Paihowa 26:16 - Loina Nuahuana

¹⁶ Ma hesi 'utoholoma. Coiuwa yalatu pwaima ma 'abehega yaloinaego, ta 'igu latu bewa weyahina ma wete 'igu latuwedi 'abwa weyahidi, 'uhepwailegau.

Paihowa 26:16 Referans Kwoze

1 Timoti 1:12

Ma wete 'ida Bada Yesu Keliso 'i'abihewaiwai yegauwa 'igu paihowa bewa weyahina, 'oinega yaloyauwedo, weyahina 'ihemisaegauwa, ma paihowaina 'i'ebwaegauwa.

Galetiya 1:12

weyahina geya tomota 'idi hepwailao, nuwana 'idi he'itao 'oidiyega, ma hesi Yesu Keliso 'ina he'ita 'oiguwa 'oinega.

Loma 15:16

ta 'abehega Yesu Keliso weyahina yahetohalewasa 'omi tomiya ganamuli 'oimiya. Cigu paihowa Yehoba 'oina gide pwaoli, ma 'oinega Yesu wasana wahesagohe, 'abwa muliyetega ya'ebwayaegomi Yehoba 'oina, weyahina Yaluyaluwa Tabuna 'ideuligomiya, ta weyahimi Yehoba 'iyaliyaya madouna.

Kolose 1:25

Eeta tohekalesiyao 'omi weyahimi taugu wete Yehoba 'ina loinega yahetopaihowa, ma 'oinega Yehoba 'ina gwae yahehepwaila latuhe.

Kolose 1:23

Beno 'eguma 'imi hemisa sahena 'iwe'awe'a, ma 'eguma watoholo pa'ala wasaina bwebwe'anaina wahesagoheya 'ana hemisa 'oina, ma sahena wa'ebe'ebesine. Wasaina 'ana lohatoto tomota mabwaiyadi bale'uwa sihesagoha pwaiya, ma taugu Paulo 'ana tohepwaila 'aigeda.

Galetiya 2:2

Ta 'igu tauya lamuna weyahina Yehoba 'ihe'itegauwa 'abehega 'ilobwainegauwa ma yahane Yelusalema, ee yahaneya, yatauya tohekalesiyao 'idi tohanugetao 'oidiya, eeta 'aboimamo 'ahehegwaegwae, ta tetelaina yaloguguyaeya tupwa ganamuli toguguyou 'oidiya yahepwaileya tohanugetaowedi 'oidiya, weyahina genuwagu ma 'igu guguyaina mwalo gide loguguya besobeso, eeta tohanugetaedi sitagwala 'igu loguguyaina 'oina.

Paihowa 23:11

Eeta hadai 'imiya heboiya, ma nihuwanega 'ina Bada 'ilatuma Paulo deina, 'itoholowa ma 'ihegwaeya, 'igwae, “Paulo, sahena 'u'ate'ateyoho, weyahina Yelusalema 'oina 'uhepwaila pwaigauwa. Ma Loma 'oina wete gidemusa 'abwa 'uhepwaila 'esegau.”

2 Timoti 4:5

Ma 'owa sahena gide taudi. Sauga mabwaiyana 'utoholo pa'ala, ta 'ino miyamwau 'oidiyega 'u'alama'i'ita, ma wasa bwebwe'ana 'uhehepwaile. Bewa 'oinega ma 'ane 'owa topaihowa waiwaina Yehoba 'ina paihowa 'oina.

1 Timoti 4:6

Bewa loinaedi 'iyadao 'oidiya 'uhe'itaedi, 'oinega 'owa Yesu Keliso 'ina topaihowa bwebwe'ana, weyahina he'ita dumwaluna Yesu 'ana hemisa weyahina 'umulimuliyedi, ma 'oinega yaluyaluwau 'ihewaiwai.

1 Tesalonaika 3:2

Coinega 'iyadaina Timoti yahesumaneyawa, weyahina tauna wete 'aigeda 'ima boda Yehoba 'ina paihowa Keliso tetelina weyahina, 'iyadaina yahesumaneyawa ma 'ane 'i'abihe waiwaiyegomi ma Keliso 'oina wahemisa moisa,

Kolose 1:7

Moisa, 'iyada Epapilaina loheya bwebwe'ana, 'oinega wasaina 'ihe'ita nugetegomiya. Weyahina tauma 'ihemiyalaemaiya ta 'ihehetapewa Keliso weyahina 'oimiya.

2 Kolinita 5:18

Cehele bewa Yehoba 'oinega, tauna Yehobaina Keliso 'ina paihowega 'itoegita tauna 'oina ta ba'idadai tahe'iya'iyagu hila, ma wete 'ida paihowa 'i'ebwaegita ma tomota ta'ewedima he'iya'iyaguina 'oina.

2 Kolinita 4:1

Cima paihowa bewa Yehoba 'ina 'atemuyemuyega 'i'ebwaemaiya, 'oinega sahena 'awe'awe'a.

Loma 1:5

Yesu Kelisoina tauna 'ihelauwegauwa ma 'ihesinuwegauwa 'abehega yahepwaila weyahina 'asa ganamuli mabwaiyadi 'oidiya, eema 'abehega sitagwala 'oina ma saninega sihemisa.

Paihowa 22:10

“Ta yagwae, 'Bada, to'aha nata yapaihowa?.’ Ma 'ihegwaegauwa 'Cutoholo, ma Damasiko 'oina 'utauya, ma nage 'oina 'a loina 'uhesagohe.’

Paihowa 21:19

Ma Paulo 'igwae helauwediya, ta 'ina guguya ma Yehoba 'ina paihowa tomiya ganamuli 'alodiya weyahina 'ihe'ote'otetela bwaibwaina 'oidiya.

Paihowa 20:24

“Ta geya hene yawasigu weyahina yanuwanuwatuhu ma yanuwahi. Beno tuwa 'igu 'eda nuwana 'igu paihowaina Bada Yesu 'i'ebwaegauwa weyahina yanuwanuwatuhu ta 'abehega yalosalohi, beno 'ada helau Yehoba 'oinega 'ana hepwaila.

Paihowa 6:4

Ma tauma 'ada hetapewa 'ahwanoi weyahina ta wete Yehoba 'ina gwae 'ana he'ita weyahina.”

Paihowa 1:25

ma Yudasa miyalaena, ma tauna 'ihetopaihowa ma 'ihetohepwaila Yesu weyahina, weyahina Yudasa paihowaina 'i'ebesineya ta 'itauya tauna 'ina tupwa.”

Luke 1:2

He'ote'otetelaedi silelediya to'aha gide taudi matadiyega si'ita nugeteya, 'oinega gwaeina siloguguya ma sihe'ote'otetela 'oima,

Paihowa 26:15

“Ma yagwaeya, 'Bada taiya hede 'owa?” Badaina 'igwaeya, 'Taugu Yesu 'ulolo'alehegau.

Epeso 3:3

Ma 'igu paihowa bewa sanapu mwalo dahwadahwaina weyahina, ma hesi 'ana sanapu Yehoba 'ihe'ita pwaigauwa, gidemusa yaleleyawa 'imi leta to'uto'upana bewa 'oina,