Yoni 10:10 - Loina Nuahuana

¹⁰ Ma hesi toyagaha 'idi paihowa beno nata sitauyama siyagaha ma silohe'amasa, ma wete sipi si'abi hegaladi. Taugu hesiyage yatauyama ma 'oinega 'oiguwega tomota yawasidi bwebwe'ana ma mahamahana siloba.”

Yoni 10:10 Referans Kwoze

Luke 19:10

Taugu Loheyaiguina, ta yanaoma ma 'ane todeya ya'ebesedi ma ya'abihetedi, gide loheya bewa.”

Yoni 6:51

Weyahina taugu yawasimi 'ana 'e'ahai galewega yasuluma, ma taiyawedi 'omi 'eguma 'e'ahainaina 'oiguwega wa'ai, nata yawasimi miyamiya hatayana waloba. Ce'ahainaina beno taugu hesiyogu ya'ebwaegomi ma wa'ai, weyahina wahigu yatagwaleya mebale'u mabwaiyami yawasimi weyahina.”

Yoni 12:47

Ma wete taiyawedi 'omi 'eguma 'enagu wahesagohedi, ma geya wapaihowadi, nata geya'abwa 'imi pui weyahidi yaloiloinaegomi. Weyahina taugu yatauyama geya 'abehega tomota 'idi pui sabi heyatalaina, ma hesi yatauyama tomota 'idi pui 'oidiyega ya'abihetedi.

Yoni 6:33

Ma 'e'ahainaina Yehoba 'oinega tauna 'ilatu pwaima bale'uwa ma tomota yawasidi 'i'ebwa'ebwaedi.”

Yoni 3:17

Ta Yehobaina natunaina taugu 'ihesumanegauma bale'uwa geya 'abehega yaloinaegomi, ma hesi yatauyama 'imi pui 'oidiyega sabi lemegomi.

1 Timoti 1:15

Gwae bewa gwae moisa, ma 'ilobwaineya ma tahemisae, weyahina Yesu Keliso bo'i bale'uwa 'itauyama togalaedi sabi 'abihetedi, ma hesi togalaedi mabwaiyadi 'oidiyega taugu tuwa gala hedada.

Yoni 10:1

Yesu wete 'ihegwaediya 'igwae, “Yagwae moisa 'oimiya, taiyawedi 'eguma sipi 'adi 'ali 'ana 'ahwa'eda geya 'oinega siluhu, ma sinao hali tupwega siluhu, taudi sanidi toyagaha.

Madiu 20:28

Wete gide taugu Loheyaiguina yasuluma bale'uwa, geya 'abehega tomota weyahigu sipaihowa, ma hesi sabi paihowa tomota weyahidi, ma wete yatagwalegauwa ma ya'amasa tomota mabwaiyami 'ami lihasa weyahina.”

Ibeliu 7:25

Yesuina tuta mabwaiyana sawasawahina 'i'abihetegita 'eguma 'ana hemisega taluhu Yehoba matana, weyahina Yesu miyamiya hatayana, ta tuta baibaiwana weyahida 'i'ahwa'ahwanoi Yehoba 'oina.

2 Pita 1:11

ma 'oinega muliyetega ma'imi yaliyaya waluhu 'ida Bada ma 'ada To'abihetena Yesu Keliso 'ina 'ebeloina 'oina ma nobwa wamiya hataya.

Ibeliu 6:17

Yehoba gide nuwanuwana madouna 'ina gwae moisa tauda 'ihe'itegita 'abehega to'aha 'igwae hemisaeya 'oida 'abwa taloba, 'oinega tauna saninega 'i'eta'wata'waluluwa.

Madiu 23:13

“Ma hesi 'omi loina 'ana tohe'itao ma Palisiyao 'atemuyamuyaimi, weyahina 'imi 'abowega tomota wa'ausidiya ma 'oinega Yehoba 'ina 'ebeloina 'oina sahena siluhuluhu. Comi geya'abwa waluhuluhu, ma tomota wete taiyawedi nuwanuwadi ma siluhu wanuwahidiya.

Loma 2:21

Taiya 'owa hali tomota 'oidiya 'uhehe'ita, ma togidega 'owa? Ceguma 'oidiya 'ugwae, “Sahena yagaha”, ma 'owa toyagaha 'aigeda.

Madiu 18:10

“Gwagwama bewa gide sahena 'aigeda 'oidiyega walososomane.

Maki 11:17

Ma 'ihe'itediya, 'igwae, “Yehoba 'ina gwae Buki He'asisi 'oina sileleya, geya wasanapu, 'igwaeya, ‘Cigu hadaina 'abwa sibwauwe tomota mabwaiyadi 'idi 'ebe 'ahwanoi.’ Ma hesi 'omi wa'abi buiya 'abehega 'imi 'ebe yagaha.”

Yoni 12:6

Yudasa 'ina gwae geya 'abehega moisa wewelohe weyahidi 'ihehegwaegwae, ma hesi tauna tuwa weyahina 'ihehegwaegwae. Tauna tuwa toyagaha 'aigeda ma Yesu 'ana tomuliyao 'idi mane 'ana to'ita yahina tauna. Coinega 'idi maneina 'i'ita'ita yahi ma maneinaina 'oinega 'iyagayagaha.

Madiu 21:13

ma 'ihegwaediya, 'igwae, “Buki He'asisi 'oina Yehoba 'ina gwae sileleya, 'igwae, ‘Cigu Hada nata sanina sibwauwe hada 'ebe 'ahwanoi,’ ma 'omi wabui lohihiliya ma 'abehega 'imi 'ebe yagaha.”

Yoni 5:40

Beno 'oinega geya nuwami ma wanaoma 'oiguwa yawasimi miyamiya hatayana weyahina.

Yoni 10:11

Coinega wete 'ihegwae hilediya 'igwae, “Taugu moisa sipi 'adi to'itayahina bwebwe'agu, weyahina yawasigu yatagwaleya ma 'abehega 'igu sipi weyahidi ya'amasa.

Madiu 18:11

Moisa, gwagwamaedi 'idi aneloseyao tuta mabwaiyana galewa Tamagu matana simiyamiya, ma si'e'ebubu.