Yoni 12:1 - Loina Nuahuana

¹ Sabwelo sikisi simiyamiya ma Hataona Guyaina sipaihowa, ma Yesu 'itauya Bedani, beno Lasalo 'ina 'asa 'oina. Lasalo tauna mwalona Yesu 'amasa 'oinega 'i'abi hetoholo hileya.

Yoni 12:1 Referans Kwoze

Luke 24:50

Coinega 'ina gwae 'ilosalohiya, ma muliyetega 'itoediya ma sitauya Bedani 'oina, ta nobwa nimana 'iyasidiya 'oidiya, ma 'igwae helauwediya.

Yoni 12:20

Tuta nage 'oina meGilisi tupwadi bodaedi soladiya simiyamiya. Taudi tuwa totapwalolo 'idi 'asega siliya hanema Yelusalema 'oina sabi tapwalolo, Hataona Guyaina 'ana tuta 'oina.

Yoni 11:55

Sauga nage 'oina meYudiyaedi 'idi Hataona Guyaina 'ana sauga 'ilobeya, 'oinega tomota baibaiwadi 'idi 'asa 'oidiyega sihanema Yelusalema 'oina sabi 'abi'ehau hiladi 'abwa muliyetega 'idi Guyaiina sipaihowa.

Yoni 11:1

Loheya 'aigeda lolohalaina sanina Lasalo, Bedani loheyaina. Loheyainaina nuhunao siteluwa mahetenao simiyamiya, 'aigeda sanina Meli ma 'aigeda sanina Malida.

Madiu 21:17

Coinega Yesu 'i'ebesinediya, ta Yelusalemega 'ilatuwa, ta Bedani 'oina 'iluhuwa, ta nobwa 'i'enowa.

Yoni 11:44

Nage 'oina Lasalo galihega ma'ana wadu 'ilatuma. Weyahina nimana ma 'ahena ma wete manina 'ale'o 'oidiyega siwaduhidiya. Ta Yesu boda 'ihegwaediya 'igwae, “Cana waduhedi walihasidi ma 'itauya.”

Maki 11:11

Ma Yesuina Yelusalema 'oina 'ihapwesa, ma Hada He'asisi 'oina 'iluhuwa, ma ginaula baibaiwana Hada He'asisi 'alona 'i'e'ebubudiya, eema sinala 'isopuwa, 'oinega ma'ana tomuliyao site tuwelo mahetenao sihila Bedani 'oina, si'enowa.

Luke 7:37

Ma gogo nage 'oina 'aigeda wahine galana 'imiyamiya. Wahineina 'isanapuya 'abehega Palisi 'ina hada Yesu 'i'ai'ai. Coinega holowa bwebwe'ana ma 'ana botolo 'ausala hedadena 'i'eweyama,

Yoni 11:43

Yesu 'ina 'ahwanoi mulina 'enana madouna 'oinega 'ibwauwa 'igwae, “Lasalo, 'ulatuma!”

Yoni 12:9

Ma meYudiya boda madouna Yesu wasana sihesagoheya 'abehega Bedani 'oina 'imiyamiya, 'oinega 'asainaina 'oina sitauya. Nuwanuwadi Yesu ma Lasalo si'itadi, Lasaloina tauna mwalona 'amasega Yesu 'i'abi hetoholo hileya.

Yoni 12:12

Hali sabwelowa boda madouna taudi sitauyama Yelusalema Hataona Guyaina weyahina Yesu wasana sihesagoheya 'abehega 'abwa nata Yesu Yelusalema 'oina 'iluhuma.