Pilipai 2:21 - Loina Nuahuana

²¹ ma 'iyamo 'agu tolemao baibaiwadi taudimo weyahidi sinuwanuwatuhu, ta geya Yesu Keliso 'ina paihowa weyahina sida nuwanuwa.

Pilipai 2:21 Referans Kwoze

1 Kolinita 10:24

Cilobwainegita ma paihowaedi tapaihowadi 'iyadao 'adi lema weyahina ma hesi sahena taboidamo 'ada lema weyahina.

Madiu 16:24

Muliyetega Yesu 'ana tomuliyao 'ihegwaediya, 'igwae, “Taiya 'eguma nuwanuwana ma 'imuliyegau, 'ilobwaineya ma tauna 'ina nuwatuhuwao 'ilogwahatedi, ma tauna 'ana kelose 'i'ahali, ma 'oinega 'i'amasa, beno gide 'agu muliyaina 'ana 'eda.

Pilipai 2:4

Ma geya'abwa waboi 'imi paihowa weyahina wanuwanuwa, ta hesi 'iyamiyao 'idi miya bwebwe'ana weyahina wanuwatuhu.

2 Timoti 3:2

Weyahina tutaedi 'oidiya nata tomota taudimo weyahidi sinuwanuwatuhu, ma wasawasa 'ana hamwa nata 'imadou 'oidiya, ta sinuwa hanehane ta sigagasa ma wete siheliya. Ma sinadiyao ma tamadiyao 'enadi nata geya sihematamatana, ta tomota 'idi paihowa bwebwe'adi weyahidi nata geya siloyauwedo.

1 Kolinita 10:33

Gidemusa taugu yatohotoho ma 'abehega sahena taugu 'igu nuwatuhuwega yapaipaihowa, ma hesi to'aha tomota 'idi nuwatuhu gide tuwa yapaihowa 'esa, ma siyaliyaya, ta 'oinega 'adi lema siloba Yehoba 'oinega.

1 Kolinita 13:5

ma hesiyage 'iyadao tahe'asisiyanedi, ma sahena 'enuwanuwaha bo hegamwagamwagu bo 'aleha 'oidega si'ita'ita.

Luke 14:26

“Taiya 'eguma nuwanuwana ma 'imuliyegau, nugeta 'ihamwegau moisa ma tamana ta sinana ta mwanena ta natunao ta tasinao ta nuhunao, ma wete tauna tuwa weyahina 'ilogwahatedi. Ma 'eguma geya, tauna geya 'agu tomuliya.

2 Timoti 4:10

Dimasa bo'i 'i'ebesinegauwa weyahina bale'u mumugana nuwana 'i'eweya, ta 'itauya Tesalonaika. Kelesenisi bo'i 'itauya Galetiya, ma Taito wete 'itauya Dalimetiya. Taudi 'agu tolemaedi mabwaiyadi si'ebesinegauwa.

2 Kolinita 1:5

Moisa, Keliso 'ana muyao tauma 'alotohodiya, ma 'oinega Keliso 'ina yaliyaya 'i'ebwaemaiya, tauna 'ina yaliyaya gide.

2 Timoti 4:16

Cigu yatala nugeta geya 'eta taiya 'i'abihetegau, mabwaiyadi simatauta ta si'ebesinegauwa, ma yaboimo. Yehoba, 'idi pui bewa sahena 'uhehemaise.

Paihowa 15:38

Ma Paulo 'igwae, “Nuwana sahena tauna 'i'waya'wayabugita, weyahina mwalo Pamipiliya 'oina 'i'ebesinegita, ma 'ihila 'asai, ta geya nuwana ma 'i'wayabugita 'ida sakowasi 'oina.”

Paihowa 13:13

Ta Paulo ma'ina bodao Pepose 'oinega sigeluwa ma si'u'e hila, ma Peliga 'oina siluhuwa, tupwa Pamipiliya 'alona. Ta Yoni 'i'ebesinediya ma 'ihila Yelusalema.

2 Timoti 1:15

Ma 'usanapu pwaiya, taudi meEsiya silogwahategauwa ma si'ebesinegauwa, taudi Paigelio ma wete Elimogini, ma bodaedi.