Pilipai 2:30 - Loina Nuahuana

³⁰ Moisa tuwa, Epapilodito Keliso 'ina paihowa 'oina lohalega 'i'iunamo ma 'i'amasa, weyahina 'omi geya sawasawahina ma walemegau, ma Epapiloditoina 'ipasima ta 'ilemegau, eeta 'oinega lohalaina 'ilobeya.

Pilipai 2:30 Referans Kwoze

1 Kolinita 16:17

Tuta bewa yayaliyaya madouna weyahina Sitipana ma Potuneto ma Akeiko sitauya pwaima, ta taudi gide 'omi 'ami miyalaenao, taudi si'abi'abihe yaliyayegomi.

Pilipai 4:10

Cida Badaina 'igihe yaliyaya pwaigauwa, weyahina bewa tuwa wa'atemuyemuyegauwa. Moisa mwalo nuwanuwami ma walemegau, ma 'iyamo geya 'eta 'eda wada lobeya.

Paihowa 20:24

“Ta geya hene yawasigu weyahina yanuwanuwatuhu ma yanuwahi. Beno tuwa 'igu 'eda nuwana 'igu paihowaina Bada Yesu 'i'ebwaegauwa weyahina yanuwanuwatuhu ta 'abehega yalosalohi, beno 'ada helau Yehoba 'oinega 'ana hepwaila.

Pilipai 4:18

Ma 'imi 'eheleina Epapilodito 'itauyeyama, mabwaiyana yalobeya 'imaha tasitasiwa, gide 'ane 'imi pwaoli bwebwe'ana Yehoba 'oina, wagabu pwaiya eeta mahaina bwebwe'ana Yehoba 'inisoya, ta weyahina 'iyaliyaya.

2 Kolinita 12:15

Yatagwala pwaiya ma 'igu tobwatobwa ma 'igu tuta mayawasigu wete yada 'eheleya yaluyaluwami sabi 'abihetedi. Taugu 'igu helau 'oimiya madouna, 'oinega togidega ta 'oinega 'omi 'imi helau 'oiguwa 'i'iuna tuwa?

Heꞌitaꞌita 12:11

“Ma tasidaowedi hesi tuwa yawasidi sitagwaleya ma Keliso weyahina si'amasa, 'oinega Tomuduleleina ma'iyadiu silo'aleha ta taudi sihewaiwaiya. Ma 'idi hewaiwai Lami bweyahinega, ma wete 'idi hepwailega Lami weyahina.

Pilimoni 1:13

weyahina nuwanuwagu yanuwahi ma tauna 'ihesuwahego ma 'i'abihetegau 'igu miya deli 'oina.

Pilipai 2:27

Moisa 'ilohala madouna, ma 'iyamo Yehoba 'i'atemuyemuyeya, ma wete taugu 'i'atemuyamuyaegauwa, weyahina 'eguma Epapiloditoina 'i'amasa nata yanuwagala moisa.

Pilipai 2:17

Wete 'eguma 'agu 'alehao 'i'iunamo silohe'amasigau, gide sipwaoliyegau, tuwa yayaliyaya, ma 'omi wete wada yaliyaya. Mwalo tutaina Yesu wahemiseya 'ana 'ita gidemusa wapwaopwaoli Yehoba 'oina, ma 'eguma ya'amasa, 'igu 'amasaina 'omi 'imi pwaoliyedi 'iloheposeyanedi.

1 Kolinita 16:10

Ta Timoti wete 'eguma 'inaowa 'oimiya wabwauwe 'imi hada ma wahelauwe madouna, weyahina tauna 'ida Bada weyahina 'ipaipaihowa, taugu wete gidemusa.

1 Kolinita 15:53

Weyahina Yehoba sawasawahina wahi mwahumwahuludi ma 'ama'amasidi 'ibuidi ma si'ehau ta miyamiya hatayadi.

Loma 16:4

ma wete yawasidi sitagwaleya weyahigu saugaina 'ebe hesilae 'oidiya. Ta weyahidi yaloyauwedo madouna, ma geya 'abehega taugumo 'igu loyauwedo, ma tohekalesiya 'asaidi 'atamanega wete mahetegwao 'ima loyauwedo siteluwaedi weyahidi.

2 Kolinita 4:12

Gide tuwa 'amasa tauma 'aloma 'ipaipaihowa, ma 'oinega 'omi yawasi bwebwe'ana 'oimiya 'ipaihowa.