Pilipai 2:17 - Loina Nuahuana

¹⁷ Wete 'eguma 'agu 'alehao 'i'iunamo silohe'amasigau, gide sipwaoliyegau, tuwa yayaliyaya, ma 'omi wete wada yaliyaya. Mwalo tutaina Yesu wahemiseya 'ana 'ita gidemusa wapwaopwaoli Yehoba 'oina, ma 'eguma ya'amasa, 'igu 'amasaina 'omi 'imi pwaoliyedi 'iloheposeyanedi.

Pilipai 2:17 Referans Kwoze

2 Timoti 4:6

Ta taugu nata sihunugau gide pwaoli, ma gogo bewa ya'ebesine.

Loma 15:16

ta 'abehega Yesu Keliso weyahina yahetohalewasa 'omi tomiya ganamuli 'oimiya. Cigu paihowa Yehoba 'oina gide pwaoli, ma 'oinega Yesu wasana wahesagohe, 'abwa muliyetega ya'ebwayaegomi Yehoba 'oina, weyahina Yaluyaluwa Tabuna 'ideuligomiya, ta weyahimi Yehoba 'iyaliyaya madouna.

2 Kolinita 12:15

Yatagwala pwaiya ma 'igu tobwatobwa ma 'igu tuta mayawasigu wete yada 'eheleya yaluyaluwami sabi 'abihetedi. Taugu 'igu helau 'oimiya madouna, 'oinega togidega ta 'oinega 'omi 'imi helau 'oiguwa 'i'iuna tuwa?

Kolose 1:24

Coinega sauga bewa 'agu muya yalobaloba 'omi weyahimi, ma tuwa ma'igu yaliyaya. Taugu wahigu 'ina muya ma Keliso 'ina muya 'ilohegogoneya ta 'imadouwa, tohekalesiyao weyahidi, beno taudi Keliso wahina.

Pilipai 1:20

Taugu wete yahehemisa ma wete yanuwatuhu yahiya 'abehega geya'abwa yadebadeba mwadina, ta hesi yanuwatuhu yahiya 'abehega ma'igu 'atepatu bewa tuwa ma sauga mabwaiyana Keliso sanina yagihemadouwe, nuwana 'igu miya mayawasigu bale'u 'oina, nuwana 'igu 'amasa 'oina.

2 Kolinita 7:4

Yayaliyaya pwaiya weyahimi ma yahehepwatu, ta 'igu nuwatuhu 'ibwebwe'ana pwaiya weyahimi. Bewa tuwa 'ima miyamwau, ma hesi tuwa weyahimi yayaliyaya madouna.

1 Yoni 3:16

Ma wete helau tasanapuya, beno 'abehega Keliso yawasina 'itagwaleya ta weyahida 'i'amasa, 'oinega 'ilobwainegita wete ma yawasida tatagwale tasidao weyahidi.

Loma 12:1

Tasigwao, wanuwatuhuyahi 'abehega Yehoba 'ina 'atemuyamuya 'oida 'imadou hedada, ee 'oinega bewa 'igu loguguya 'oimiya, tuta bewa mayawasimi wamiyamiya wapwaoliyegomi Yehoba 'oina, weyahina Yehoba nuwanuwana wahimi mabwaiyadi watagwaledi 'ina paihowa 'oina. Bewa gide paihowa 'esaina beno tapwalolo moisa 'ina 'eda Yehoba matana.

1 Pita 2:5

Coinega 'omi wete gide yowayowana mayawasina, yaluyaluwami watagwaledi, ma 'oimiyega Yehoba 'ina Hada 'ida 'abi, ma nage 'oina wahetopwaoli 'ehaumi, ma Yesu Keliso 'ilemegomi ma yaluyaluwamiyega wahetopwaoli bwebwe'ana Yehoba 'oina.

1 Tesalonaika 2:8

Ma nuwama wa'eweya, 'oinega ma'ima tagwala 'oimiya Yehoba tetelina 'ahepwaileya, ma wete taumamo 'atagwalemaiya, ma 'ahe'iya'iyagu bwaibwainigomiya.

Pilipai 4:18

Ma 'imi 'eheleina Epapilodito 'itauyeyama, mabwaiyana yalobeya 'imaha tasitasiwa, gide 'ane 'imi pwaoli bwebwe'ana Yehoba 'oina, wagabu pwaiya eeta mahaina bwebwe'ana Yehoba 'inisoya, ta weyahina 'iyaliyaya.

Pilipai 2:30

Moisa tuwa, Epapilodito Keliso 'ina paihowa 'oina lohalega 'i'iunamo ma 'i'amasa, weyahina 'omi geya sawasawahina ma walemegau, ma Epapiloditoina 'ipasima ta 'ilemegau, eeta 'oinega lohalaina 'ilobeya.

Paihowa 21:13

Ta Paulo 'ihegwaemaiya, “Sahena wadoudou ma wahehe 'ateyohogau. Yatagwala pwaigauwa ma silagugau deliya, nuwana silohe 'amasigau Yelusalema 'oina, Bada Yesu weyahina.”

Paihowa 20:24

“Ta geya hene yawasigu weyahina yanuwanuwatuhu ma yanuwahi. Beno tuwa 'igu 'eda nuwana 'igu paihowaina Bada Yesu 'i'ebwaegauwa weyahina yanuwanuwatuhu ta 'abehega yalosalohi, beno 'ada helau Yehoba 'oinega 'ana hepwaila.

2 Kolinita 6:10

Tauma ma'ima nuwagala ma hesi 'atema 'ayaliyaliyaya. Tauma gide wewelohe, ma hesi wasawasa 'aheheguyai tomota baibaiwadi 'oidiya. Geya wete 'ima tobwatobwamo ma hesiyage ginaula mabwaiyana 'oima simiyamiya.

Pilipai 2:18

Coinega 'ilobwainegomiya, ma 'omi ma taugu tayaliyaya hegogona.

2 Kolinita 4:12

Gide tuwa 'amasa tauma 'aloma 'ipaipaihowa, ma 'oinega 'omi yawasi bwebwe'ana 'oimiya 'ipaihowa.