Yemesa 1:10 - Loina Nuahuana

¹⁰ Ma wete tohekalesiyao tohewasawasao 'ilobwainediya ma siyaliyaya 'eguma Yehoba 'ilagu suluhedi, weyahina tohewasawasao 'abwa sigumwala gide pwatula dididiyao.

Yemesa 1:10 Referans Kwoze

1 Pita 1:24

Gidemusa tuwa Buki He'asisi 'ina hepwaila 'igwaeya, “Tomota mabwaiyadi gide modumodu ma 'idi wasawasao gide modumoduwedi hoyadiyao. Weyahina modumoduwedi muhemuhena ma si'amasa, 'oinega hoyadiyao wete siwelai.

1 Yoni 2:17

Ma bale'u bewa 'i'iunamo 'isawala, ma nuwatuhu bale'u tobwatobwanao weyahidi 'ilolagu, ma taudi hesi 'eguma Yehoba 'ina nuwatuhu sipaipaihowa simiya hataya.

1 Timoti 6:17

Ma bale'u 'ana wasawasao 'uhemataluwedi, ma sahena sinuwanuwahane 'idi wasawasa weyahidi, ma wete sahena sihehemisa 'abehega nata 'abwa 'ebe 'abihetena siloba 'idi wasawasaedi 'oidiyega, weyahina wasawasaedi gumwagumwalidi. Ma hesi tuwa Yehoba 'iboi 'oina sihemisa, weyahina Yehoba 'iboi to'ebwaya bwebwe'ana, ta 'ida 'ebe yaliyaya mabwaiyana tauna 'oinega silatulatuma.

Madiu 5:3

Comi ma'imi nuwadobi wayaliyaya, weyahina Yehoba nimana wamiyamiya.

1 Kolinita 7:31

ma wete gesowana bale'u bewa ginaulaedi weyahidi wanuwatuhu hedade, weyahina tuta 'i'iuna sisawala ma bale'u bewa 'igumwala.

Yemesa 4:14

ma hesi geya wasanapu yawasimi 'ina tautauya gona weyahina, weyahina tauda tomota gidemusa hogahoga. Cihapwesa tuta 'i'iuna tuwa, ta wete 'ilohesawala hila.

Madiu 6:30

Coinega wanuwanuwatuhu Yehoba 'ina 'itayahina 'oimiya weyahina. Tauna pwatula 'ihepasediya hane bwebwe'adi 'oidiyega; nige haneyedi sididiya ma gona siwelai ma sigabudi, ma 'omi pwatula wabwebwe'ana sinediya, ma hesi 'ami 'ale'owao 'i'ebwaegomi. Coinega sahena 'imi hemisa Yehoba 'oina 'iwe'awe'a.

Pilipai 3:8

Moisa tuwa, 'igu Bada Yesu Keliso 'ana sanapu bwebwe'ana hedada, eeta wasawasa bale'u 'ibwebwe'ana sinediya, 'oinega wasawasaedi ya'ahwa ginaula besobesowediya, eeta Keliso weyahina ginaula mabwaiyadi yaulediya ta ya'ahwa galaediya, weyahina nuwanuwagu Keliso namo,