Paihowa 21:8 - Loina Nuahuana

⁸ Ta gona 'i'adaleya 'atauya Sisaliya, ma 'aluhuwa Pilipi 'ina hada, tauna mwalo tologuguya site sebeni 'aigeda 'oidiyega, ta mahetemai 'amiyamiya.

Paihowa 21:8 Referans Kwoze

Paihowa 6:5

Ma boda siyaliyaya 'idi loina bewa weyahina, 'oinega site sebeni sihesinuwediya, beno Sitibeni, tauna 'ina hemisa madouna Yesu 'oina, ma Yaluyaluwa Tabuna 'ina waiwai 'oina, ma Pilipi ma Pilokolo ma Nikano ma Timoti ma Pamena ma wete Nikola, tauna gwama Anitioki ma meYudiya 'idi tapwalolo 'oina 'iluhu pwaiya.

Epeso 4:11

Ta 'ina heguheguyai bewa gidemusa, 'abehega tomota tupwadi sihetohepwaila, ma tupwadi sihepalopita, ta tupwadi sihetologuguya, ma tupwadi sihetohanugeta, ma tupwadi sihetohe'ita.

2 Timoti 4:5

Ma 'owa sahena gide taudi. Sauga mabwaiyana 'utoholo pa'ala, ta 'ino miyamwau 'oidiyega 'u'alama'i'ita, ma wasa bwebwe'ana 'uhehepwaile. Bewa 'oinega ma 'ane 'owa topaihowa waiwaina Yehoba 'ina paihowa 'oina.

Paihowa 28:16

Nage 'oinega 'atauya ta Loma 'oina 'alatuwa, ta tolo'alehao Paulo sitagwaleya ma 'imiya wasi, ma 'ana to'itayahina tolo'aleha 'aigeda tuwa.

Paihowa 16:13

Ma Sabatiya 'asega 'alatuwa 'atauya 'aigeda we'aha papalina, tupwaina 'anuwatuhuya 'ebe lotapwalolo, ma 'oina 'amiyatoiya, ta wahiwahine si'eto'autama wete ba'idamayao 'ahehegwaegwaeya.

Paihowa 16:10

Paulo 'ina nihiina 'oinega 'asanapuya 'abehega Yehoba 'ibwauwemaiya ma tetela bwebwe'ana 'aguguyae meMasidoniya 'oidiya, 'oinega 'eda 'abesa sabi habala Masidoniya.

Paihowa 9:30

Ta 'idi loinaina tohekalesiyao sihesagoheya ta Saulo sitauyeya Sisaliya, ma nage 'oinega sihewasaeya, 'itauya Tasisi.

Paihowa 28:11

Ta wai'ena 'etoi sigumwala ma Melitega 'agelu Loma weyahina, ta 'ima waga Alekisanidela wagana, matana 'ana tosamala didiluwaluwa loheyadi. Ma wagaina, mwalo wai'ena gogaiyedi 'oidiya bwanabwanaina 'oina 'iyamwayamwana 'ana siga yaumai madouna 'ilolaguwa.

Paihowa 27:1

Ta siloina pwaiya 'abehega Itali 'oina 'atauya, 'oinega Paulo ma tupwadi paipaidi wete ba'idanao sitagwalediya Sisa 'ina tolo'alehao 'adi tohanugeta 'oina, sanina Yuliyasi, ma 'ane 'ima 'adau 'oina 'i'itayahidi.

Paihowa 23:23

Ta boda 'aleha 'ana toloina 'ibwauwediya 'ina tolo'alehao 'adi tohanugeta 'eluwa ma 'iloinaediya, “Nata hinuwanega tolo'aleha tu handeledi, ma togelu hosi sebeniti ma to'ahala gita tu handeledi wete wahe'autedima, ma sitauyegomi Sisaliya 'oina.

Paihowa 20:13

Ma tauma wagega 'ageluwa ma 'a'u'eya Asosi, ta 'abehega nage 'oina Paulo 'ado'o, weyahina 'ihepwaila 'oima, 'igwaeya, “Wagega watauya, ma taugu 'aheguwega yatau Asosi, ma nage 'oina wado'ogau.”

Paihowa 20:6

Ta tauma Pilipai 'oina 'amiyamiya 'ana siga pwalawa daisinamo 'ana guyai 'apaihowa. Cigumwala ta tauma wete 'ageluwa, ma sabwelo nima 'ai'aigeda 'a'ada'adau, ma 'asohota Tilowasi, ma 'iyamayaowedi 'alobediya, ta sabwelo sebeni wete 'amiyamiya.

Paihowa 18:22

ma 'itauya Sisaliya 'oina 'isuluwa, ta 'ilaga Yelusalema ma tohekalesiyao mahetenao sihe'iya'iyaguwa, ta muliyetega 'itauya Anitioki.

Paihowa 16:16

Hali sabwelo 'oina 'atautau tupwaina lotapwaloloina 'oina, ma babada tupwadi 'idi hewali gumalaulau 'alobeya, tauna hi'ahi'a 'iluhuwa solana ma 'oinega sowasowahina 'ihepwaila nugeta to'aha 'abwa 'ilatu, ta 'ina paihowa bewa 'oinega gumalaulauina 'ina babadao mane madouna si'ewa'ewa tomota 'oidiyega.

Paihowa 10:1

Ma 'asa Sisaliya 'oina 'aigeda loheya sanina Konilio 'imiyamiya, tauna meLoma tolo'alehao 'adi baibaiwa handeledi 'adi tohanugeta, boda Itali 'oinega,

Paihowa 21:16

Ta tupwadi Yesu 'ana tohemisao Sisaliya 'oinega mahetediyao 'atauya, ma sitauyemaiya Nesoni gwama Saipilosi 'ina hada, tauna Yesu 'ana tohemisa nugenugetaina 'aigeda, ta 'abehega 'oina 'amiyamiya.