Yoni 1:21 - Loina Nuahuana

²¹ Coinega taudi wete sihesilala hileya sigwae, “Hede taiya 'owa? Bo 'abehega 'owa Ilaitiya?” Ma Yoni 'igwaeya, “Taugu geya Ilaitiya.” Ma taudi wete sihesilala hileya sigwae, “Bo nuwana 'owa 'aigeda wete palopita, palopitainaina tauna 'ayamwayamwa?” Ma Yoni 'ihegwae hilediya 'igwae, “Geya.”

Yoni 1:21 Referans Kwoze

Madiu 11:14

Ma 'eguma nuwanuwami ma wanuwasabwalena Yoni weyahina, wada sanapu 'abehega tauna tuwa Ilaitiyaina weyahina wayamwayamwa.

Madiu 16:14

Ta sigwaeya, “Tupwana tomota sigwae 'abehega 'owa Yoni to'abihebabitaiso, ma tupwana tomota sigwaeya 'abehega 'owa Ilaitiya, ma tupwadi sigwaeya 'abehega 'owa Yelemaiya, bo nuwana 'aigeda palopita nugenugetana.”

Yoni 7:40

Yesu 'ina hegwaegwae tomota sihesagoheya 'oinega tupwana baibaiwadi siboidimo 'oidiya sigwae, “Moisa tuwa, loheya bewa palopitaina sigwaegwaeneya.”

Luke 1:17

Ma tauna nata ma'ina waiwai ta ma'ina 'atepatu ma Yehoba weyahina 'ida hetohepwaila, ta 'ina waiwai gidemusa mwalona palopita Ilaitiya 'ina waiwai. Ma guguya 'oinega tama nuwadi 'ibuidi ma natudiyao sinuwatuhudi. Ma wete loina 'adi toligehiyao nuwadi 'ibuidi ma 'eda dumwaluna 'oinega sitauya, ma 'oinega Bada 'ina tomota 'i'atububudi To'abihetenaina 'ina tauyama weyahina.”

Madiu 21:11

Ma 'ana 'wayabuwao tomotaedi 'idi gwae sihemaiseya, sigwae, “Bewa palopita, gwama Nasaleta, sanina Yesu, Galili 'ina 'ebeloina 'oinega 'inaoma.”

Yoni 1:22

Coinega tohesilalaedi wete sigwae hila, sigwae, “Cowa hede to loheya? Mane hana 'uda hegwaemai ma 'aneyage 'alohihila ma 'ima tohanugetao 'ahegwae bwaibwainidi to'aha gide 'ino hegwaegwae weyahiu.”

Yoni 6:14

Cigumwala ma bodaedi Yesu 'ina paihowa waiwaina 'ana 'ila'ilala si'iteya ma sigwae, “Tauna tuwa bewa palopitainaina tauna 'abehega gogo gabulena 'oina 'itauyama.”