Pilimoni 1:19 - Loina Nuahuana

¹⁹ Taugu Paulo bewa nimaguwega yalelelele 'abehega mabwaiyana yahemaise hegumwali. Ma hesi sahena 'a haga 'oiguwa weyahina yagwaegwae, beno mwalo taugu 'igu paihowega ta yaluyaluwau 'i'ehau pwaiya.

Pilimoni 1:19 Referans Kwoze

Galetiya 6:11

Lele bewa matana madouna taugu nimaguwega yaleleya.

Galetiya 5:2

Taugu Paulo yaloguguya 'oimiya, ma 'eguma Mosese 'ina loinao 'oidiya watagwalegomi, nuwana 'eguma meYudiya 'idi 'ila'ilala 'wapimiya si'upwa, beno Keliso 'ina lema 'oimiya walohe'wadaleleya.

1 Kolinita 4:15

Moisa, 'imi tohe'itao boda hedada Keliso 'ina 'eda'edao weyahina, ma yaboigumo tuwa tamamiu, weyahina tetela bwebwe'ana 'ana guguya 'oinega ya'ewegomiya Yesu Keliso 'oina.

Taito 1:4

Taito, 'owa ya'ahwa natunegowa moisa 'ida hemisa 'aigeda, 'oinega Tamada Yehoba ma 'ada to'abihetena Yesu Keliso 'idi helauwega si'abihetego ma 'umiya daumwala.

1 Timoti 1:2

Cowa mwalo Keliso 'uhemisaeya, 'oinega ya'ahwa natunegowa moisa. Tamada Yehoba ma 'ida Bada Yesu Keliso sihelauwego, ma wete si'atemuyemuyego, ma 'umiya yaliyaya.

2 Kolinita 3:2

Weyahina 'omi tuwa 'ima letaowedi, ma tomota mabwaiyadi 'oimiyega sihasili, ma 'oinega 'imi mumuga 'ausalana si'ita ma 'ima paihowa 'oimiya sida sanapu 'abehega 'ausalana,

Loma 16:22

Leta bewa taugu Talitiyasi yalele, Paulo weyahina, ma yahelauwa 'oimiya 'ida Bada saninega.

2 Kolinita 9:4

Ceguma 'abwa tupwana meMasidoniya ba'idagwao 'atauyawa ma si'italobegomi 'imi helau geya wa'atububu, bewa 'ebedeba mwadina 'oiguwa ma wete 'oimiya, 'igu hepwaila nugetaina weyahina.

2 Kolinita 10:1

Taugu Paulo ya'ahwa'ahwanoi 'oimiya, gide Keliso 'ina mumuga nuhana 'oinega, weyahina 'omi wagwaeya, “Paulo 'ina mumuga nuhana 'eguma ba'idadai tada hegwaegwae, ma hesi bwagega 'iheliyegita.”

Pilimoni 1:18

To'aha gide mwalo 'ina pui, nana 'ana haga 'ulagu, 'abwa taugu yahemaise.