Taito 3:8 - Loina Nuahuana

⁸ Gwae bewa mabwaiyana gwae moisa, 'oinega 'uhewaiwai 'adi lohatoto 'oidiya, ma 'ane taudi Yehoba 'ana tohemisao gwaeyedi sihemisedi ma simuliyedi, ma paihowa bwebwe'adi sipaihowadi, bewa ginaula bwebwe'ana ta tomota 'adi 'ebelema.

Taito 3:8 Referans Kwoze

Taito 3:14

Ta 'idi bodao mabwaiyadi 'uhe'itadi ma siguibiga, ta sawasawahidi tomiyamwau si'abihetedi, ma sahena simiyamiya daidaita.

Taito 2:14

Tauna 'itagwaleya weyahida, ta 'i'amasa sabi 'abihetegita 'ida pui mabwaiyana 'oidiyega, ta 'i'abihe 'ehaugita, ta 'iboi 'ina boda 'oina 'ilagugita, ta 'ane 'ina paihowa bwebwe'adi 'oidiya taguibiga.

Taito 1:9

Ta wete he'itaedi moisaedi sihesagohediya sihemisaedi, ma sinuwatuhu yahidi, ma 'ane tomota tupwadi silemedi he'ita 'oinega, ta 'eguma taiyawedi sihegwae 'abo'abowedi si'abihe dumwaludi.

Taito 3:1

Wete 'uhenuwa lagudi ma 'asa 'ana toloinao 'idi loina 'oidiya sitagwaledi, ma sihematamatana, ta paihowa bwebwe'adi sipaihowadi.

1 Pita 1:21

Eeta tauna Kelisoina 'oinega Yehoba wahemisaeya 'abehega tauna 'amasega 'igihetoholo hileya eeta 'ebemiya wasawasa 'oina 'ilaguya, 'oinega 'imi hemisa ma 'imi nuwatuhu walagu bwaibwainidi Yehoba 'oina.

1 Timoti 1:15

Gwae bewa gwae moisa, ma 'ilobwaineya ma tahemisae, weyahina Yesu Keliso bo'i bale'uwa 'itauyama togalaedi sabi 'abihetedi, ma hesi togalaedi mabwaiyadi 'oidiyega taugu tuwa gala hedada.

Loma 4:5

Ma 'eguma taiya 'ina pui 'adi nuwasam weyahina geya 'ida paihowa, ma 'ihemisamo tuwa Yehoba 'oina, tauna tohemisaina 'ana hemisega nata 'ahwa bwebwe'ana Yehoba 'oinega 'iloba.

Yoni 12:44

Eeta Yesu 'enana madouna 'oinega 'ihegwaediya 'igwae, “Taiyawedi 'omi 'eguma wahemisaegau, 'omi wete tauna 'ihesumanegauwa wahemisaeya.

Yoni 5:24

“Coinega yahegwae bwaibwainigomi 'eguma taiyawedi 'omi 'igu gwae wahesagohedi ma wete 'agu Tohesumaneina wahemisae, nata yawasi miyamiya hatayaina waloba. Ma 'oinega heyatala 'ana tuta 'oina 'omi geya'abwa loina walobaloba. Weyahina 'omi 'amasa 'ina tupwa wa'ebesineya ma wahabala yawasi hauhauna 'ina tupwa.

Pilimoni 1:11

Mwalo loheyaina Onesimo 'ino paihowa 'oiuwa geya bwebwe'ana, ma bewa 'inuwabuiya ta 'ina paihowa 'oiguwa bwebwe'ana, ma wete yasanapuya mumugana weyahiu 'ibwebwe'ana pwaiya.

2 Kolinita 4:13

Mwalo 'aigeda loheya 'ileleya 'igwaeya, “Taugu yahemisaeya, 'oinega yagwae latuweya.” Tauma wete 'ima hemisa tauna gide, ta 'oinega 'ima hemisega 'ahehepwaila,

Paihowa 12:15

Ma sigwae, “Yauyauleiu!” Ta wahine 'ahwana 'ipa'ala 'abehega tauna Pitaina. Coinega sigwae, “Nuwana Pita 'alu'aluwana.”

Epeso 4:28

Toyagaha 'ilobwainediya ma silolagu, ma hesi paihowa bwebwe'ana nimadiyega sida paihowadi ma paihowaina 'ana maisa 'oinega lema sida 'ebwa'ebwaya towewelohe 'oidiya.

1 Timoti 2:8

Nuwanuwagu loheloheya tupwa mabwaiyadi 'oidiya mumugadi sibwebwe'ana, ma nimadi si'abilagasi ta si'ahwanoi Yehoba 'oina, ma sahena sihehegamwagamwagu ma sihehe'ahwalasalasa.

1 Timoti 5:10

ma tomota matadiya mumugadi dumwaluna, weyahina natudiyao 'adi 'itayahina 'oina sipaihowa bwaibwaina ma wete taumanao ta tohekalesiyao 'adi 'abihetena 'oina, wete tomiya mwau silemedi ma si'atemuyamuyaedi, beno 'ilobwainediya ma tohekalesiya 'oidiya siluhu, ma tohekalesiyaowedi 'oidiyega 'adi lema, nana 'e'ahai, bo 'ale'o si'ewa.

2 Timoti 1:12

Bewa weyahina 'igu miyamwau yalobeya, ma hesi geya weyahina yadeba mwadina, weyahina 'ida Cinapwanaina yahemiseya tauna yasanapuya, ma to'aha 'i'ebwaegauwa sowasowana 'i'itayahiya nimanega, eema sabweloina madouna 'inaonaoma 'oina.

Taito 2:7

Ta 'owa mumugau mabwaiyana 'oidiyega tomota 'uhe'itadi ma taudi wete simumuga bwebwe'ana. Eeta gwae moisega 'uhe'ita, ma 'ane mumugau ta 'ino he'ita 'ilobwaine.

Ibeliu 10:24

Cilobwainegita wete ma tauda tada he'abi'abihetena, ma 'ane tahe'iya'iyagu moisa, ma wete paihowa 'ausaladi tapaihowadi.

Madiu 20:4

Coinega 'ibwauwedima ta 'igwaeya, ‘Comi wete watauya 'igu tanoha wapaihowa, ma 'imi paihowa 'ana maisa dumwaluna ya'ebwaegomi.’ Coinega sitauya tanoha.