Paihowa 23:1 - Loina Nuahuana

¹ Ta Paulo meYudiya 'idi babadaowedi 'i'e'ebubudiya, ta 'ihegwaediya, “Babadao ma tasigwao, mwalona ma nige to'aha yanuwatuhuya 'abehega Yehoba 'ina loinao beno yamuliya bwaibwainidiya.”

Paihowa 23:1 Referans Kwoze

Paihowa 24:16

“Ta tuta mabwaiyana 'oidiya yatohotoho waiwai 'abehega yamumuga bwebwe'ana, Yehoba matana, ma wete tomota 'oidiya.

2 Timoti 1:3

Yehoba 'oina yaloyauwedo, tauna tubugwao mwalo 'idi Yehoba, ma 'oina yahetopaihowa 'igu nuwatuhu 'ehaudi 'oidiyega, gidemusa taudi. Wete 'oina ya'ahwa'ahwanoi weyahiu nihuwana ma sabwelo 'oidiya.

2 Kolinita 1:12

Caigeda nuwatuhu weyahina yayaliyaya madouna, beno yasanapuya moisa 'ima mumuga 'ausalana ma dumwaluna tomota 'oidiya, geya sanapu bale'u 'oidiyega, ma hesi Yehoba 'ina helau 'oima 'oinega, ma gide 'apaihowa madouna 'oimiya.

Ibeliu 13:18

Nuwanuwama wete tauma weyahima wa'ahwanoi Yehoba 'oina. Bewa tuwa 'anuwatuhuya 'abehega 'ima mumuga 'ausalana, ta nuwanuwama mumuga 'ausalanaina 'oina 'atoholo hataya.

1 Kolinita 4:4

Ta wete taugu 'igu nuwatuhu 'abehega 'igu paihowaina bwebwe'ana, ma hesi geya yasanapu bwaibwaini, nuwana bwebwe'ana bo galana, Yehobamo 'isanasanapu.

Paihowa 22:5

Topwaoli Madouna ma 'imi babadao mabwaiyadi 'igu paihowa bewa sisanasanapu, weyahina taudi leta si'ebwaegauwa tasidiyao Damasiko 'oina weyahidi, ma 'abehega yada tauya, ma 'oidiyega tagwala yada 'ewa nugete, ma 'oinega tohemisao yada 'abiyahidi, ma yada tauyedima Yelusalema, ma sida gihemuyedi.

2 Kolinita 4:2

Mumuga galadi ta 'abo'abowedi 'alogwahata pwaidiya, ma wete sahena Yehoba 'ina gwae 'abuibui 'abehega he'ita 'abo'abo 'oinega 'ahehe'ita, ma hesi he'ita moisa 'agwaegwae latuwe, ma 'omi mabwaiyami tauma 'ima mumuga 'ausalana Yehoba matana wa'ita.

Paihowa 23:6

Bewa tuwa Paulo 'i'iteya 'abehega to'eto'autaedi boda 'eluwa 'oidiyega, 'aigeda Sadusiyao, ma 'aigeda Palisiyao, ma 'oidiya 'ibwau latuwa, 'igwae, “Tasigwao, taugu 'aigeda Palisi 'idi boda, weyahina tamagu wete Palisi 'idi boda, ta 'igu yatala bewa lamuna yahemisa 'abehega to'amasa sitoholo hila.”

1 Pita 3:16

Ma to'aha wanuwatuhuya bwebwe'ana, tuta mabwaiyana gidemusa wapaipaihowa 'esa, 'oinega 'eguma taiyawedi si'ahwa galaegomi weyahina 'abehega 'omi Keliso 'ana tomuliyao, 'abwa sideba mwadina, 'eguma 'imi mumuga bwebwe'ana wahe'itedi.

Paihowa 22:30

Gona 'i'adaleya ma boda 'aleha 'ana toloinaina 'inuwanuwatuhu ma 'abehega wasa moisa si'ebese, to'aha weyahina meYudiya Paulo sihe'eweya, 'oinega Paulo 'itoelatuheya ma 'iloina 'abehega topwaoliyao madoudi ma meYudiya 'idi babadao mabwaiyadi sitauyama, ma 'oinega toloinaina Paulo 'itoeyama ma matadiya 'ihetoholoya.

Paihowa 6:15

Ma todeli hegogonaedi mabwaiyadi Sitibeni manina si'e'ebubuya, 'ana 'ita anelose manina gide.

Paihowa 22:1

“Tasigwao ma tamagwao, wahehenono ma matamiya yada mwehihi he'ewa bewa weyahina.”

Madiu 5:22

Ma hesi taugu yaloinegomi 'abehega 'eguma taiya 'owa tasiu 'ugamwasowale, 'abwa loina 'uloba. Ma 'eguma tasiu 'u'ahwa galagalae loina 'uloba, toloinao 'oidiyega. Ma wete 'eguma tasiu 'ana gwae mwauna 'ulagu, 'abwa 'uluhu 'asa 'ala'alatana* 'oina.

Paihowa 23:15

Coinega 'omi ma babadao mahetemiyao watauya boda 'aleha 'ana toloina wa'abowe, ma Paulo 'itoeyama, ta 'ina pui ta'ebese bwaibwaini. Ma 'oinega tauma 'a'atububuwa, ma saugaina 'eguma 'eda 'oina sitautauyama 'alohe'amasi.”

Paihowa 23:20

Ta hewaliina 'igwaeya, “MeYudiya siloina ma 'abehega si'ahwanoiyego 'abehega gona Paulo 'usuluheyawa 'idi 'eto'auta 'oina, ma 'abehega 'ina puiyao sibese bwaibwaini.

Paihowa 23:28

Nuwanuwagu 'idi he'ewaina huhuna yada sanapu, ta 'idi hegogona 'oina ya'eweyama,