Pilipai 3:19 - Loina Nuahuana

¹⁹ Taudi nata 'abwa 'ebelosaloha 'oina sihesilae, weyahina 'idi hemisa gamwa seseha weyahina, ma nuwatuhu 'ebe debamwadinao sihehepwatuwedi, weyahina nuwatuhu bale'umo nuwanuwadi.

Pilipai 3:19 Referans Kwoze

Loma 16:18

Ceguma taiyawedi 'idi paihowa bewa gidemusa taudi geya 'ida Bada Yesu Keliso weyahina sida paihowa, ma beno siboi tuwa 'idi nuwatuhu si'e'epaihowadi, weyahina 'idi gwaeyao hoto hedada, ma tomota we'awe'adi si'e'e'abo'abowedi ma silisilisi hiledi.

2 Pita 2:3

Ma togalaedi tobwatobwa nuwadi 'i'eweya, 'oinega 'idi gwae hotohotowega 'abwa si'abowegomi ma 'imi tobwatobwa si'ewadi. Mwalo hene 'adi maisa Yehoba 'ilaguya eema 'iyamwayamwa namo, ma geya 'ida buiya.

Kolose 3:2

Wete 'imi nuwatuhuwao walagudi galewa ginaulaedi 'oidiya ma sahena gabula ginaulaedi 'oidiya.

2 Pita 2:1

Ma hesi mwalo hene tupwana palopita 'abo'abodi tomota gamwagamwanidiya silatuwa. Gidemusa 'abwa tohe'ita 'abo'abowao 'omi gamwagamwanimiya silatulatu, ma 'idi he'ita 'abo'abo 'oinega tomota sigihe galadi 'idi he'ita galana 'oinega. Badaina tauna 'ihegimwaneyegita bweyahinega, ma taudi siuhaleya, 'oinega maisa galana nata siloba.

2 Kolinita 11:15

Coinega sahena nuwami 'ihehenainaida 'eguma Seitani 'ina topaihowao wete 'adi 'ita sibuidi ma topaihowa dumwaludi gide. Ma tuwa, tuta 'ebelosaloha 'oina 'idi mumuga galadi weyahidi taudi nata sigala hedade.

2 Kolinita 11:12

Wete 'igu paihowa weyahimi tuwa 'abwa yada paipaihowa, ma 'oinega ya'abihe lolagudi taudi togwae gagasa sigwaeya 'abehega 'idi paihowa 'oimiya gide taugu 'igu paihowa.

2 Pita 2:13

ma 'adi maisa 'idi pui weyahina 'igala moisa. Nuwanuwadi sabwelo 'aigeda 'aigeda siyaliyaya besobeso. Ma 'eguma mahetemiyao wa'ai, 'idi mumuga galana 'oidiyega 'ami 'e'ahaina sigihebaili.

Galetiya 6:13

Ma hesi wanuwatuhuyahi 'abehega 'wapi 'upwaina 'ana to'ewao 'ilobwainediya ma Mosese 'ina loinao mabwaiyana simuliyedi, ma hesi geya sida muliyediya. Beno tuwa nuwanuwadi 'wapimi wa'upwadi ma bewa 'idi 'ebe gagasa 'imi luhu 'adi boda 'alona weyahina.

Heꞌitaꞌita 21:8

Ma hesi taudi 'atewe'awe'adi, ma taudi geya sihemisa, ma tohemata ganawalao, ma tolohe'amasao, ma tologwaliyao, ma Tomudulele ma'iyanao, ma dimwa 'adi tohemisao, ma to'e'abo'abowao, taudi bewa 'idi tupwa 'asa 'ala'alataina, beno 'amasa heluwena.”

1 Kolinita 3:3

Moisa, mumugami 'abwa tuwa gogo gabulena gidemusa, weyahina 'abwa wahe'ohe'ohe ma wahe'ipi'ipi tuwa.

Heꞌitaꞌita 22:15

Ma hesi 'asa 'atamanina 'adi tomiyanao, beno 'edewao, ma Tomudulele ma'iyanao, ma tologwaliyao, ma tolohe'amasao, ma dimwa 'adi tohemisao, ta wete to'e'abo'abowao.

Yude 1:16

Tomotaedi tolomugi ma tosinala, ma taudi 'adi lotohona 'oinega sitautauya. Wete togwaehanehane, ma 'eguma 'iyadiyao 'oidiya sigwae helau, beno tobwatobwa weyahina.

2 Timoti 3:4

to'wayama, ma galana 'oina sihewaiwai, ma gwae hane hedada, ma geya Yehoba sihelauwe, ta hesi taudimo 'idi yaliyaya weyahina sinuwanuwatuhu.

1 Timoti 6:5

Coinega 'iyadiyao ba'idadiyao sihe'ahwa panapanawa, ma 'idi nuwatuhu galadi weyahina nata he'ita moisa geya sisanapu, ma hesi 'idi nuwatuhu 'abehega Yehoba 'ana he'asisi 'oinega 'idi wasawasa madouna sida loba bale'uwa.

2 Tesalonaika 2:12

ta mumuga galana nuwadi 'i'eweya. Ceguma mwalo tetela moisa sihemisae, Yehoba 'ida 'abihetediya, ma hesi geya.

Pilipai 2:21

ma 'iyamo 'agu tolemao baibaiwadi taudimo weyahidi sinuwanuwatuhu, ta geya Yesu Keliso 'ina paihowa weyahina sida nuwanuwa.

1 Kolinita 5:6

Ma sahena wanuwanuwahane, ma hesi wanuwatuhuyahi 'abehega 'eguma puiina muhemuhena 'oimiya 'imiyamiya nata mabwaiyami 'i'abihe galegomi.

1 Kolinita 5:2

Sahena wanuwanuwahane, ma hesi mumuga bewa weyahina wadou, ma topuiina 'imi boda 'oinega wapa'i.

Heꞌitaꞌita 19:20

Nage 'oina hebaiina ma'ina palopita 'abo'abo si'abi yahidiya, ta mayawasidi siulediya 'asa 'ala'alata 'alona, beno dimwa hulahulaidi 'oina. Palopita 'abo'aboina tauna mwalo 'ina paihowa waiwaina 'ipaihowediya hebaiina matana, ma 'oinega tomota 'i'abowediya, taudi hebaiina 'ana 'ila'ilala 'oidiya 'imiyamiya, ta 'ina dimwa tagitagina 'ana to'etuluhao.

Yemesa 4:16

Nata bewa wagagasa ma wagwaehane, ma hesi gwae haneina galana.

2 Tesalonaika 2:8

ta 'oinega topaihowa galanaina 'ilatuma, muliyetega 'ida Bada Yesu Keliso 'ilatuma, ma loheyaina galanaina 'ilohegumwali ginaula 'eluwa 'oidiyega, 'aigeda 'ina waiwai ma heluwenaina 'ahwanega 'aiwe 'iganiganinisa.

Luke 18:4

“Tuta 'aigeda 'aigeda gide 'ina paihowa, ma toloinaina genuwana ma 'ileme. Ta 'aigeda tuta 'oina toloinaina 'ilowahi'wata, 'oinega 'iboinamo 'oina 'igwaeya, ‘Tuwa Yehoba geya yamataute ta wete loheloheya geya yada he'asisiyanediya,

Luke 16:19

Ma Yesu wete 'ihegwaediya, 'igwae, “Caigeda tuta 'oina towasawasa 'aigeda ma Lasalo simiyamiya. Towasawasaina 'ana 'ale'owao 'ausala hedadedi ma wete 'anao mabwaiyadi bwebwe'adi, 'oinega sabwelo 'aigeda 'aigeda 'oidiya ma'ina yaliyaya.

Luke 12:19

ma muliyetega ma'igu yaliyaya sowasowahigu ma yagwae, “Caigeda towasawasa taugu. Bo'i ya'atububuwa ta 'igu wasawasao mabwaiyana sowasowahigu bolime hisa sinaonaoma weyahidi. Eeta paihowa 'oinega ya'aiyawasi, ma hesi tuwa yaliyayamo, weyahina 'agu ma 'agu we'aha mabwaiyana sowasowahigu.” ’

Madiu 25:41

“Ma taudi 'igu 'adigeyageya simiyamiya yahegwaedi, ‘Comi togala wa'ebesinegau, ma watauya 'aiwe ninima hatayana 'oina, tauna Yehoba 'i'atububuya Tomudulele ma 'ina bodao weyahidi.

Madiu 16:23

Ma Yesu 'itehinowa, ta Pita 'oina 'igwae, “Cowa Seitani, bewa tuwa 'u'ebesinegau! Sahena 'u'au'ausigau! Cino nuwatuhu tomota 'idi nuwatuhu, ma geya Yehoba 'ina nuwatuhu gide.”

Heꞌitaꞌita 18:7

Ta wete 'ina gwae gagasa ma 'ina hemataganawala 'adi maisa 'u'ebwae, muyamuya ma dou, weyahina 'iboinamo 'oina 'igwaeya, ‘Taugu Kuini, geya wete hiwape 'ina tupwa 'oina yada miya, ma wete geya'abwa dou yalobaloba.’

Yude 1:4

Mwauina 'ihapwesa pwaiya 'oimiya, beno tupwadi togala si'abowegomiya ma 'imi boda 'oina siluguwa, 'oinega Yehoba 'ina helau 'oida taudi 'idi he'itega sibuiya ma ganawala, ma wete 'ida Yehoba ma Bada Yesu Keliso silogwahatediya. Taudi 'idi galao weyahidi 'adi loina mwauna mwalohene Yehoba 'ina buki 'oina silele pwaiya.

Loma 6:21

ee 'oinega bewa tutaina 'imi puiyedi weyahidi wadeba mwadina. Weyahina geya 'eta to'aha bwebwe'ana 'oidiyega wada lobeya, ma hesiyage 'ana maisa 'amasamo.

2 Tesalonaika 1:9

Coinega nata simiyawasi, ma sisilahe hataya tupwaina 'ala'alasina 'oina, ma Bada manina ta 'ina waiwai ta 'ana hepwatu nata geya si'ita'ita.

Yude 1:10

Ma togalaedi, 'eguma to'aha geya sisanapu, ma tuwa si'ahwa galagalaedi, weyahina taudi gide hebahebai totopwatula, ta 'adi lotohona siloiloinaedi, ma 'oinega siboidimo si'abi'abi hegalaedi.