Pilipai 4:17 - Loina Nuahuana

¹⁷ Cigu gwae bewa geya 'abehega nuwanuwagu 'ehele wada 'ebwaegau, ma hesi 'abehega 'imi 'ehele huwaina 'oimiya 'ida madou, 'ami lema moisa weyahina.

Pilipai 4:17 Referans Kwoze

Taito 3:14

Ta 'idi bodao mabwaiyadi 'uhe'itadi ma siguibiga, ta sawasawahidi tomiyamwau si'abihetedi, ma sahena simiyamiya daidaita.

Ibeliu 6:10

Yehoba 'ina loina 'oimiya dumwaluna, 'oinega 'imi paihowao geya'abwa 'inainaidedi, beno 'imi helauwao ta 'imi lemao Yehoba saninega, tohekalesiyao 'oidiya, mwalo ta 'ana siga nige bewa.

Yoni 15:8

Ma 'eguma moisa wamuliya bwaibwainigau, nata huwaimi bwebwe'adi silatu ma 'oidiyega tomota si'ita ma Yehoba sihepwatuwe.

1 Pita 5:2

Coinega wete yahenuwa lagugomi 'abehega 'imi bodaowedi wa'itayahidi, taudi beno Yehoba 'ina tomotaiyao. Ma wa'itayahidi 'imi 'atetagwalega tuwa gidemusa Yehoba 'ina nuwatuhu, ma geya'abwa ma'imi logwahata. Ma 'imi paihowa wapaihowadi, geya 'ami maisa madouna weyahina, ma hesi 'ate tagwalega wapaihowa.

Taito 1:7

Weyahina tohanugetao Yehoba weyahina sipaipaihowa, 'ilobwainediya ma mumugadi bwebwe'ana, ma sahena sidebadeba pa'ala nana sihehe gamwagamwagu, nuwana bwasi galana sinumanuma yauyaule, nuwana loheya 'ana to'ehunuwa, nuwana wasawasa 'ana tohamwa.

Pilipai 4:11

Ta hesi geya'abwa yalolomugi 'igu miya mwau mwalo 'oidiya weyahidi, weyahina yasanapu pwaiya sawasawahigu miya mabwaiyadi 'oidiya ma'igu yaliyaya tuwa,

1 Tesalonaika 2:5

Ma wasanapuya mwalo 'atauyawa 'oimiya, geya 'ima gwae hotohotodi, ma wete Yehoba 'isanapuya geya 'abehega 'agwaegwae 'abo'abo ma 'abehega 'imi tobwatobwa 'a'ewadi.

2 Kolinita 9:5

Coinega yanuwatuhuya 'abehega 'ilobwaineya ma tasidaowedi sida tauyawa nugeta sabi 'abihetegomi 'imi helauina wagwae hemisaeya 'ana 'atububu weyahina, ma taugu tuta muliyetega wete yatauyawa. Weyahina sahena lohesuhesumana 'oinega wahehelau ma hesi 'atetagwalega.

Loma 15:28

Ee 'eguma 'igu paihowaina yalosalohi, beno helauina mabwaiyana meYelusalema ya'ebwaedi, 'abwa yatauyawa 'oimiya, eema 'oimiyega yagelu hila yatauya Sipeini.

Yoni 15:16

“Comi geya wahesinuwegau ma 'oimiya yahe'inapwana. Taugu hesiyage yahesinuwanegomiya ma 'abehega yahesumanegomi, wapaihowa, ma 'imi paihowaedi 'oidiyega huwaimi bwebwe'adi silatu, ma wete 'oimiya simiya hataya. Ma 'oinega to'aha nuwanuwami, ma saniguwega wa'ahwanoi, nata wete Tamagu 'i'ebwaegomi.

2 Kolinita 11:16

Yada hegwaegomi wete sahena wa'ahwa'ahwa yauyaulegau, ma 'eguma wa'ahwa yauyaulegau tuwa, 'ausala, ma 'igu gwae yauyaule wahesagohe, ma 'oinega tupwana yada gwae gagasa.

Yude 1:11

Nuwa'ole'oledi weyahina Keni 'ina 'eda galana 'oinega sitautauya, ma 'oinega 'idi wasawasa weyahina simumuga galana, gidemusa wete Balami mwalo mumugana. Coinega sihesilae, weyahina loina bwebwe'ana silogwahateya, mwalo gidemusa Kola tauna loina 'ilogwahateya.

2 Pita 2:3

Ma togalaedi tobwatobwa nuwadi 'i'eweya, 'oinega 'idi gwae hotohotowega 'abwa si'abowegomi ma 'imi tobwatobwa si'ewadi. Mwalo hene 'adi maisa Yehoba 'ilaguya eema 'iyamwayamwa namo, ma geya 'ida buiya.

1 Timoti 3:3

ma sahena bwasi galana 'inumanuma yauyaule, ma wete sahena 'ihehegamwagamwagu, ma hesi mumugana nuhana, ma geya 'ida 'ahwa panapanawa, wete sahena wasawasa nuwana 'i'ewa'ewa.

Pilipai 1:11

ma'imi paihowa bwebwe'adi Yesu Keliso 'ina waiwaiyega, ta weyahidi tomota Yehoba sihepwatuwe ma si'ahwa bwebwe'ane.

2 Pita 2:15

Ceda dumwadumwaluna si'ebesine pwaiya eeta sitauya puiya, 'oinega Bioli natuna sanina Balami 'ina mumuga galana mwalo hene taudi bewa tuwa simuliyeya, weyahina tauna nuwanuwana ma 'ina paihowa galana 'oinega 'ida hewasawasa,

1 Timoti 6:10

Weyahina wasawasa 'ana nuwa'ewa beno puiyao huhudi, ma wete 'iyadao tupwadi wasawasa si'ebesa hedadeya, 'oinega tapwalolo moisa si'ebesineya, ma 'ebenuwagala mabwaiyana silobeya.