Taito 2:10 - Loina Nuahuana

¹⁰ ta sahena yagaha. Ma hesi ma'idi he'asisi moisa taudi 'ada to'abihetena Yehoba tetelina si'abilatuhe 'idi paihowa 'ausalanega.

Taito 2:10 Referans Kwoze

Madiu 5:16

Comi wete gide, 'ilobwainegomiya ma 'imi 'asilala wa'abi he'asilala tomota 'oidiya, ma 'oinega 'imi paihowa bwebwe'ana si'ita ma Tamamiu galewa sihepwatuwe.

1 Pita 2:12

Ma wamumuga bwebwe'ana taudi geya meYudiya 'oidiya. Weyahina bewa tuwa 'abwa si'ahwa'ahwa galagalaegomi, ma tuta muliyetega 'imi paihowa bwebwe'ana si'ita, ma 'oinega tutaina Yehoba 'ilatuma Yehobaina sihepwatuwe.

2 Yoni 1:9

Ma 'eguma watauya pui ma Keliso 'ina he'ita wa'ebesine, 'omi Yehoba wa'ebe'ebesine, ma hesi 'eguma Keliso 'ina he'itao wa'abiyahi momosidi, Tamadai ma wete Natuna 'oimiya simiyamiya.

Epeso 4:1

Coinega ya'ahwanoi 'oimiya ma mumugami wa'itayahi, bewa tuwa taugu deliya silagugauwa Badaina 'ina paihowa weyahina, ma 'omi Badaina 'ibwauwegomiya tauna 'ina paihowa weyahina, 'oinega 'ilobwainegomiya ma to'aha 'ina paihowaina 'ana lobwaina wamuliye,

1 Pita 3:16

Ma to'aha wanuwatuhuya bwebwe'ana, tuta mabwaiyana gidemusa wapaipaihowa 'esa, 'oinega 'eguma taiyawedi si'ahwa galaegomi weyahina 'abehega 'omi Keliso 'ana tomuliyao, 'abwa sideba mwadina, 'eguma 'imi mumuga bwebwe'ana wahe'itedi.

Taito 1:3

Tutaina Yehoba 'ihesinuweya 'oina tauna 'ina gwaehemisega Yesu 'itauyama, ta yawasida moisa 'i'abilatuheya, ta Yehoba, tauna 'ada To'abihetena, 'iloinaegauwa ta yaguguguguya.

1 Timoti 6:3

Ma 'eguma taiya 'ina he'ita hagana, ma 'ida Bada Yesu Keliso 'ina gwae dumwaludi geya 'ida muliyediya, ma he'itaedi mumuga bwebwe'ana weyahina 'ilogwahatedi,

1 Timoti 6:1

Topaihowao 'adi loina ma 'idi babadao sihe'asisiyanedi, ma sihematamatanedi. Ceguma geya, tomota tupwadi 'idi he'itao si'ahwa galagalaedi, ma sigwae, “Yehoba 'ana tohemisao taudi ma hesi geya sipaihowa bwaibwaina.”

1 Kolinita 4:2

Cima paihowaina 'oina 'ilobwaineya ma 'apaihowa bwaibwaina.

Luke 16:10

“Weyahina 'eguma taiya ginaula 'i'iuna 'oina 'ihematamatana, wete ginaula madoudi 'oidiya 'ihematamatana. Ma 'eguma 'i'iudi 'oidiya 'i'abo wete ginaula madoudi 'oidiya 'i'abo.

Madiu 24:45

“Topaihowa 'ausaladi ma sanasanapuidi 'idi mumuga bewa gide: Ceguma taiya tauna 'ina bada 'ihesinuweya ma hada 'i'itayahi ma topaihowao 'adi 'e'ahai 'i'ebwaedi sabwelo 'aigeda 'aigeda 'oidiya,

1 Timoti 5:17

Ma 'ami tohanugetaowedi 'eguma silema bwaibwainigomi, 'omi wa'ita'itayahi bwaibwainidi, beno 'idi guguya ma 'idi he'ita maisana bwebwe'ana wa'ebwaedi.

1 Timoti 1:1

Yauwedo Timoti, 'ino leta bewa 'oiguwega 'itautauyawa. Taugu Paulo, Keliso weyahina yahetohepwaila 'ada To'abiheteina Yehoba ma Yesu Keliso 'idi loinega, weyahina Keliso 'oina tahehemisa 'ida 'abihetena 'abwa weyahina.

Pilipai 4:8

Ciyagwao, bewa 'aigeda wete loguguya 'abehega wada nuwatuhu ginaula moisadi ma'adi he'asisi weyahidi, ma ginaula dumwadumwaludi weyahidi, ma ginaula 'ehaudi weyahidi, ma ginaula 'adi 'ita 'ausaladi weyahidi, ma ginaula helahelauidi weyahidi, ta 'eguma to'aha bwebwe'ana 'oidiya bo nuwana 'ebe hepwatu 'oidiya.

Pilipai 1:27

Ta hesi wa'itayahigomi ma 'ane 'imi paihowao 'oidiyega tomota Keliso tetelina si'ahwa bwebwe'ane, eema 'eguma yahabo'enegomi, bo nuwana 'eguma yamiya hila, tuwa wasami bwebwe'ana yahesagohe 'abehega ma'imi 'atetagwala watoholo pa'ala, ta ma'imi nuwatuhu mahemahetena eema 'oinega wahetahetapewa wasa bwebwe'ana 'ana hemisa weyahina,

Yoni 12:6

Yudasa 'ina gwae geya 'abehega moisa wewelohe weyahidi 'ihehegwaegwae, ma hesi tauna tuwa weyahina 'ihehegwaegwae. Tauna tuwa toyagaha 'aigeda ma Yesu 'ana tomuliyao 'idi mane 'ana to'ita yahina tauna. Coinega 'idi maneina 'i'ita'ita yahi ma maneinaina 'oinega 'iyagayagaha.

Luke 1:47

ma wete tuta mabwaiyana 'oidiya yaluyaluwagu 'iyaliyaliyaya Yehoba 'agu tolemaina 'oina.

Luke 1:80

Ma 'oinega gwamaina 'ihemadouwa ma yaluyaluwana wete 'ihewaiwaiya. Ma 'itauya yoho 'awawa, ma nobwa 'iboinamo 'imiyamiya 'ana siga meIsileli 'oidiya 'ilatuwa 'iloguguya.

Taito 3:4

Ta muliyetega Yehoba tauna 'ada To'abihetena 'ina helau ma 'ina 'atemuyamuya 'i'abilatuheya,