 'ina mumuga bwebwe'ana ta'ewa.

Yemesa 3:2

Moisa tuwa mabwaiyada pui tapaipaihowa. Ta 'eguma taiya tauna geya gwae galana 'ahwanega 'ida hapwesa, tauna loheya 'ehauna ta dumwadumwaluna, weyahina sawasawahina ma wahinao mabwaiyana 'iloinaedi.

Ibeliu 9:10

'eguma loinaowedi tomota simulimuliyedi 'e'ahai ma 'adi we'aha ma hali buyo ma hali buyo weyahidi. Weyahina mwalo loinaina miyamiyaina Yehoba 'ilaguya ta 'imiyamiya 'ana siga Keliso 'ilatuma ta loina 'ibuiya.

1 Tesalonaika 5:23

Yehoba tauna daumwala huhuna, 'oinega yaluyaluwami ta nuwami ta wahimi 'i'abihe'ehau bwaibwainidi ma si'asilala, ma 'ane mumugami bwebwe'ana wamiyamiya 'ana siga Yesu Keliso 'ihilama.

Madiu 6:12

Ma 'ima mumuga galadi 'unuwasamudi, gide wete tauma 'iyamayao 'idi mumuga galadi 'oima 'anuwasamudi.

Yoni 13:9

Saimoni Pita Yesu 'oina 'itagwala 'igwae, “Cinapwana, bwebwe'ana. Ta geya 'abehega 'ahegumo, ma hesi nuwanuwagu nimagu wete debagu mabwaiyana 'ubuyodi.”

Yoni 13:18

“Cigu gwae bewa geya 'abehega mabwaiyami weyahimi, ma hesiyage taiyawedi taudi yahesinuwana pwaidiya weyahidi yahehegwaegwae. Ma hesi Buki He'asisi 'oina hali loheya weyahina 'ihepwaila, 'ana moisa 'ilatu bwaibwaina tutaina 'igwae, ‘Loheyainaina tauna 'ana ya'ebwa'ebwaeya, tauna tuwa loheyainaina nata 'imiya lohihila ma 'ilo'alehegau.’