Pilipai 2:11 - Loina Nuahuana

¹¹ ma ta'ahwa moisae 'abehega Yesu Keliso tauna Badaina, ta wete Tamada Yehoba tahepwatuwe.

Pilipai 2:11 Referans Kwoze

1 Yoni 4:15

Ceguma taiya 'owa 'u'ahwa moisa 'abehega Yesu tauna Yehoba Natuna, Yehoba 'oiuwa 'imiyamiya ma 'owa tauna 'oina 'umiyamiya.

Loma 14:11

gide Yehoba 'ina Bukiya 'ihepwaila, “Yehoba 'igwaeya: Taugu miyamiya hatayagu, eeta 'abwa tomota mabwaiyadi si'etuluha 'oiguwa, ma si'ahwa Badaegau.”

Yoni 13:13

Comi wabwauwegauwa 'abehega taugu Tohe'ita ma wete 'imi Cinapwana. Ta beno moisa, geya wa'abo.

1 Yoni 4:2

Ma hesi Yehoba Yaluyaluwana wada sanapu weyahina 'eguma Yesu Keliso ta'ahwa moisae 'abehega 'iheloheya bale'uwa, 'ida gwaeyedi beno Yehoba Yaluyaluwana 'oinega.

Loma 14:9

Bewa weyahina Keliso 'i'amasa ma 'itoholohila, ta 'abehega to'amasaedi ma tauda mayawasida mabwaiyada 'oida 'ihetoloina.

1 Kolinita 12:3

Ta bewa tutaina 'eguma taiya Yehoba yaluyaluwana 'oina 'imiyamiya, geya Yesu 'ida heliyeya, ma hesi 'i'ahwa Badae; weyahina geya 'eta taiya sawasawahina ma Yesu 'i'ahwa Badae, 'eguma geya Yaluyaluwa Tabuna 'oina 'imiyamiya.

Yoni 14:13

Ma 'eguma to'aha nuwanuwami ma saniguwega wa'ahwanoi, nata ya'ebwaegomi, ma 'oinega Tamagu 'ana hepwatu 'iloba 'igu paihowega.

1 Pita 1:21

Eeta tauna Kelisoina 'oinega Yehoba wahemisaeya 'abehega tauna 'amasega 'igihetoholo hileya eeta 'ebemiya wasawasa 'oina 'ilaguya, 'oinega 'imi hemisa ma 'imi nuwatuhu walagu bwaibwainidi Yehoba 'oina.

1 Kolinita 8:6

Ma tauda Yehoba tasanapuya 'abehega Tamadaina, ma 'iboinamo, ma ginaula mabwaiyadi 'ipaihowediya, ma wete tauda 'ipaihowegita, tauna weyahina. Ta wete 'ida Bada Yesu Keliso tasanapuya 'abehega tauna 'iboimo, ma Kelisoina Yehoba 'ilemeya ma 'ipaihowegita, ma wete ginaula mabwaiyadi 'ipaihowediya.

Heꞌitaꞌita 3:5

“Gidemusa tuwa 'omi taiyawedi wahewaiwai, 'omi wete 'ami 'ale'o wa'ewa'e'edi wa'otedi, ma geya'abwa sanimi yawasi bukina 'oinega yale'wale'wa yahule, ma hesi sanimiyedi 'abwa ya'inanadi Tamagu ta 'ina aneloseyao 'oidiya, 'abehega 'omi 'igu boda.

Madiu 10:32

“Ceguma taiyawedi weyahigu sihehepwaila tomota matadiya, 'abwa galewa taugu wete weyahidi yahepwaila Tamagu matana.

Paihowa 10:36

Ma To'abihetena Yesu tauna mabwaiyada 'ida Bada, ta Yehoba 'ina wasa bwebwe'ana 'i'ebwaeya Yesuina 'oina, tauma meIsileli 'ima 'ebe yaliyaya weyahina. Ma 'omi wasaina wasanasanapu,

Paihowa 2:36

“Bewa weyahina meIsileli mabwaiyami wasanapu bwaibwaini 'abehega Yehoba Yesu 'i'ahwa bada pwaiyeya ma tauna To'abihetena, tauna Yesuina wa'abihekelose pwaiya.”

Yoni 9:22

Sinanaina ma tamanaina gwae bewa si'inanediya weyahina meYudiya 'idi tohanugetao simatautediya. Weyahina meYudiya 'idi loina silaguya 'abehega taiyawedi 'eguma Yesu si'ahwa To'abihetena, taudi nata hada tapwalolo 'oinega sipa'idi.

Yoni 5:23

ma 'oinega mabwaiyami wahe'asisiyanegau gide Tamagu wahehe'asisiyana 'ese. Ma 'eguma taiyawedi geya wahe'asisiyanegau, beno wete Tamagu tauna 'ihesumanegauma geya wahe'asisiyane.

2 Yoni 1:7

Ma to'abowao baibaiwadi sihapwesa pwaiya bale'uwa ma siuhauhala sigwae, “Yesu Keliso geya 'iheloheya.” Ceguma taiya gide 'i'abo 'esa, tauna Keliso 'ana 'aleha.

1 Kolinita 15:47

Weyahina loheya nugenugetana Yehoba 'ipaihoweya bale'u 'oinega, ta loheya heluwena galewega 'isuluma.

Loma 15:9

ma wete 'abehega taudi geya meYudiya gogo mabwaiyana 'oidiya simiyamiya, Yehoba sihepwatuwe 'ina 'atemuyamuya 'oidiya weyahina. Weyahina Yehoba 'ina Buki 'oina 'aigeda lele 'imiyamiya, 'igwaeya, “Bewa lamuna 'oinega tomiya ganamuli mahetegwao nata 'ahepwatuwego, ma wete Saniu weyahina ma'ima hepwatu 'awaliwali 'oiuwa.”

Yoni 20:28

Coinega Tomasi 'igwae hila, ma 'igwaeya, “Cowa moisa 'igu Badaina ma wete 'igu Yehobaina.”

Yoni 17:1

Gwae bewa Yesu 'igwaenediya 'igumwala, ma 'i'ita haneya galewa ma 'i'ahwanoiya, 'igwae, “Tamagu, bewa tuwa 'igu tuta 'ilatu pwaima ma taugu tuwa natuina sanigu 'u'abi hanehe ma 'oinega taugu wete saniu ya'abi hanehe.

Yoni 12:42

Nage 'oina meYudiyaedi 'idi tohanugetao tupwana baibaiwadi Yesu sihemisaeya, ma hesiyage geya sihepwaila hapwesa. Weyahina Palisiyao simatautediya, nata gide hada tapwalolo 'oinega silohesohesoiyedi.

Luke 2:11

Ma wasaina bewa, nige hinuwanaina Debida 'ina 'asa, 'ami To'abihetenaina 'ili'uwa, Tauna 'ida Bada Keliso.

Yoni 14:23

Coinega Yesu loheyaina 'enana 'ihemaiseya 'igwae, “Taiyawedi 'omi 'eguma wahelauwegau ma 'igu gwae wamuliyedi, nata Tamagu wete 'ihelauwegomi. Ma 'oinega tauna ba'idagu 'atauyawa 'oimiya ma 'omi ma tauma tamiya hegogona.

Yoni 13:14

Taugu moisa 'imi Tohe'ita ma wete 'imi Cinapwana ma 'ahemi yabuyodiya. Coinega 'omi wete 'ilobwainegomiya ma 'iyamiyao 'ahedi wabuyodi.