Yemesa 1:3 - Loina Nuahuana

³ ma wasanapu 'abehega 'ebe tohonaedi 'imi hemisa weyahina eema 'oidiyega watoholo pa'ala.

Yemesa 1:3 Referans Kwoze

Ibeliu 10:36

Ma 'ilobwainegomiya watoholo pa'ala ma Yehoba 'ina nuwatuhu wapaihowa, ma to'aha 'igwae hemisaeya wa'ewa.

Kolose 1:11

Ma wete tauna 'ina waiwai madounega 'i'abihe waiwaiyegomi, ma 'imi paihowa mabwaiyadi 'oidiya wahe'alama'i'itanegomi, ma watoholo pa'ala, ta wete ma'imi yaliyaya,

1 Pita 1:7

Bewa 'oidiyega 'imi hemisaedi Yesu weyahina Yehoba 'itohodi. Gidemusa tuwa goula 'aiwe ganiganinisega sitohotohodi. Ma hesi 'imi hemisaina goula 'imadou sineya, weyahina goula ginaula gumwagumwalina. Ma 'eguma 'imi hemisaina waiwaina, 'abwa Yesu Keliso 'ina hapwesama 'oina hepwatu ma wasawasa ma he'asisi walobadi.

Loma 8:28

Eeta tasanapuya 'eguma Yehoba tahelauwe nata ginaula mabwaiyadi 'i'abihe dumwaludi weyahida, beno tauna 'ina nuwatuhu gide ta 'ibwauwegita.

2 Kolinita 4:17

Muyamuyaedi bewa meyameyahadi tuwa, ma tuta to'uto'upanamo 'oidiya talobalobadi, ta hesi si'abihe waiwaigita ma 'abehega 'ida wasawasa bwebwe'ana hedade ma miyamiya hatayana 'abwa ta'ewa.

Loma 15:4

Ma wete 'ebe'itao baibaiwadi Yehoba 'ina Buki 'oina 'ihepwailediya Yehoba 'ina 'abihetenaedi weyahidi, 'eguma 'ebe'itaedi tahemisaedi, ta'alama'i'itana ma'ida nuwatuhuyahina 'ane 'etolema 'abwa ta'ewa.

2 Pita 1:6

hetoina 'alama'i'itana, 'ehatana toholopa'ala, nima 'aigeda mumuga 'ehauna,

Loma 8:25

Ma 'eguma 'ida hemisaina 'e'enina geya tada lobeya, tuwa 'alama'i'itanega tayamwayamwana ee 'ana siga taloba.

Ibeliu 12:1

Ma tohemisao baibaiwadi galewega si'e'ebubugita, ta sawasawahida ginaula mwaudi 'oidiyega ta'aisinedi, ma 'oinega tapili waiwai 'ebepiliina 'ana 'eda 'oinega, ta wete mumuga galadiyedi sipaipaigita ta'aisinedi.

2 Tesalonaika 3:5

ma 'abehega wete 'ihenuwa lagugomi, tauna 'ina helau weyahina, ta wete 'imi toholo pa'ala Keliso 'oina weyahina.

2 Tesalonaika 1:4

Coinega tohekalesiyao tupwa mabwaiyadi matadiya 'ahehepwatuwegomi, 'agwae, “Moisa taudi Tesalonaika to'alama'i'ita hedade. Bwagana 'adi 'alehao mwau madouna si'ebwaedi, ma tuwa ma'idi 'alama'i'ita ta wete ma'idi hemisa Yehoba 'oina.”

Loma 2:7

Ma 'eguma tuta mabwaiyana tapaihowa bwebwe'ana ma'ida he'alama'i'ita, ma gide tuwa tapaipaihowa 'esa, ma 'abehega 'ahwa bwebwe'ana ma nata yawasi miyamiya hatayana ta'ewa Yehoba 'oinega, beno moisa tuwa 'abwa yawasida miyamiya hatayana 'i'ebwaegita,

Luke 21:19

ma 'omi watoholo pa'ala eeta 'oinega yawasimi hataya waloba.

Ibeliu 6:12

Sahena walologwahata, ma hesi tomotaedi wahe'au'aunawedi, taudi ma'idi 'alama'i'ita sihehemisa, ma 'oinega ginaulaedi Yehoba 'igwae hemisaediya si'ewadi.