Pilipai 1:18 - Loina Nuahuana

¹⁸ Ma tuwa Kelisoina wasana 'ana loguguya baibaiwana weyahina yayaliyaya, 'eguma 'abowega bo nuwana gwae moisega, yayaliyaya tuwa.

Pilipai 1:18 Referans Kwoze

Luke 9:50

Ma Yesu 'igwaeya, “Sahena wa'au'ausi! Weyahina 'eguma taiya tauna geya 'ilolo'alehegomi tauna 'ami to'abihetena.”

1 Kolinita 15:11

Coinega tohepwailaedi 'oimiya siloguguya pwaiya, ma taugu wete 'oimiya yaloguguya pwaiya, ta Keliso wahemiseya.

1 Kolinita 14:15

Cilobwainegauwa ma ma'igu sanapu ta wete yaluyaluwaguwega ya'ahwa'ahwanoi, ma weteyage yawali hepwatu Yehoba 'oina yaluyaluwaguwega ta wete ma'igu sanapu.

Maki 12:40

Ta wete tuta mabwaiyana tomota matadiya si'ahwa'ahwanoi dudulena Yehoba 'oina, ma hesi 'idi 'ahwanoiina geya bwebwe'ana, weyahina 'atediya sinuwanuwatuhu togidega nata hiwahiwape si'abo 'esedi ma 'idi tobwatobwao si'ewadi. Coinega nata Yehoba maisa galana 'i'ebwaedi.”

Madiu 23:13

“Ma hesi 'omi loina 'ana tohe'itao ma Palisiyao 'atemuyamuyaimi, weyahina 'imi 'abowega tomota wa'ausidiya ma 'oinega Yehoba 'ina 'ebeloina 'oina sahena siluhuluhu. Comi geya'abwa waluhuluhu, ma tomota wete taiyawedi nuwanuwadi ma siluhu wanuwahidiya.

1 Kolinita 10:19

Moisa, 'e'ahaiyedi taudi tomiya ganamuli si'ebwa'ebwaya hali 'ebe hemisao 'oidiya, ma wete 'idi 'ebe hemisaowedi, nuwana 'aiwe bo dimwa, tuwa ginaula besobeso, ma geya 'idi waiwaimo.

Loma 6:15

Coinega togidega tamumuga 'esa? Mwalo loinaina taligehiya ma muliyetega Yehoba 'ida puiyedi 'inuwasamudiya, togidega, sowasowahina pui tuwa tapaipaihowa? Caa nata geya!

Loma 3:9

Ma togidega tauda meYudiya 'ida miya 'ibwebwe'ana hedadeya, ta taudi tomiya ganamuli 'idi miya geya bwebwe'ana? Geya! Weyahina yahe'ita pwaigita 'abehega mabwaiyada topui.

Luke 9:45

Nage 'oina 'i'abi he'wani bwaibwainidiya, 'oinega geya sowasowahina ma ginaula bewa weyahidi nuwadi 'isabwalena, ma Yesu 'oina geya sihesilala ma 'abehega 'ida he'itae 'oidiya, weyahina simatauta.

Pilipai 1:19

Ma wete yayaliyaya, weyahina yasanapuya 'abehega Yesu Keliso yaluyaluwana 'ina lema 'oinega ta 'imi 'ahwanoiyao weyahigu 'oidiyega nata lema yaloba miyamwau bewa 'oinega.