Yoni 1:34 - Loina Nuahuana

³⁴ Coinega Yoni boda 'ihegwaediya 'igwae, “Loheyainaina moisa mataguwega ya'iteya, ma bewa tuwa weyahina 'oimiya yahehewasa tauna moisa Yehoba natuna.”

Yoni 1:34 Referans Kwoze

Yoni 1:49

Coinega Nataniyela Yesu 'ihegwaeya 'igwae, “Cinapwana, 'owa moisa Yehoba natuna. Ma wete 'owa meIsileli 'ima kini.”

Madiu 4:3

Ma totohoina 'ilatuma ma 'igwaeya, “Ceguma 'owa Yehoba Natuna, dimwa bewa 'uloinaedi ma sihe'e'ahai.”

1 Yoni 5:20

Ma wete tasanapuya 'abehega Yehoba Natuna 'itauya pwaima, ta 'igihenuwa sabwalenigita ma Yehoba tasanapu 'abehega tauna Todumwalu, ta 'oina tamiyamiya, weyahina tauda Yehoba Natuna Yesu Keliso mahetenao. Yesuina Yehoba moisa, ma yawasida miyamiya hatayana huhuna tauna.

Heꞌitaꞌita 2:18

Aneloseina totapwalolowedi Tayataila 'oina 'i'ita'itayahidi 'ina leta 'ulele meTayataila weyahidi, ma 'ugwae: Tetela bewa 'itauyama Yehoba Natuna 'oinega, tauna matana 'adi 'ita gide tuwa 'aiwe 'ininininima, ma wete 'ahena namanamalidi gide pwawati hauhauna sigabuya.

Loma 1:4

ma muliyetega Yehoba yaluyaluwana 'ina waiwaiyega 'amasega 'i'abi hetoholo hileya 'ida Badaina, ta 'i'abi hemasaleheya 'abehega Yesuina Yehoba natuna.

Yoni 20:31

Ma hesiyage hisadimo tuwa bewa yalelediya ma 'oinega wahasilidi ma Yesu wasanapu ma wahemisae 'abehega tauna moisa To'abihetena Yehoba natuna. Ma 'oinega Yesu saninega yawasimi miyamiya hatayana waloba.

1 Yoni 4:9

ta 'ina helau 'igihe hapweseya 'oida Natuna 'oinega, weyahina Natunaina 'iboimo 'ihetuneyama, ta bale'uwa 'itauyama, ma 'abehega yawasida moisa 'i'ebwaegita.

1 Yoni 3:8

Ta topui beno taudi Tomudulele 'ina bodao, weyahina tuta mwalo 'oinega ta nige, Tomudulele tauna topui. Coinega Yehoba Natuna 'ihenatuneya bale'uwa, 'itauyama Tomudulele 'ina paihowao sabi 'ahusepaledi.

1 Yoni 2:23

Ceguma taiya 'owa Yehoba Natuna 'ulogwahateya geya Yehoba maheteu wamiyamiya. Ma hesi 'eguma 'utagwalego Natuna 'oina, tauna ma Tamana mahetemwao wamiyamiya.

2 Kolinita 1:19

Gidemusa Yehoba Natuna Yesu Keliso, tauna weyahina Silibenosi ma Timoti ba'idagwao 'alohatotowa 'oimiya, 'abehega Yesuina geya 'itagwala 'abo'abo, ma hesi tuta mabwaiyana 'itagwala bwaibwaina.

Yoni 19:7

Coinega meYudiyaedi sigwae, “Tauma 'ima loina 'abehega bewa tuwa 'ida 'amasa. Weyahina 'i'abowa 'abehega tauna Yehoba natuna.”

Yoni 11:27

Ta Malida 'igwae, “Cinapwana, yahemisaegowa 'abehega 'owa To'abihetenaina, Yehoba natuna, gogo gabulena bewa 'oina 'utauyama.”

Yoni 10:36

Coinega to'aha weyahina 'igu gwae wanuwatuhuya 'abehega gwae hohopa'ala tutaina yagwaeya 'abehega taugu Yehoba natuna? Ma hesi wa'ita, taugu 'ihesinuwanegauwa ma 'ihesumanegauma ma yatauyama bale'uwa ma 'ina paihowa yapaipaihowadi.

Maki 1:1

To'abihetena Yesu, tauna Yehoba natuna, wasana bwebwe'ana 'ana 'ebehegaina beno:

Madiu 27:54

Ma tolo'alehaowedi ma'idi tohanugeta saugenina Yesu kelose 'oina si'ita'itayahiya, mwani'ini'i ma ginaula mabwaiyana si'itediya, ta simatauta madouna, sigwaeya, “Moisa, loheya bewa Yehoba Natuna.”

Madiu 27:43

Tauna 'abehega Yehoba 'ana tohemisa ma 'igwaeya, ‘Taugu Yehoba Natuna.’ Ceguma Yehoba nuwanuwana tauna, 'ida 'etolihasi, 'awa?”

Madiu 27:40

sigwae “Ca mudala! Cugwaeya 'abehega sawasawahiu ma Hada He'asisi 'uligehi ma sabwelo 'etoi 'oina 'u'abihila. Hana 'uda 'etopelego 'uboi ma keloseyega 'usuluma, 'eguma 'owa Yehoba Natuna.”

Madiu 26:63

Ma Yesu tuwa 'ihehenonomo. Ma topwaoli madouna 'ihesilala, 'igwaeya, “Yehoba miyamiya hatayana matana 'uhe'isa moisa, togidega 'owa Keliso, Yehoba Natuna, bo geya.”

Madiu 17:5

Pita 'ina gwae 'abwa geya 'ilosalohi ma yaloyaloha 'asilalana 'i'ahuhe taluhidiya, ma yaloyaloha 'oinega 'enana 'aigeda sihesagoheya, 'igwae, “Bewa Natugu bwebwe'ana hedade, tauna weyahina yayaliyaya madouna, 'oinega 'ina gwaeyao wahesagohedi.”

2 Yoni 1:9

Ma 'eguma watauya pui ma Keliso 'ina he'ita wa'ebesine, 'omi Yehoba wa'ebe'ebesine, ma hesi 'eguma Keliso 'ina he'itao wa'abiyahi momosidi, Tamadai ma wete Natuna 'oimiya simiyamiya.

Ibeliu 7:3

Melikisedekiina geya tamanamo ta geya sinanamo, ma wete geya 'ina susumo ta 'ina li'u ma 'ina 'amasa geya 'adi tosanapumo, ma hesi gide tuwa Yehoba natuna 'ihetopwaoli hataya Yehoba 'oina.

Luke 3:22

ma Yaluyaluwa Tabuna, mawahina 'ana 'ita gide gabubu, 'isuluma Yesu 'oina. Coinega 'aigeda 'enana galewega 'igwaema, 'igwae, “Cowa natugu moisa, weyahiu yayaliyaya madouna.”

Luke 1:35

Ta anelose 'igwaeya, “Yaluyaluwa Tabuna nata 'isuluma 'oiuwa, ma Yehoba 'i'abi hewaiwaiyego, ma natuu bwebwe'ana hedadena ma he'asisina 'uhenatune. Tauna nata sibwauwe Yehoba Natuna.

Maki 1:11

Wete 'enana 'aigeda galewega 'igwaema, 'igwae, “Cowa natugu 'ausalana, weyahiu yayaliyaya madouna.”

Madiu 16:16

Coinega Saimoni Pita 'ihemaiseya 'igwae. “Cowa To'abihetena, Yehoba mayawasina Natuna.”

Madiu 11:27

Ma wete 'igwaeya, “Ginaula mabwaiyana Tamagu nimaguwa 'ilagu pwaidiya ma Tamaguina taboinamo 'isanapugauwa, ma taugu wete Tamagu taugumo yasanapuya, ma wete 'eguma taiyawedi taudi nuwanuwagu ma Tamagu yahe'itae 'oidiya, taudi wete sisanapu.

Madiu 8:29

Siteluwaedi Yesu si'iteya ma sitala'asona, sigwae, “Cei! Cowa Yehoba Natuna, to'aha 'utohotoho ma 'abehega 'upaihowa 'oima? Cabehega tuta bewa 'unaoma sabi 'abihe muyemuyemai ma muliyetega heyatala?”

Madiu 4:6

ma 'ihegwaeya, 'igwae, “Ceguma 'owa Yehoba Natuna, bewa 'oinega 'ulataheya, ma geya'abwa 'uhesihesilae. Weyahina Buki He'asisi 'igwae pwaiya 'igwae, ‘Yehoba 'ina anelose 'iloinaedi ma si'itayahigo,’ ma wete 'igwae, ‘Nimadiyega si'ahaligo, ma 'oinega sahena 'uhesihesilae dimwa 'oidiya.’”

Madiu 3:17

Ma hesi 'aigeda 'enana galewega 'igwaema 'igwae, “Beno natugu moisa. Tauna weyahina yayaliyaya madouna.”

Yoni 20:28

Coinega Tomasi 'igwae hila, ma 'igwaeya, “Cowa moisa 'igu Badaina ma wete 'igu Yehobaina.”

Yoni 10:30

Taugu ma Tamagu 'aigeda tuwa.”

Yoni 6:69

Ma wete tauma 'ahemisaegowa 'abehega 'owa To'abihetenaina Yehoba 'oinega 'utauyama.”

Yoni 1:18

Yehoba 'ana 'ita geya 'eta taiya 'ida 'iteya, ma hesi natuna moisa 'iboi 'isanasanapu Tamana 'ana 'ita. Weyahina tauna Tamana deina 'imiyamiya, 'oinega tauna Tamana 'ana 'ita 'ihe'itegita.”