Pilipai 3:17 - Loina Nuahuana

¹⁷ Ciyagwao mabwaiyami wahe'au'aunawegau, ma taiyawedi taudi 'idi mumuga gidemusa taugu, 'oidiya wa'ebubuna, ma 'omi wete gidemusa wamumuga 'esa.

Pilipai 3:17 Referans Kwoze

Pilipai 4:9

Comi wada he'au'aunawegau, 'igu paihowao wa'itediya, ta 'igu gwaeyao ta 'igu he'itao wahesagohediya ta wasanapudiya. Coinega Yehoba ma'ina nuwadaumwala mahetemiu nata wayaliyaya.

1 Kolinita 4:16

Coinega natugwao, ya'ahwanoi 'oimiya ma wahe'au'aunawegau.

1 Pita 5:3

Ma geya'abwa watoho ma wahetoloina 'oidiya, ma hesi mumuga bwebwe'ana wahe'itae 'oidiya, ma simuliyegomi.

2 Tesalonaika 3:9

Ma 'iyamo loina 'imiyamiya 'abehega 'omi wahe'aimai, ma tuwa taumamo 'amega 'ahehetapewa, ma 'ane 'omi 'ima paihowa wahe'au'aunawemai.

Ibeliu 13:7

Cami tohanugetao wanuwatuhu yahidi, weyahina mwalo Yehoba 'ina gwae si'ebwaegomiya, ta wete wanuwatuhuyahi 'idi hemisa huwaina 'abehega bwebwe'ana silobeya, eeta wahe'au'aunawedi.

1 Timoti 4:12

Tomota sahena sisinasinaligo weyahina 'abehega 'owa hewali tuwa, ma hesi 'ino gwae bwebwe'ana, ma 'ino paihowa bwebwe'ana, 'ino helau, 'ino hemisa, ma mumugau 'ehauna 'oidiyega 'owa 'ebe'ita taudi Yesu 'ana tohemisao 'oidiya.

2 Tesalonaika 3:7

Coinega wasanapu pwaiya 'abehega 'ilobwainegomiya ma tauma wahe'au'aunawemai, weyahina mwalo ba'idamiyao tamiyamiya, geya 'eta tuta paihowa 'oinega 'alowahi'wata.

1 Kolinita 10:32

Sahena hali tomota wa'abi'abi henuwagaladi, nuwana meYudiya, bo tomiya ganamuli, bo nuwana Yehoba 'ina tohekalesiyao.

2 Tesalonaika 3:14

Ceguma taiya he'itaedi 'imi leta bewa 'alonega 'isinalidi, loheyaina wa'ebesine, ma 'oinega 'ina paihowaina 'oina debana 'imwadina,

1 Tesalonaika 1:6

Coinega bo'i wahe'au'aunawemaiya, ma wete 'ida Badaina wahe'au'aunaweya, ta wamiya mwauwa, ma hesi tetelaina wa'eweya ma'imi yaliyaya, ta yaliyayaina Yaluyaluwa Tabuna 'oinega 'itauyama.

Loma 16:17

Tasigwao bewa 'igu 'ahwanoi madouna 'oimiya, beno wa'itayahigomi towatahao 'oidiyega, weyahina he'itaedi wa'ewediya taudi 'adi wahi'wata, 'oinega ta si'ahwa'ahwa galegale ma weteyage tomota 'idi hemisa si'abi'abi hewe'adi.

1 Kolinita 11:1

Cilobwainegomiya ma 'igu mumuga bewa wahe'au'aunaowe, gide taugu Keliso mumugana yahehe'au'aunaoweya.