Paihowa 8:5 - Loina Nuahuana

⁵ Coinega Pilipi 'isulu 'aigeda Sameliya 'asaina 'oina, ma nobwa To'abihetenaina tetelina 'iguguyaeya 'oidiya,

Paihowa 8:5 Referans Kwoze

Paihowa 6:5

Ma boda siyaliyaya 'idi loina bewa weyahina, 'oinega site sebeni sihesinuwediya, beno Sitibeni, tauna 'ina hemisa madouna Yesu 'oina, ma Yaluyaluwa Tabuna 'ina waiwai 'oina, ma Pilipi ma Pilokolo ma Nikano ma Timoti ma Pamena ma wete Nikola, tauna gwama Anitioki ma meYudiya 'idi tapwalolo 'oina 'iluhu pwaiya.

Paihowa 21:8

Ta gona 'i'adaleya 'atauya Sisaliya, ma 'aluhuwa Pilipi 'ina hada, tauna mwalo tologuguya site sebeni 'aigeda 'oidiyega, ta mahetemai 'amiyamiya.

Paihowa 8:40

Ma Pilipi hesi silobeya tupwa Asota 'oina, ma 'oinega 'itautau, ma tetela bwebwe'ana 'iloguguyaeya 'asa 'aigeda 'aigeda 'oidiya, ma 'ana siga 'ilatu Sisaliya.

1 Kolinita 3:11

Cida 'oholaina 'imiyamiya, tauna Yesu Keliso, 'oinega geya sowasowahina ma hali 'ohola tahetoholo.

1 Kolinita 1:23

Ma tauda hesiyage tetelinaina talohatotoweya, Keliso 'ina 'amasa kelosemo 'oina weyahina, eema meYudiya silogwahateya ma wete tomiya ganamuli si'ahwa ginaula bwagabwagaeya.

Paihowa 5:42

Ma sabwelo 'aigeda 'aigeda 'oidiya sihehe'ita ma siguguya Hada He'asisi 'alona, ta wete tomota 'idi hadao 'oidiya, 'abehega Yesu tauna To'abihetenaina.

1 Kolinita 2:2

Ta hesi nuwanuwagu ma Yesu Kelisomo weyahina yada guguya 'oimiya tauna silohe'amasiya kelose 'oina.

Paihowa 9:20

Ma meYudiya 'idi hada tapwalolo 'oidiya Sauloina 'ihegaina 'iloguguya 'abehega Yesu tauna Yehoba natuna moisa.

Paihowa 8:1

Ma Saulo bodaedi 'i'ahwa bwebwe'anediya, Sitibeni 'ana lohe'amasa weyahina. Sabwelo nage 'oina tohekalesiyao tupwa Yelusalema 'oina 'adi 'alehaowedi sihegaina ma silo'alehedi, 'oinega sisawala Yudiya ma Sameliya tupwaedi 'oidiya, ma Yesu 'ana tohepwailao site tuwelomo Yelusalema 'oina simiyamiya.

Paihowa 1:8

Ma 'omi hesi 'abwa Yaluyaluwa Tabuna 'inaowa 'oimiya ma 'i'abihe waiwaiyegomi, ma taugu weyahigu wahetohepwaila Yelusalema 'oina, ma Yudiya ma Sameliya gogonao mabwaiyadi 'oidiya, ta wete gogo gabulena mabwaiyana 'oidiya.”

Paihowa 8:6

ta mabwaiyadi Pilipi 'ina gwae sihesagoheya, ma 'ina paihowa waiwaidi si'iteya.

Paihowa 8:26

Ma Yehoba 'ina anelose Pilipi 'ihegwaeya, “Cutoholo ma 'asudibwalala 'edaina Yelusalemega ma 'asa Gasa 'oina 'utauya.” Cedaina tupwa yoho 'awawa 'alonega 'itautau.

Paihowa 8:30

Coinega Pilipi 'ipiliya, ma loheyaina 'enana 'ihesagoheya palopita Aiseya 'ina lele 'ihasihasili. Ta Pilipi 'igwaeya, “Togidega, gwaeyedi 'uhasihasili 'usanapudiya?”