Pilipai 2:1 - Loina Nuahuana

¹ Togidega, Keliso sawasawahina 'igihe 'atepatugita, nuwana 'ina helau 'igihe waiwaiyegita? Togidega yaluyaluwa Tabuna sawasawahina 'ihe'iya'iyaguwegita, ma 'oinega tahelau hilegita ma tahe'ate muyamuyaegita?

Pilipai 2:1 Referans Kwoze

Kolose 3:12

Ta 'omi Yehoba 'ina helauwega 'ihesinuwanegomiya tauna weyahina, 'oinega 'ilobwainegomiya ma wa'atemuyamuya, ma wahehelau hilegomi ma wanuwasulu ma'imi hohobiga ta wete ma'imi 'alama'i'ita.

1 Yoni 4:12

Geya 'eta tuta mebale'u Yehoba sida 'iteya, ma tauda hesi 'eguma tahelau hilegita beno Yehoba mahetedai, ma 'ina helau moisa 'ateda 'imiyamiya.

2 Kolinita 13:14

Bada Yesu Keliso mabwaiyami 'i'atemuyemuyegomi ma Yehoba 'ihelauwegomi ma Yaluyaluwa Tabuna wete ba'idamiu wahe'iya'iyagu moisa. Taugu Paulo.

Kolose 2:2

Ma 'ane wete taudi helauwega sihe'iya'iyagu moisa, ma'adi lotohona bwebwe'ana ta ma'idi sanapu moisa, 'oinega siyaliyaya madouna, weyahina sinuwa sabwalena sanapuina mwalo dahwadahwaina, beno Keliso.

1 Kolinita 12:13

Weyahina mabwaiyada tababitaiso, Yaluyaluwa 'aigeda 'oinega eeta taheboda 'aigeda. Tauma meYudiya ta 'omi hali tupwao 'oidiyega, ta tomiya mwau ma tomiya bwebwe'ana, ta mabwaiyada taheboda 'aigeda pwaiya Yaluyaluwa Tabuina 'oinega, tauna 'oida 'imiyamiya.

Galetiya 5:22

Ma 'iyamo Yaluyaluwa Tabuna huwaina bwebwe'ana 'ateda bewa: helau, yaliyaya, miya daumwala, toholo pa'ala, lema, mumuga dumwaluna, hemisa,

Galetiya 4:6

Coinega wete Yehoba Natuna Yaluyaluwana 'ateda 'ilaguya ma Yehobaina 'i'ahwa tamaneya 'igwae, “Tamagu!”

Paihowa 4:32

Bodaedi Yesu sihemisaeya, ta 'idi nuwatuhu mabwaiyana mahemahetena, ma geya sida 'enuwaha, ma hesi 'idi tobwatobwa mabwaiyadi sitagwalediya boda mabwaiyadi 'idi paihowa weyahidi.

1 Yoni 3:24

Ta 'eguma 'ina loinao tamulimuliyedi, tauda 'oina tamiyamiya, ma tauna 'oida 'imiyamiya. Ma togidega 'ina miya 'oida tasanapu 'ese? Weyahina yaluyaluwana 'i'ebwaegita, ta 'oida 'imiyamiya.

Yoni 17:13

“Ma hesiyage taugu 'i'iunamo ma yahilawa 'oiuwa, ma 'igu gwaeyedi yagwaenediya 'igu tomotaiyao gogo gabulena 'oidiya, ma 'oinega 'igu yaliyayega sida yaliyaya madouna.

1 Yoni 4:16

Coinega Yehoba 'ina helau 'oida tasanapu pwaiya, ta ta'ahwa moisaeya. Yehoba helau huhuna, 'oinega 'eguma taiya helau 'ina tupwa 'oina 'imiyamiya, tauna Yehoba 'oina 'imiyamiya ma Yehoba wete tauna 'oina 'imiyamiya.

Pilipai 3:3

Ma hesi tauda 'ada 'upwa 'ateda, ta geya 'wapida, 'eguma Yehoba 'oina ta'etuluha yaluyaluwanega, eema Yesu Keliso namo tahepwatuwe, ma sahena wasawasa bale'u 'oina tahehemisa.

1 Kolinita 3:16

Eema wanuwatuhuyahi 'abehega tauda Yehoba 'ina Hada He'asisi, weyahina Yehoba Yaluyaluwana 'oida 'imiyamiya.

Loma 8:26

Ta Yehoba Yaluyaluwana 'ida we'a 'oidiyega, tauna 'i'abi 'abihetegita, weyahina 'ida 'ahwanoi 'oidiya geya tasanapu togidega ta'ahwanoi 'esa, ma Yehoba Yaluyaluwana hesiyage weyahida 'ihetahetapewa ta ma'enana ma'ina welaha 'i'ahwa'ahwanoi waiwai Yehoba 'oina.

Loma 5:5

Nuwatuhuyahina bewa geya 'ida 'abihenuwa galegita, weyahina Yehoba Yaluyaluwana 'itagwaleya 'oida. Yaluyaluwanaina 'ina helau madou hedadena 'oinega 'ateda 'ilohemahediya.

Paihowa 2:46

Coinega sabwelo 'aigeda 'aigeda 'oidiya ma'idi 'atetagwala sitapwatapwalolo Hada He'asisi 'oina, ma taudi 'idi hada ma'idi yaliyaya si'ai hegogona,

1 Pita 1:2

Comi mwalo Yehoba 'inuwatuhugomiya ma 'ane 'ihesinuwegomi 'ina tomotaiyao, eeta 'ina Yaluyaluwa Tabuna bo'i 'igihe'ehau hilegomiya, beno Natuna bweyahinega, ma 'abehega Yesu Kelisoina 'enana wahematamatane. Sowasowana helau ma nuwadaumwala simadou 'oimiya.

Ibeliu 6:18

Ginaula waiwaidi 'eluwaedi miyamiya hatayadi, beno Yehoba 'ina gwae hemisa ma 'ina 'eta'wata'walulu. Coinega tasanapuya 'abehega Yehoba geya 'eta tuta 'i'abo. Weyahina tauda bo'i Yehoba 'oina tadena ta 'i'abihetegita, 'oinega ta'atepatu ma tanuwatuhuyahi 'abehega 'ina gwae hemisa 'oida geya'abwa 'i'ebe'ebesinegita.

Pilipai 1:8

Yehoba wete 'isanasanapugau 'abehega Yesu Keliso 'ina helauwega nuwanuwagu 'omi,

Epeso 4:4

Moisa, wahida 'aigeda, Yaluyaluwa Tabuna wete 'aigeda tuwamo, ma 'ibwauwegitama 'omi ma tauma, ma tanuwanuwatuhu 'ada lema 'aigeda tuwamo 'abwa taloba weyahina.

2 Kolinita 2:14

Coinega Yehoba 'oina yaloyauwedo, weyahina Keliso 'ina waiwaiyega tuta baibaiwana 'i'abi'abi hewaiwaiyemai ma 'ima paihowega Keliso 'ana sanapu tupwa mabwaiyana 'oidiya 'idabalala gide hoya mahaina 'ausala hedade 'idabalala ma tomota sinisoniso,

1 Kolinita 15:31

Moisa, sabwelo 'aigeda 'aigeda 'oidiya gide ya'ama'amasa, ma hesi ma'igu yaliyaya 'omi 'imi toholo pa'ala weyahina, 'ida Bada Yesu Keliso 'oina.

Yoni 14:27

“Ma hesi taugu sauga 'i'iunamo ma ya'ebesinegomi, 'oinega taugu tuwa 'igu nuwadaumwala 'oinega nuwadaumwala ya'ebwaegomi. Nuwadaumwala bewa geya gidemusa mebale'u 'oidiyega, 'oinega sahena nuwami sihehelahalaha bo 'atemi siyohoyoho.

Yoni 14:18

Ma hesiyage 'eguma ya'ebesinegomi, sahena 'imi nuwatuhu 'abehega wahesina sinageheya, weyahina nata yatauya 'abwa wete yalohihilama 'oimiya.

Luke 2:25

Ma nage tutaina 'oina Yelusalema 'oina 'aigeda bada sanina Simioni 'imiyamiya. Tauna loheya bwebwe'ana, ma wete Yehoba 'ihe'asisiyaneya madouna, ma 'iyamwayamwa meIsileli 'adi To'abihetena weyahina. Loheyaina Yaluyaluwa Tabuna 'oina 'imiyamiya.