Yoni 1:19 - Loina Nuahuana

¹⁹ Tuta beno 'oidiya, meYudiya 'idi tohanugetao topwaoli tupwadi ma Libai tupwana 'ina bodao 'oidiyega sihesumanedima Yelusalema 'oinega Yoni sabi hesilalaina 'abehega tauna to loheya.

Yoni 1:19 Referans Kwoze

Yoni 10:24

Nage 'oina meYudiya Yesu siha'wabu'wabuya ma sihegwaeya sigwae, “Tuta mabwaiyana 'oidiya 'owa 'ima nuwatuhu 'uhehe lahalahadi. Ma to tuta 'oina 'abwa 'oima 'uhepwaila bwaibwaina, 'owa moisa To'abihetenaina bo geya?”

Paihowa 19:4

Ta Paulo 'ihegwaediya, “Yoni 'ina babitaiso beno nuwabui mumuga galana weyahina, ma 'ihemataluwegomiya ta 'abehega Yesu wahemisae, tauna 'abwa 'imulimuliyama.”

Paihowa 13:25

ma Yoni 'ina paihowa 'ana 'ebe lolagu 'oina 'igwaeya, 'Comi wanuwatuhuya 'abehega taugu taiya? Taugu geya To'abihetenaina. Ta tauna muliguwega 'inaonaoma Tabwana hedada. Ta taugu geya 'ilobwainegau ma 'ahena 'ana butu yalihasidi.’

Yoni 2:18

Muliyetega meYudiya 'idi tohanugetao sitauya Yesu sihesilaleya sigwae, “To 'ila'ilala nata 'oinega 'uhe'itemai ma 'oinega 'asanapu to loina 'oinega ginaula bewa 'upaipaihowadi?”

Yoni 5:10

'oinega meYudiya 'idi tohanugetao loheyaina si'iteya ma sihegwaeya sigwae, “Geya 'ana 'ita bwebwe'ana Sabati 'oina 'ino sita 'u'a'ahala dadanedi.”

Yoni 6:52

Beno 'oina meYudiya siboidimo sihe'ohe'ohena sigwae, “Togidega ma loheya bewa 'abehega hesiyona 'i'ebwaegita ma ta'ai?”

Yoni 6:41

Beno 'oina meYudiya Yesu 'ina gwae sihesagoheya ma silomugiyeya 'ina gwaeina weyahina 'igwae, “Taugu bewa 'e'ahainaina galewega yasuluma.”

Yoni 1:7

Tauna tomota 'oidiya 'inaoma ma 'abehega 'asilalaina weyahina 'ida hepwaile ma 'oinega 'abehega tomota baibaiwadi sihesagohe ma 'idi hemisa silagu 'asilalaina 'oina.

Yoni 2:20

Ma 'iyamo taudi sigwaeya, sigwae, “Hada bewa sabwelo 'etoi 'oidiya 'uhetoholo hila? Ma hesi 'uda sanapu 'abehega hada bewa bolime poti sikisi 'oidiya si'abi'abi.”

Yoni 5:15

Beno 'oina loheyaina 'itauya meYudiya 'idi tohanugetao 'oidiya ma 'ana to'abi hebwebwe'anaina 'ihepwaileya 'abehega Yesu tauna 'ana to'abi hebwebwe'anaina.

Yoni 5:16

Beno huhuna 'oinega meYudiyaedi Yesu sihe'aleheya, weyahina ginaula bewa Sabati 'oina 'ipaihoweya.

Yoni 5:18

MeYudiyaedi Yesu 'ina gwae sihesagoheya, 'oinega sitohotoho waiwai ma 'abehega togidega ma silohe'amasi. Weyahina Sabati 'ana loina 'iligehiya, ma wete 'igwaeya 'abehega Yehoba Tamana moisa ta 'abehega Yehoba mahetena sihemahemahetena.

Yoni 7:1

Muliyetega Yesu Galili 'ina 'ebe loina mabwaiyana 'oidiya 'itauya, ma hesiyage geya nuwana Yudiya 'ina 'ebe loina 'oidiya 'itauya. Weyahina meYudiya 'idi 'inapwanaedi nuwanuwadi Yesu silohe'amasi.

Yoni 7:11

Tutaina 'oina meYudiya 'idi 'inapwanao Yesu sibesebeseya ma sigwaegwae, “Ta'eha tauna loheyainaina?”

Yoni 7:15

Beno 'oina meYudiya nuwadi 'ihenainaida madouna, sigwae, “To'ehega loheya bewa 'ina sanapu 'iloba 'eseya? Weyahina tauna geya 'eta 'ebe se'ulu madouna 'oina 'iluhu tohona.”

Yoni 8:22

Coinega meYudiyaedi siboidimo 'oidiya sigwae, “To'aha 'ina gwaeina 'ana sanapu, weyahina 'igwaeya 'abehega 'asainaina 'oina 'itautauya, geya sowasowahida ma 'oina tatauya? Bo nuwana 'iboimo 'abehega 'ilohe'amasa hile?”

Yoni 8:48

MeYudiyaedi 'idi 'inapwanao Yesu 'ina gwaeina sihemisaeya, sigwae, “Mwalona 'ima gwae weyahiu, 'ana moisa 'ilatu pwaima. Weyahina 'agwaeya 'abehega 'owa Sameliya loheyaina, ma wete hi'ahi'a* 'oiuwa 'imiyamiya.”

Yoni 8:52

Coinega meYudiyaedi wete sihegwaeya sigwae, “Cabwa hesi 'asanapu bwaibwainigowa, tomada 'abe hi'ahi'a 'oiuwa 'imiyamiya. Weyahina Ebalahamo 'asanapuya 'i'amasa pwaiya ma wete palopitao 'asanapudiya si'amasa pwaiya. Ma 'ugwaeya 'abehega taiyawedi 'eguma 'ino gwae sihegwahu bigadi, geya'abwa si'ama'amasa.

Yoni 8:57

Coinega meYudiyaedi Yesu sihegwaeya sigwae, “Cowa 'abwa geya 'ino bolime pipiti 'uloba ma 'ugwaeya 'abehega Ebalahamo 'u'iteya.”

Yoni 10:31

Coinega meYudiyaedi da'ule wete si'ewediya ma 'abehega Yesu si'ahu he'amasi,

Yoni 11:19

eeta meYudiya baibaiwadi ma'idi 'ate muyamuya sitauyama Malida ma Meli 'abehega nuwadi si'abi hebwebwe'anidi.

1 Yoni 1:5

Coinega wasa bewa sihegwaemaiya, ta 'ahepwaileya 'oimiya 'abehega Yehoba 'asilala huhuna, ma geya 'eta guguyou Yehoba 'oina 'imiyamiya.