Paihowa 27:1 - Loina Nuahuana

¹ Ta siloina pwaiya 'abehega Itali 'oina 'atauya, 'oinega Paulo ma tupwadi paipaidi wete ba'idanao sitagwalediya Sisa 'ina tolo'alehao 'adi tohanugeta 'oina, sanina Yuliyasi, ma 'ane 'ima 'adau 'oina 'i'itayahidi.

Paihowa 27:1 Referans Kwoze

Paihowa 25:25

Ta geya 'eta wete 'ina pui yalobaloba ma weyahina 'ida 'amasa, ma tauna nuwanuwana ma 'ida kini madouna Sisa 'oina 'ida yatala, 'oinega yaloina pwaiya ma yahewasae Sisaina 'oina.

Paihowa 25:12

Ta Pesitoina 'iluhuwa ta 'ina tosanapuwao mahetenao sihehegwaegwae. Sihegwaegwae 'igumwala, ta 'ihilama, ma 'igwae, “Bwebwe'ana, nuwanuwau kini 'ina yatala, 'oinega kini Sisa 'ina yatala 'oina yahetunego.”

Paihowa 10:1

Ma 'asa Sisaliya 'oina 'aigeda loheya sanina Konilio 'imiyamiya, tauna meLoma tolo'alehao 'adi baibaiwa handeledi 'adi tohanugeta, boda Itali 'oinega,

Paihowa 27:11

Ma tolo'alehao 'adi tohanugeta 'ihesagohediya toniwaga ma waga 'ana to'eyaisa 'enadi, ta geya Paulo 'ina gwae weyahina 'ida nuwatuhuwa.

Paihowa 18:2

ma gwama Yudiya 'ilobeya, sanina Akuila, ta 'ina 'asa Ponitio, ma mamwanena Pilisila nige tuwa Italiyega sinaoma, weyahina kini Kolodiya meYudiya mabwaiyadi 'iloinaediya ma Lomega sihapwesa. Ma Paulo Akuila mamwanena 'ihabo'enediya,

Ibeliu 13:24

Cima helau yahewaseyawa 'ami tohanugetao ma tohekalesiyao mabwaiyami 'oimiya. Ma meItali wete 'idi helau sihesumaneyawa 'oimiya.

Paihowa 28:16

Nage 'oinega 'atauya ta Loma 'oina 'alatuwa, ta tolo'alehao Paulo sitagwaleya ma 'imiya wasi, ma 'ana to'itayahina tolo'aleha 'aigeda tuwa.

Paihowa 27:43

Ta 'adi tohanugetaina nuwanuwana ma Paulo 'i'abihete, 'oinega 'i'ausidiya, 'abehega sahena silolohe 'amasidi. Ma hesi 'iloinaedi taudi sowasowahidi ma sitube nugeta ma 'oya'oya weyahina sitube,

Paihowa 27:6

Nage 'oina tolo'alehao 'adi tohanugetaina 'ilobeya 'aigeda Alekisanidela wagana, 'i'iuna ma 'i'u'e Itali weyahina, ta 'oina 'agelubala.

Paihowa 24:23

Ta Pilikesa tolo'alehao 'adi tohanugeta 'ihegwaeya, “Loheya bewa wahile deliya, ma sahena waloiloina pa'ale, ma 'eguma 'iyanao nuwanuwadi ma sinaoma 'ana lema si'ebwae, sahena wa'au'ausidi.”

Paihowa 23:17

Ta Paulo tolo'alehao 'idi tohanugeta 'aigeda 'ibwauweyama, ta 'ihegwaeya. “Hewali bewa 'utauye boda 'aleha 'ana toloina 'oina ma to'aha 'ina nuwatuhu 'ihepwaila 'oina.”

Paihowa 23:11

Eeta hadai 'imiya heboiya, ma nihuwanega 'ina Bada 'ilatuma Paulo deina, 'itoholowa ma 'ihegwaeya, 'igwae, “Paulo, sahena 'u'ate'ateyoho, weyahina Yelusalema 'oina 'uhepwaila pwaigauwa. Ma Loma 'oina wete gidemusa 'abwa 'uhepwaila 'esegau.”

Paihowa 22:26

Ta tohanugetaina Paulo 'ina gwae 'ihesagoheya, 'oinega 'ilomwayamwayau ta 'itauya 'idi boda 'aleha 'ana toloina 'oina, ma 'ihegwaeya, “To'aha 'abehega 'uda paihowa? Loheya bewa tauna gwama Lomaina!”

Paihowa 21:32

Ta 'ilomwayamwayauwa, ma tolo'alehaowedi ma 'adi tohanugetao 'i'ewediya, ma boda 'oidiya sipili suluwa. Tutaina boda si'itediya tolo'alehao ma 'adi tohanugetao sinaonaoma, ta Paulo 'ana hunuwa silolaguwa.

Paihowa 19:21

Muliyetega Yaluyaluwa Tabuna Paulo 'ihenuwa laguweya 'abehega Masidoniya ma Akaya 'oidiyega 'ida tauya ma Yelusalema 'oina 'ida latu, ma 'igwaeya, “Yanugenugeta Yelusalema, ma 'abwa muliyetega yatauya Loma. Gide 'igu nuwatuhu.”

Paihowa 16:10

Paulo 'ina nihiina 'oinega 'asanapuya 'abehega Yehoba 'ibwauwemaiya ma tetela bwebwe'ana 'aguguyae meMasidoniya 'oidiya, 'oinega 'eda 'abesa sabi habala Masidoniya.

Paihowa 10:22

Ma sigwaeya, “Konilio 'ihetunemaiya, tauna tolo'alehao 'adi tohanugeta, ma loheya dumwadumwaluna ma Yehoba 'ana tohe'asisi, ma wete Yudiya mabwaiyadi si'ahwa loheya bwebwe'aneya, ta 'ana hemataluwa 'ihesagoheya Yehoba 'ina anelose 'oinega ma 'abehega 'owa 'ibwauwego tauna 'ina hada ma 'ino gwae 'ida hesagohe.”

Luke 23:47

Nage 'oina tolo'alehao 'adi tohanugeta 'i'iteya Yesu yawasina 'igumwala, 'oinega Yehoba 'ihepwatuweya 'igwaeya, “Moisa, loheya bewa loheya bwebwe'ana.”

Luke 7:2

Gogoina 'oina tolo'alehao taudi meLoma 'adi tohanugeta 'aigeda ma'ina hewali simiyamiya. Ma 'ina hewaliina 'ihelau bwaibwaineya, ma tuta nage 'oina 'ilohala madouna, ma 'i'iuna ma 'i'amasa.

Madiu 27:54

Ma tolo'alehaowedi ma'idi tohanugeta saugenina Yesu kelose 'oina si'ita'itayahiya, mwani'ini'i ma ginaula mabwaiyana si'itediya, ta simatauta madouna, sigwaeya, “Moisa, loheya bewa Yehoba Natuna.”

Paihowa 28:1

Ta 'agayo haneya 'oya'oya, ma bwanabwanaina 'ana tomiyao sihepwaila 'oima 'abehega bwanabwana sanina Melita.