Pilipai 1:10 - Loina Nuahuana

¹⁰ ee 'oinega nuwatuhu bwebwe'adi wahesinuwanedi, ma 'ane Keliso 'ina sabwelo 'abwa 'oina mumugami bwebwe'ana ma 'ehauna,

Pilipai 1:10 Referans Kwoze

Loma 12:2

Sahena bale'u mumugana 'oina watagwa tagwalegomi, ma hesi wahimi mabwaiyana watagwaledi Yehoba 'oina. Coinega 'imi nuwatuhuwao Yehoba 'i'abi hehauhaudi, ma 'ina nuwatuhu bwebwe'adi ta yaliyaliyayadi ma dumwadumwaludi wasanapudi.

1 Tesalonaika 3:13

Ma 'ane 'abwa tutaina 'ida Bada Yesu, ma 'ana tohemisao silatuma, 'omi ma'imi waiwai ta nuwami 'ehaudi, Tamada Yehoba matana watoholo.

1 Tesalonaika 5:23

Yehoba tauna daumwala huhuna, 'oinega yaluyaluwami ta nuwami ta wahimi 'i'abihe'ehau bwaibwainidi ma si'asilala, ma 'ane mumugami bwebwe'ana wamiyamiya 'ana siga Yesu Keliso 'ihilama.

Loma 2:18

Coinega Yehoba 'ina nuwatuhu wasanapu pwaiya, weyahina loinaina 'i'abihe sanapuwegomiya mumuga bwebwe'ana hedada weyahina.

Epeso 5:10

Ta wete watohotoho ma to'aha Bada nuwanuwana wada sanapudi ma wapaihowadi,

1 Yoni 4:1

Ciyagwao, sahena yaluyaluwa mabwaiyadi wahemihemisaedi, ma hesi watohodi, bwebwe'adi bo nuwana galadi. Ceguma taudi bwebwe'adi tasanapuya 'abehega Yehoba 'oinega sitauyama, ma taudi galadi hali tupwega sitauyama, weyahina bewa tuta palopita 'abo'abowao sihapwehapwesa mayaluyaluwadi geya Yehoba 'oinega.

Pilipai 1:6

Wete ma'igu hemisa 'abehega Yehoba 'ina paihowa bwebwe'ana 'ihegaineya 'atemiya, 'abwa nata tauna 'ilosalohi Yesu Keliso 'ina sabwelo madouna 'oina.

1 Tesalonaika 5:21

ma hesi gwaeina watoho, ma 'eguma bwebwe'ana wa'abiyahi,

1 Kolinita 1:8

Ma tauna 'i'abi'abi hepa'aligomi, ta geya 'eta 'imi puimo, ma 'ana siga sabweloina 'ilohihilama.

Heꞌitaꞌita 2:2

“Yasanapu pwaiya 'abehega 'imi paihowa madounega, ma 'imi 'alama'i'ita 'oidiyega wahewaiwaiya, ta togala geya nuwami, 'oinega 'agu tohepwaila 'abo'abowedi watohodiya ta 'idi 'abowedi walobediya ta wa'abi latuhediya.

Epeso 5:27

'oinega tohekalesiyao tauda 'ihetohologita 'abehega 'ina bodao 'ehauda, ma geya 'abehega bi'i bo to'aha galana 'oida, ma hesi mabwaiyana tuwa bwebwe'ana, ta 'ehauna.

Yoni 1:47

Sitautauya, ma Yesu Nataniyela 'i'iteya, ma Nataniyelaina weyahina 'ihegwaegwaeya 'igwae, “Loheya nage gwama Isileli moisa, ma mumugana 'ausalana mabwaiyana.”

Madiu 16:23

Ma Yesu 'itehinowa, ta Pita 'oina 'igwae, “Cowa Seitani, bewa tuwa 'u'ebesinegau! Sahena 'u'au'ausigau! Cino nuwatuhu tomota 'idi nuwatuhu, ma geya Yehoba 'ina nuwatuhu gide.”

2 Kolinita 1:12

Caigeda nuwatuhu weyahina yayaliyaya madouna, beno yasanapuya moisa 'ima mumuga 'ausalana ma dumwaluna tomota 'oidiya, geya sanapu bale'u 'oidiyega, ma hesi Yehoba 'ina helau 'oima 'oinega, ma gide 'apaihowa madouna 'oimiya.

Loma 12:9

Wahelau moisa. Pui waguipaile, ma mumuga bwebwe'ana hesiyage wa'abiyahi.

Loma 8:7

Ta 'eguma bale'u mumugana tahematamatane beno Yehoba talolo'aleha, eema geya wete sowasowahida ma Yehoba 'ina loina tamuliye,

Madiu 26:33

Coinega Pita 'i'apulagata ma 'igwaeya, “Nata mabwaiyadi sidena sinego ma taugumo ba'idau.”

Pilipai 1:16

sisanapugauwa deliya yamiyamiya wasa bwebwe'ana 'ana he'ita weyahina,

Epeso 6:24

Ta wete taiyawedi ba'idamiyao, 'eguma 'ida Bada Yesu Keliso sihelau hataeya, tauna 'ina 'atemuyemuyega 'ida helauwedi wete. Taugu Paulo.

Epeso 4:15

Ma hesi 'ilobwainegita ma helauwega tagwaegwae moisa, eeta 'ida mumuga mabwaiyadi sida sinasinabwa debada Keliso 'ina mumuga gidemusa.

Galetiya 5:11

Ciyagwao, geya'abwa wanuwanuwatuhu yaloguguya 'abehega 'wapimi si'upwadi ma 'ane meYudiya 'idi loina wamuliyedi, ma hesi 'igu loguguyaina Keliso 'ina 'amasa kelose 'oina weyahina. Cigu loguguya bewa weyahina meYudiya sinuwamwauwa ta silo'alehegauwa.

2 Kolinita 8:8

Bewa 'igu gwae tuwa ma geya 'abehega yaloinegomi, ma yanuwatuhuya tohekalesiyao tupwana sihehetapewa 'ehele 'awawa weyahina, 'oinega 'ebetohona bewa yalaguya ma ta'ita nuwana wa'ehele bwaibwaina, bo geya.

2 Kolinita 6:3

Cabihetena bewa tomota mabwaiyadi weyahidi, genuwama ma 'aigeda taiya 'ilolomugiyemai 'ima paihowao weyahidi. Geya 'aigeda wete 'ebe'etoboda 'alagulagu,

2 Kolinita 2:17

Ma tauma geya gide tolohatoto 'abo'abowao, taudi 'idi wasawasa tuwa weyahina silolohatoto, ma hesi tauma ma'ama hemisa, gide Yehoba 'iloinemaiya, 'oinega tauna matana Keliso tetelina 'agwaegwaene moisa.

1 Kolinita 10:32

Sahena hali tomota wa'abi'abi henuwagaladi, nuwana meYudiya, bo tomiya ganamuli, bo nuwana Yehoba 'ina tohekalesiyao.

1 Kolinita 8:13

Ma taugu hesi genuwagu ma 'aigeda tasida ya'abihebe'u, 'oinega 'e'ahaiyedi yaguipailediya moisa, ma sahena yalolotohodi, tabu ta 'oidiyega tasidao ya'abihebe'udi.

Loma 16:17

Tasigwao bewa 'igu 'ahwanoi madouna 'oimiya, beno wa'itayahigomi towatahao 'oidiyega, weyahina he'itaedi wa'ewediya taudi 'adi wahi'wata, 'oinega ta si'ahwa'ahwa galegale ma weteyage tomota 'idi hemisa si'abi'abi hewe'adi.

Loma 7:22

Ta yasanapuya 'abehega yaluyaluwagu nuwanuwana ma Yehoba 'ina nuwatuhu yapaihowa,

Loma 7:16

Ta moisa, Mosese 'ina loinaedi ya'ahwa moisaediya, weyahina galanaina yapaihoweya geya bwebwe'ana 'oiguwa,

Paihowa 24:16

“Ta tuta mabwaiyana 'oidiya yatohotoho waiwai 'abehega yamumuga bwebwe'ana, Yehoba matana, ma wete tomota 'oidiya.

Yoni 3:20

Coinega taiyawedi mumugadi galadi maedanaina geya nuwadi. Ma wete geya nuwadi ma maedanaina 'oina silatu, nata gidemusa mumugadiyedi galadi maedanaina 'i'abi latuhedi.

Pilipai 2:16

Ciyagwao, wasa bwebwe'ana wa'abiyahi momosi ma 'oinega yawasimi miyamiya hatayana waloba, ma tutaina Keliso 'ihilama taugu yayaliyaya weyahimi. Genuwagu ma 'igu paihowa 'oimiya 'adi mudala.