Pilipai 1:13 - Loina Nuahuana

¹³ Coinega tupwa bewa 'oina Sisa 'ina tolo'alehao ma tomota mabwaiyadi sihesagoha pwaiya 'abehega Keliso weyahina silagugauwa deliya.

Pilipai 1:13 Referans Kwoze

2 Timoti 2:9

Cigu guguyaina weyahina taugu miyamwau bo'i yalobeya 'oinega deliya sipaigauwa, gide 'abwa taugu topui 'aigeda. Ma hesi Yehoba 'ina gwaeina gesowana 'eta taiya 'i'etobode.

Epeso 3:1

Bewa weyahina taugu Paulo ya'e'etuluha ma ya'ahwa'ahwanoi Yehoba 'oina, tauna 'igu paihowa 'i'ebwaegauwa 'omi tomiya ganamuli 'oimiya, ma bewa tuwa Keliso 'ina paihowa weyahina deliya silagu luhuwegauwa ta yamiyamiya.

Pilipai 1:7

Moisa tuwa, 'ilobwaineya ma to'aha gidemusa weyahimi yalolotoho, eema nuwagu wete wa'eweya, weyahina 'omi mahetegwao Yehoba 'ilemelemegita bewa tuwa deliya yamiyamiya, ma 'ilemelemegita wete wasa bwebwe'ana 'ana he'ita ma 'ana 'abihewaiwai 'oidiya.

Epeso 6:20

Tetelaina bewa 'ana paihowa weyahina deliya silagu luhuwegauwa, 'oinega wa'ahwanoi Yehoba 'oina ma 'ane tetelaina yada gwae latuhe ma'igu 'atepatu, weyahina bewa gidemusa 'ana lobwaina.

Paihowa 26:29

Ma Paulo 'igwae hila, “Nuwana tuta to'uto'upana, bo nuwana tuta dudulena 'oina, 'owa ma taudi wete bewa 'oiguwa sihehesagoha, 'eguma mahetemwao wahe'wau'wau naowegau, beno 'ebe yaliyaya. Beno tuwa genuwagu ma balae bewa nimaguwa simiyamiya walobalobadi.”

Pilipai 4:22

Ma tohekalesiyao taudi Sisa 'ina hada sipaipaihowa, ma tohekalesiyao mabwaiyadi wete 'idi helau 'oimiya.

Paihowa 28:30

Ta Paulo 'ina hada nage 'ihehemaisa eeta 'oina 'imiyamiya bolime 'eluwa 'oidiya, ta tomota baibaiwadi 'ina hadaina siluhuluhu ma mahetenao sihe'iya'iyagu,

Paihowa 28:20

Ma hesi taudi 'idi he'ewa 'oiguwa weyahina yabwauwegomiya ma 'ane tahegwaegwae. Moisa tuwa tauda meIsileli tahehemisa 'abehega 'ada lema Yehoba 'oinega 'ilatuma, ta hemisaina bewa weyahina deliya silagugauwa.”

Paihowa 28:17

Ma sabwelo 'etoi sigumwala, ta Paulo meYudiya 'idi tohanugetao 'ibwau 'autedima. Sihapwesama ta 'ihegwaediya, 'igwae, “Tasigwao, taugu geya 'eta to'aha galana 'ida boda 'oidiya yapaihowa, nuwana mumugada tubudao 'oidiyega yaligeligehi, ma hesi Yelusalema 'oina si'ebwayaegauwa meLoma 'oidiya, ta deliya silagugauwa.

Paihowa 26:31

ta sihehegwaegwae siboidimo, sigwaeya, “Loheya bewa geya 'eta to'aha 'ina pui ma weyahina 'amasa bo lagudeli 'ilobwaine.”

Epeso 4:1

Coinega ya'ahwanoi 'oimiya ma mumugami wa'itayahi, bewa tuwa taugu deliya silagugauwa Badaina 'ina paihowa weyahina, ma 'omi Badaina 'ibwauwegomiya tauna 'ina paihowa weyahina, 'oinega 'ilobwainegomiya ma to'aha 'ina paihowaina 'ana lobwaina wamuliye,

Pilipai 1:30

taugu gidemusa 'igu lo'aleha Keliso weyahina 'agu muyao wa'itediya, ta bewa tuta wahesagohediya, ta 'omi wete 'imi lo'aleha ma 'ami muyao gidemusa waloba 'esedi.