Pilipai 3:15 - Loina Nuahuana

¹⁵ Coinega mabwaiyada bewa gidemusa tada nuwanuwatuhu mahemahetena, 'eguma 'ida nuwatuhu simatuha pwaiya. Ta wete 'eguma to'aha weyahina 'imi nuwatuhu hagana, ginaulaina lamuna Yehoba wete 'abwa 'ihe'ita 'oimiya.

Pilipai 3:15 Referans Kwoze

Yoni 7:17

Taiyawedi 'omi 'eguma Yehoba 'ina nuwatuhu wapaipaihowa, 'omi nata wasanapugau 'abehega 'igu he'itaina Yehoba 'oinega, ma geya yaboi 'igu nuwatuhuwega.

Galetiya 5:10

Taugu Bada yahemisaeya ma 'igihenuwa sabwalenigomi, ma 'igu loinamo wamuliya, ma 'eguma loheyaina 'ami tolohe'wadalele 'ana maisa galana 'abwa Yehoba 'oinega 'iloba.

1 Kolinita 2:6

Sanapu moisa Yehoba 'oinega yahehepwaile tohemisa pa'alidi 'oidiya, ma hesi geya gogo gabulena bewa 'ana sanapu bo toloinao bewa tuwa 'idi sanapu, taudi simiyamiya tuta to'uto'upana tuwa.

Kolose 4:12

Epapila wete 'ina loyauwedo 'oimiya, tauna 'aigeda 'imi boda 'oimiyega. Ta 'ipaipaihowa To'abihetena Yesu weyahina, ma wete 'ina 'ahwanoi 'oidiya 'i'ahwa'ahwanoi waiwai ma 'ane watoholo pa'ala, ma'imi mumuga mabwaiyana bwebwe'ana, gide Yehoba nuwanuwana.

1 Kolinita 14:20

Ciyagwao, sahena 'imi nuwatuhu gwagwama gidemusa, ma hesi wanuwanuwa loheya madouna gide. Ta sahena mumuga galana weyahina wanuwanuwatuhu ma 'abehega wasanapudi.

Madiu 5:48

Ma 'omi 'ilobwainegomiya ma mumugami 'ausalana mabwaiyana, gide Tamamiu galewa.

Ibeliu 5:14

Ta 'eguma taiyawedi 'idi sanapu 'imatuwa, taudi gide 'e'ahai pa'alina 'ana to'aiyao, weyahina nuwadi 'isabwalena pwaiya, ta sawasawahidi sihesinuwa to'aha 'ausalana ma to'aha galana.

Kolose 1:28

Tauna Kelisoina 'ahehepwaile, ma'ima sanapu moisa 'aloguguya ta 'ahehe'ita tomota mabwaiyami 'oimiya, ma 'abehega Keliso 'ana tohemisao 'omi ma 'a'abilatuhegomi mamumugami mabwaiyana bwebwe'ana ta matuwana.

Loma 15:1

Taiyawedi tauda 'ida hemisa waiwaina sawasawahina ma 'iyadao taudi 'idi hemisa we'awe'ana ta'abihetedi. Gesowana taboidamo weyahida tanuwanuwatuhu.

Luke 11:13

Moisa, 'omi togala ma 'imi 'ebwaya natumiyao 'oidiya wasanasanapu 'abehega ginaula bwebwe'ana wa'ebwa'ebwaedi. Gide wete Tamamiu galewa 'ina 'ebwaya 'oimiya bwebwe'ana hedada, ma 'eguma wa'ahwanoi 'oina, nata Yaluyaluwa Tabuna 'i'ebwaegomi.”

1 Yoni 2:5

Ma 'eguma Yehoba 'ina gwae tamulimuliye 'ina helau 'oinega 'ilohemahegita ma tasanasanapu 'abehega 'iyadaina mahetedai tamiyamiya.

2 Timoti 3:17

ta 'ida waiwai talobalobadi Yehoba 'ina paihowao weyahidi, weyahina Buki He'asisi 'ina gwae 'oidiyega Yehoba 'i'atububugita, ta 'ina paihowao bwebwe'adi mabwaiyana sawasawahida.

Yoni 6:45

“Gwae bewa mwalo heneyage Yehoba 'ina buki 'oina palopitao sileleya sigwae, ‘Tomota mabwaiyadi nata 'adi he'ita Yehoba 'oinega siloba.’ Ma 'oinega taiyawedi 'omi Tamadai 'ina he'ita wahesagoheya ma wasanapudiya, 'omi nata 'oiguwa watauyama.

Epeso 1:17

Ma 'igu 'ahwanoi weyahimi 'abehega 'ida Bada Yesu Keliso 'ina Yehoba, tauna Tamada ta Tohewasawasa madouna, 'igihesanapugomi, ma tauna wada sanapu bwaibwaini,

1 Tesalonaika 4:9

Ma 'iyadao 'adi helau weyahina nata geya 'alelediwa, weyahina Yehoba bo'i tauna 'ihe'itegomiya 'oinega waboi wahelau hilegomi.