Pilipai 2:26 - Loina Nuahuana

²⁶ eeta bewa tuwa nuwanuwana 'omi, ma tutaina mwalo 'ina lohala wasana wahesagoheya, 'ebwa tauna 'inuwanuwatuhu ma 'abehega geya'abwa 'omi wa'ate'ateyoho 'ina lohala weyahina.

Pilipai 2:26 Referans Kwoze

Pilipai 1:8

Yehoba wete 'isanasanapugau 'abehega Yesu Keliso 'ina helauwega nuwanuwagu 'omi,

Epeso 3:13

Coinega 'igu 'emuyamuyao bewa weyahimi sahena weyahidi 'atemi siwe'awe'a, ma hesi wada sanapu 'abehega 'igu 'emuyamuyaowedi 'omi 'imi bwebwe'ana weyahina.

Loma 12:15

Ma 'eguma toyaliyaya wa'itadi, mahetemiyao wayaliyaya. Wete gide 'eguma tohedoudou wa'itadi, mahetemiyao wahedoudou,

Pilipai 4:1

Ciyagwao nuwagu wa'eweya moisa, ta yahelauwegomiya, ma 'abehega 'omi 'igu 'ebe yaliyaya moisa, nuwanuwagu ma loguguyaedi wamuliyedi, ma 'oidiyega watoholo pa'ala, 'ida Bada weyahina, ta tauna mahetemiu.

Madiu 26:37

ma hesi sitetoiyedi ba'idanao 'itoediya, taudi Pita ma Sebedi natunao, ma 'inuwagala madouna, nuwana 'isiwapa,

Madiu 11:28

“Ma 'oinega 'omi 'imi paihowa mwauna, wanaoma 'oiguwa, ma ya'abihe 'aiyawasigomi.

1 Pita 1:6

Coinega wayaliyaya madouna, mane gide tuta to'uto'upana tuwa bewa 'oina tupwana 'ebetohonao mwaudi walobalobadi.

Pilipai 1:3

Tuta mabwaiyana Yehoba 'oina yahelau, 'eguma tutaina yanuwatuhugomi,

Galetiya 6:2

Cami 'aha'ahalao 'oidiya wahelemalema ma'iyamiyao, weyahina bewa gide 'ada loina Keliso 'oinega, eeta 'ilobwaineya tapaihowa.

2 Kolinita 9:14

ma wete sida 'ahwa'ahwanoi ma'idi nuwa'ewa weyahimi, Yehoba 'ina helau madouna 'atemiya 'ilaguya weyahina.

1 Kolinita 12:26

Weyahina 'eguma yahuda 'aigeda 'imuya, beno wahida mabwaiyana simuya. Wete 'eguma wahida 'aigeda ma'ina yaliyaya, beno wahida mabwaiyana siyaliyaya.

Loma 1:11

Weyahina nuwanuwagu ya'itegomi ma ya'abihetegomi eema Yaluyaluwa Tabuna 'ina 'ebwaya 'oinega wahewaiwai.

Paihowa 21:13

Ta Paulo 'ihegwaemaiya, “Sahena wadoudou ma wahehe 'ateyohogau. Yatagwala pwaigauwa ma silagugau deliya, nuwana silohe 'amasigau Yelusalema 'oina, Bada Yesu weyahina.”

Pilipai 2:25

Ta bewa tuwa 'igu nuwatuhu 'abehega 'ilobwaineya ma Epapilodito yahetune hileyawa 'oimiya, tauna tasigu ta mahetegu 'apaipaihowa, tuwa gide 'alolo'aleha Yesu Keliso weyahina. Epapiloditoina mwalo 'agu lema 'oimiyega 'itauyeyama,

Pilipai 2:27

Moisa 'ilohala madouna, ma 'iyamo Yehoba 'i'atemuyemuyeya, ma wete taugu 'i'atemuyamuyaegauwa, weyahina 'eguma Epapiloditoina 'i'amasa nata yanuwagala moisa.