Taito 2:15 - Loina Nuahuana

¹⁵ He'ita bewa 'uhe'itadi tomota 'oidiya, ma loina dumwaluna 'oinega 'ulohatotodi ma simumuga bwaibwaina. Ma sahena 'eta taiya 'igwae sinaligo.

Taito 2:15 Referans Kwoze

2 Timoti 4:2

Bewa 'a loinaina: Tuta mabwaiyana 'uhetapewa waiwai ma tetela 'uhehepwaile, tuta mwau ma tuta yaliyaya 'oidiya, ma tomota 'oidiya 'uguguya ma sihemisa, ta wete 'u'abihe dumwaludi, ma 'u'abihe pa'alidi, ma bewa nuwatuhuwedi 'uhe'ita bwaibwainidi ma'ino 'alama'i'ita.

Taito 1:13

Palopitaina 'ina gwae bewa moisa, 'oinega 'uheliyedi ma sinuwabui ma sihemisa moisa.

1 Timoti 5:20

Ma 'eguma tohanugeta 'ina pui 'u'italobeya 'uheliye boda matadiya, ma 'ane taudi wete simatauta ma sahena puiina 'oina siluhuluhu.

Madiu 7:29

ma sigwae, “He'ita bewa waiwaina, ma 'ida loina 'ana tohe'itao 'idi he'ita we'ana.”

Maki 1:22

Cihehe'ita ma tomota mabwaiyadi nuwadi 'ihepwanopwanowa, ta sigwaeya, “He'ita bewa waiwaina, ma hesi 'ida loina 'ana tohe'itao 'idi he'ita we'ana.”

Luke 4:36

Coinega mabwaiyadi sisalutuwama, ma siboidimo sihesilalediya, sigwae, “Togidega hede bewa? Ma gwaemo 'ina waiwai 'oinega hi'ahi'a 'iloinaediya ta sihapwesa.”

Maki 1:27

Coinega tomota mabwaiyadi sihenainaida, ma siboi sihehesilala hiledi, sigwae, “Togidega he'ita hauhauna bewa? Bewa loheyaina 'ina loinega hi'ahi'a 'iloinaedi ma simuliye.”

1 Kolinita 16:11

Ma sahena taiya Timotiina 'ilohesohesoiye, ta tutaina 'ihilama 'oiguwa wa'abihete ma ma'ina yaliyaya 'ida hilama, weyahina tauna ma tupwadi wete 'iyadao yayamwayamwadi.

1 Pita 4:11

Ceguma taiyawedi 'omi wahetohepwaila, wahetohepwaila tuwa gidemusa Yehoba 'ina gwae wahepwaileya, ma 'eguma taiyawedi 'omi walemalema, walema tuwa 'imi waiwai mabwaiyanega, gidemusa waiwaiina 'i'ebwaegomiya, ma 'oinega paihowa mabwaiyadi 'oidiyega tomota Yesu Keliso sisanapu ma Yehoba sihepwatuwe, weyahina tauna wasawasa moisa ma tohewaiwai moisa, tuta mabwaiyana 'oidiya. Emeni.