Paihowa 22:3 - Loina Nuahuana

³ “Taugu gwama Yudiya. Tasisi, Silisiya 'asana 'oina yatoleya, ma 'ebwa Yelusalema 'oina yase'uluwa. Cigu tohe'ita sanina Gameliyela, 'ihe'itegauwa tubudao 'idi loinao ma yasanapu bwaibwainidiya, ma Yehoba 'ina paihowa 'oina yatagwalegauwa moisa, gidemusa bewa tuwa 'omi 'imi tagwala.

Paihowa 22:3 Referans Kwoze

Paihowa 26:5

ma tuta dudulena 'oina sisanasanapugau 'abehega tauma boda Palisi, ma Palisiyao 'ima loina waiwaina yamuliyeya moisa, ta 'eguma 'uhesilaladi, ma nuwanuwadi ma sihemaisa, nata si'ahwa moisa.

Paihowa 9:11

Coinega Yehoba 'igwaeya, “Cutoholo, ma 'asa gamwagamwanega 'utauya 'eda sanina Dumwaluna 'oinega, ma Yudasa 'ina hada loheya 'aigeda 'uhesilala, tauna gwama Tasisi sanina Saulo, ma sauga bewa 'i'ahwa'ahwanoi,

Paihowa 5:34

Ta 'aigeda 'oidiyega, sanina Gameliyela, tauna Palisi, ma loina 'ana tohe'ita, ta ma'ana he'asisi tomota baibaiwadi 'oidiya, 'itoholo ma 'iloina ma 'abehega Yesu 'ana tohepwailaowedi sitoe hapwesedi tuta to'uto'upanamo weyahina.

Paihowa 21:39

Ta Paulo 'igwaeya, “Geya. Taugu gwama Yudiyaigu, ta 'igu 'asa Tasisi, tupwa Silisiya 'alona, 'asaina 'asa madouna. Ma sowasowahina 'utagwalegau ma tomota 'oidiya yagwae?”

Paihowa 21:20

Ta mabwaiyadi sihesagoheya ma Yehoba sihepwatuweya, ta sihegwaeya, sigwae, “Tasimai, 'u'ita tausani baibaiwana Yesu 'oina sihemisa pwaiya, ta baibaiwadi tohemisaedi meYudiya, ma Mosese 'ina loina simulimuliya.

2 Kolinita 11:22

Ceguma taudi meIbeliu, taugu gide. Ceguma taudi Isileli 'ina susuwao, taugu gide. Ceguma taudi Ebalahamo tubunao, taugu gide.

Luke 10:39

Ma wahineina tasina wete 'imiyamiya, sanina Meli, ma Meliina 'inaoma ta Yesu deina 'imiyatoiya, ma 'ina gwae sabi hesagohena.

Loma 11:1

Ta bewa 'igu hesilala, togidega Yehoba 'ina boda meIsileli 'iguipailediya, bo geya? Geya! Weyahina taugu 'aigeda gwama Isileli, susu Beniyamina 'oinega, ma 'ima susu madouna 'ima babadega, sanina Ebalahamo.

Paihowa 23:6

Bewa tuwa Paulo 'i'iteya 'abehega to'eto'autaedi boda 'eluwa 'oidiyega, 'aigeda Sadusiyao, ma 'aigeda Palisiyao, ma 'oidiya 'ibwau latuwa, 'igwae, “Tasigwao, taugu 'aigeda Palisi 'idi boda, weyahina tamagu wete Palisi 'idi boda, ta 'igu yatala bewa lamuna yahemisa 'abehega to'amasa sitoholo hila.”

Paihowa 6:9

Ta tupwana tomota sinaoma ma Sitibeni ba'idadiu sihe'ohe'ohe, taudi tupwadi meYudiya 'idi tapwalolo sihesaniyeya “Lihalihasina,” ma tupwadi Yudiyaedi 'asa Sailini 'oinega, ma tupwadi 'asa Alekisanidela 'oinega, ma tupwadi 'asa Silisiya ma Esiya 'oidiyega,

Galetiya 1:21

Coinega Yelusalema ya'ebesineya ma yatauya Siliya ma Silisiya 'idi tupwa 'oidiya.

Galetiya 1:14

Coinega 'iyagwao Yudiya 'alona yahewaiwai sinediya, weyahina tubudao 'idi mumuga weyahina yahetapewa madouna ta 'iyagwao 'idi hetapewa tupwana tuwa.

Paihowa 23:34

Ta gabana 'ina leta 'ihasili hegumwaliya, ma Paulo 'ihesilaleya, “To'eha 'ino 'asa?” Ta Paulo 'igwaeya, “Cigu 'asa Silisiya 'alona.”

Paihowa 15:41

ma silohihila Siliya ma Silisiya 'asaidiyao 'oidiya, ta Paulo tohekalesiyao 'i'abihetedi, ma 'i'abihe waiwaiyedi.

Paihowa 15:23

ta tohemisaowedi tupwa ganamuli 'oidiya 'idi leta si'eweya, ma 'ana lele 'igwae, “Yauwedo tasimao 'omi tohekalesiyao tupwa ganamuliya Anitioki ma Siliya ma Silisiya 'oidiya wamiyamiya. Tauma Yesu 'ana tohepwailao ma tohanugetao 'imi leta 'aleleyawa.

Paihowa 11:25

Muliyetega Banaba 'itauya Tasisi ma Saulo 'i'ebeseya,

Paihowa 9:30

Ta 'idi loinaina tohekalesiyao sihesagoheya ta Saulo sitauyeya Sisaliya, ma nage 'oinega sihewasaeya, 'itauya Tasisi.

Luke 8:35

Coinega tomotaedi sinaoma ma 'abehega taudi matadiyega si'ita to'aha 'ilatuwa. Sinaoma Yesu 'oina ma loheyaina si'iteya, mwalo hi'ahi'a 'alona simiyamiya 'ibwebwe'ana pwaiya, ma 'ale'o 'i'oteya, ma Yesu 'ahena deina 'imiyamiya. Nage 'oina mabwaiyadi simatauta.

Luke 2:46

ta geya siloba 'ana siga sabwelo 'etoi sigumwala, ta silobeya Hada He'asisi* 'alona, meYudiya 'idi tohe'itao mahetenao simiyamiya, 'ihehesagohedi ma wete 'ihehesilala 'oidiya.

Paihowa 9:1

Ma Saulo 'abwa tuwa Bada Yesu 'ana tomuliyao 'oidiya 'ilolo'alehedi, nuwanuwana 'ilohe'amasidi. Coinega 'itauya Topwaoli Madouna 'oina,

Paihowa 26:9

“Moisa, taugu mwalo 'igu nuwatuhu 'abehega 'eda mabwaiyadi 'oidiyega, Yesu gwama Nasaleta sanina ya'ausi.