Pilipai 1:20 - Loina Nuahuana

²⁰ Taugu wete yahehemisa ma wete yanuwatuhu yahiya 'abehega geya'abwa yadebadeba mwadina, ta hesi yanuwatuhu yahiya 'abehega ma'igu 'atepatu bewa tuwa ma sauga mabwaiyana Keliso sanina yagihemadouwe, nuwana 'igu miya mayawasigu bale'u 'oina, nuwana 'igu 'amasa 'oina.

Pilipai 1:20 Referans Kwoze

1 Pita 4:16

Ma ginaula bwebwe'ana hesi 'eguma 'omi Keliso 'ina bodao ma muya waloba. Beno geya 'ebe debamwadina, ma hesi Yehoba wahepwatuwe, weyahina 'omi Keliso 'ina bodao moisa.

1 Kolinita 6:20

Weyahina 'ihemaisa pwaigita, 'oinega 'ilobwainegita ma wahida 'oidiyega sanina ta'abihe madou.

1 Tesalonaika 5:23

Yehoba tauna daumwala huhuna, 'oinega yaluyaluwami ta nuwami ta wahimi 'i'abihe'ehau bwaibwainidi ma si'asilala, ma 'ane mumugami bwebwe'ana wamiyamiya 'ana siga Yesu Keliso 'ihilama.

1 Yoni 2:28

Coinega natugwao, sowasowana ma Keliso 'oina wamiya hataya, 'oinega 'eguma tutaina 'ihapwesama, geya'abwa ma'imi matauta, nuwana ma'imi deba mwadina, ma hesi 'ina tauyama weyahina wayaliyaya.

Pilipai 2:17

Wete 'eguma 'agu 'alehao 'i'iunamo silohe'amasigau, gide sipwaoliyegau, tuwa yayaliyaya, ma 'omi wete wada yaliyaya. Mwalo tutaina Yesu wahemiseya 'ana 'ita gidemusa wapwaopwaoli Yehoba 'oina, ma 'eguma ya'amasa, 'igu 'amasaina 'omi 'imi pwaoliyedi 'iloheposeyanedi.

Loma 8:19

weyahina ginaula mabwaiyana Yehoba 'ipaihowediya siyamwayamwana, ma nuwanuwadi madouna 'abehega tauda natunaowedi 'i'abihe latuhegita ma si'itegita.

2 Kolinita 10:8

ta loina Yehoba 'i'ebwaemaiya sabi 'abihetegomi ma hesi geya sabi 'abihegalegomi, ma 'eguma yagwaehane hedade 'igu loinaina weyahina, sahena wete 'ebedeba mwadina yalobaloba.

2 Kolinita 4:10

Tuta mabwaiyana 'oidiya 'ana 'ita gide wahima si'ama'amasa, gidemusa Yesu 'i'amasa, ma 'oinega tomota si'ita Yesu yawasina 'oima 'ipaipaihowa.

1 Kolinita 7:34

Coinega geya sawasawahina ma 'eda 'eluwaedi 'oidiyega sitautauya. Ta wete gumalaulau ma wahiwahine taudi geya sihai sawasawahidi ma Yehoba weyahina sinuwatuhu madouna, ma 'oinega wahidi ma yaluyaluwadi si'abi he'ehaudi, ma hesi haihai nidi sinuwanuwatuhu ginaula bale'u weyahidi ma 'abehega 'oidiyega mwanediyao si'abihe yaliyayadi.

Loma 5:5

Nuwatuhuyahina bewa geya 'ida 'abihenuwa galegita, weyahina Yehoba Yaluyaluwana 'itagwaleya 'oida. Yaluyaluwanaina 'ina helau madou hedadena 'oinega 'ateda 'ilohemahediya.

Kolose 1:24

Coinega sauga bewa 'agu muya yalobaloba 'omi weyahimi, ma tuwa ma'igu yaliyaya. Taugu wahigu 'ina muya ma Keliso 'ina muya 'ilohegogoneya ta 'imadouwa, tohekalesiyao weyahidi, beno taudi Keliso wahina.

Loma 12:1

Tasigwao, wanuwatuhuyahi 'abehega Yehoba 'ina 'atemuyamuya 'oida 'imadou hedada, ee 'oinega bewa 'igu loguguya 'oimiya, tuta bewa mayawasimi wamiyamiya wapwaoliyegomi Yehoba 'oina, weyahina Yehoba nuwanuwana wahimi mabwaiyadi watagwaledi 'ina paihowa 'oina. Bewa gide paihowa 'esaina beno tapwalolo moisa 'ina 'eda Yehoba matana.

Pilipai 1:14

Ta wete 'iyadao mabwaiyadi 'igu miya deliya si'iteya ma sihetahetapewa Bada 'ina paihowa 'oina, ta Yehoba 'ina gwae sihehepwaile ma'idi 'atepatu.

2 Kolinita 7:14

Mwalo Taito 'imiyamiya ta yahepwatuwegomiya, ma Taito matanega 'i'ita pwaiya, 'oinega geya wete 'ebe debamwadina 'oiguwa. Ma hesi 'igu gwae mabwaiyana 'omi weyahimi 'ana moisa 'ilatu pwaiya.

2 Kolinita 5:15

Ta 'ina 'amasa mabwaiyada weyahida huhuna, 'abehega 'abwa mayawasida, geya tauda 'ida paihowao sabi paihowaidi, ma hesi Keliso weyahina, tauna weyahida 'i'amasa ta wete 'itoholo hila.

1 Kolinita 15:31

Moisa, sabwelo 'aigeda 'aigeda 'oidiya gide ya'ama'amasa, ma hesi ma'igu yaliyaya 'omi 'imi toholo pa'ala weyahina, 'ida Bada Yesu Keliso 'oina.

Loma 9:33

Ma Yehoba 'ina Buki 'oina da'ule 'ebe tupaina weyahina 'ihepwaila, 'igwaeya, “Wa'itayahi bwaibwainigomi, weyahina da'uleina nata Saiyoni 'oina yalagu, ma tomota nata 'oina situpa ma sibe'u, ma 'eguma taiyawedi tauna tuwa da'uleinaina sihemisaeya nata geya'abwa siwe'awe'a.”

Loma 6:19

Bewa, bale'u nuwatuhuidi 'oidiyega yahe'itegomiya, weyahina nuwami 'abwa potapotadi. Ta mwalo to'wehimi watagwalediya ma 'abehega simumuga galagala, ma weteyage 'abehega 'imi paihowa galadi sihemadou bwaibwaina. Coinega tuta bewa sowasowana to'wehimi watagwaledi ma sipaihowa dumwalu, ma 'imi paihowa wete 'ibwebwe'ana bwaibwaina.

Loma 6:13

Geya sowana 'eta wete to'wehimi, nimami nuwana matami, watagwatagwaledi paihowa galadi weyahidi, ma hesiyage watagwalegomi Yehoba 'oina, weyahina 'i'abihetoholo hilegomiya, ta bewa tuta mayawasimi, ee 'oinega wahimi mabwaiyana watagwale Yehoba 'ina paihowa dumwaluna 'oina.

Paihowa 21:13

Ta Paulo 'ihegwaemaiya, “Sahena wadoudou ma wahehe 'ateyohogau. Yatagwala pwaigauwa ma silagugau deliya, nuwana silohe 'amasigau Yelusalema 'oina, Bada Yesu weyahina.”

Paihowa 20:24

“Ta geya hene yawasigu weyahina yanuwanuwatuhu ma yanuwahi. Beno tuwa 'igu 'eda nuwana 'igu paihowaina Bada Yesu 'i'ebwaegauwa weyahina yanuwanuwatuhu ta 'abehega yalosalohi, beno 'ada helau Yehoba 'oinega 'ana hepwaila.

Yoni 21:19

Gwae bewa 'oinega Pita 'ina 'amasa weyahina Yesu 'ilihasa, ma 'ina 'amasaina 'oinega nata Yehoba sanina 'i'abi hanehe. Muliyetega Yesu Pita 'ihegwae hileya 'igwae, “Cumuliyegau.”

Paihowa 4:31

Cidi 'ahwanoi bewa silosalohiya, ma hadaina 'oina simiyamiya 'ilonihuwa, ma mabwaiyadi Yaluyaluwa Tabuna 'ina waiwai 'oinega si'atepatu, ma Yehoba 'ina gwae sigwae latuheya.

2 Kolinita 3:12

Tanuwatuhu yahiya 'abehega loina hauhauna 'oinega tabwebwe'ana hataya, ma weyahina ta'atepatu,

2 Kolinita 7:4

Yayaliyaya pwaiya weyahimi ma yahehepwatu, ta 'igu nuwatuhu 'ibwebwe'ana pwaiya weyahimi. Bewa tuwa 'ima miyamwau, ma hesi tuwa weyahimi yayaliyaya madouna.