Yemesa 2:8 - Loina Nuahuana

⁸ Ta 'ida Bada 'ina loina madouna Buki He'asisi 'oina 'igwaeya, “Ciyamwao 'uhelauwedi gidemusa 'owa 'uhehelauwego.” Loina bewa 'eguma 'umuliya bwaibwaini, beno mumuga bwebwe'ana.

Yemesa 2:8 Referans Kwoze

Galetiya 5:14

Weyahina loina mabwaiyana 'adi 'uina loina 'aigeda bewa 'igwaeya, “Ciyamwao 'uhelauwedi gidemusa 'uboi 'uhehelauwego.”

Yemesa 2:12

Coinega 'imi gwae ma 'imi paihowa wa'itayahidi, weyahina Yehoba 'abwa 'ihesinuwegita 'ina loinega, ta 'ina loinaina beno tomota 'ada lihasa weyahina.

Madiu 22:39

Ma 'aigeda wete loina madouna gide bewa 'igwaeya, ‘Ciyamwao 'uhelauwedi, gide 'uboi 'uhelau hilego.’

Galetiya 6:2

Cami 'aha'ahalao 'oidiya wahelemalema ma'iyamiyao, weyahina bewa gide 'ada loina Keliso 'oinega, eeta 'ilobwaineya tapaihowa.

1 Pita 2:9

Ma 'omi geya gide taudi, ma 'omi hesi Yehoba 'ina boda hesihesinuwaimi, 'omi Kiniina 'ina topwaoli ma 'ina tomotaiyao 'ehaumi, weyahina tupwa guguyou 'oinega 'ibwauwegomiya eeta 'ina 'asilala tobwebwe'ana hedada 'oina 'ilagugomiya, ma 'abehega 'ina paihowa bwebwe'anaina wahepwaile.

Yemesa 1:25

Ma Yehoba 'ina loina dumwadumwaluna 'oinega 'ida puiyao 'oidiyega 'ilihasigita. Ta 'eguma taiya loinaina weyahina 'inuwanuwatuhu ma 'ipaipaihowa, ma geya 'ida nuwanaideya, tauna loheyaina 'ina paihowa mabwaiyana yaliyayamo.

1 Tesalonaika 4:9

Ma 'iyadao 'adi helau weyahina nata geya 'alelediwa, weyahina Yehoba bo'i tauna 'ihe'itegomiya 'oinega waboi wahelau hilegomi.

Pilipai 4:14

Ma 'iyamo 'igu miya mwau bewa wagihe malamalai pwaiya 'imi lemega, ta weyahina yaloyauwedo madouna 'oimiya.

Madiu 25:23

“Coinega badaina 'igwaeya, ‘Causala, 'owa topaihowa bwaibwaina ta dumwaluna, 'uhetapewa pwaiya ginaula 'i'iudi 'oidiyega, 'oinega 'a loina ginaula madoudi weyahidi ya'ebwaego, ma 'owa wete 'igu yaliyaya bewa 'oina 'umiyamiya.’

Yemesa 2:19

Cowa 'uhemisa 'abehega Yehoba 'iboi 'aigeda. Beno bwebwe'ana. Ta 'unuwatuhuyahi 'abehega Tomudulele ma 'iyanao taudi 'idi hemisa gidemusa, ta wete ma'idi matauta.

Madiu 25:21

“Ma badaina 'igwaeya, ‘Causala, 'owa topaihowa bwaibwaina ta dumwaluna. Cuhetapewa pwaiya ginaula 'i'iudi 'oidiyega, 'oinega 'a loina ginaula madoudi weyahidi ya'ebwaego, ma wete 'igu yaliyaya bewa 'oina 'umiyamiya.’

Madiu 7:12

Ma 'eguma nuwanuwami to'aha ma tomota 'oimiya sipaihowa, beno 'omi wete gide 'oidiya wapaihowa 'ese, weyahina bewa Mosese ma palopitao 'idi loina 'ana bwagila.

Loma 13:10

Ceguma loina bewa 'upaihowa, 'ana gwae gide beno Mosese 'ina loinao mabwaiyadi 'upaipaihowadi, weyahina 'eguma taiya 'atena helau 'imiyamiya, nata geya sowana 'iyanao 'idi miya 'i'abihegala.

Yemesa 4:11

Tasigwao, sahena tasimiyao wa'ahwa galaedi, weyahina 'eguma taiya tauna tasina 'i'ahwagalae, nuwana 'iloinae, tauna geya Yehoba 'ina loina 'imuliye, ta hesi loinaina 'i'ahwa galaeya.