Paihowa 20:17 - Loina Nuahuana

¹⁷ Ta Mitilo 'oinega 'ihewasa Epeso hekalesiya 'ana tohanugetao 'oidiya ma sinaoma.

Paihowa 20:17 Referans Kwoze

Taito 1:5

Bewa weyahina ya'ebesinegowa bwanabwana Kiliti 'oina ma to'aha nobwa hekalesiya 'alona geya bwebwe'ana 'ugihe dumwalu, ma wete 'igu loinega tohanugetao 'uhesinuwedi, 'asa 'aigeda 'aigeda 'oidiya.

Paihowa 11:30

Coinega si'ehele nugeta ta mane silobeya, ma tutaina gomale 'ilatuwa 'oina si'ebwaediya Banaba ma Saulo taudi sitauyeya Yelusalema 'oina, tohekelasiyao 'idi babadao 'oidiya.

1 Timoti 5:17

Ma 'ami tohanugetaowedi 'eguma silema bwaibwainigomi, 'omi wa'ita'itayahi bwaibwainidi, beno 'idi guguya ma 'idi he'ita maisana bwebwe'ana wa'ebwaedi.

Yemesa 5:14

Ta 'eguma 'aigeda 'oimiyega ma'ina lohala, hekalesiya 'ana tohanugetao 'ibwauwedima, ma si'ahwanoi weyahina, ma wete holowa 'oina silagu 'ida Bada saninega.

Paihowa 20:28

“Coinega tohanugetao 'omi waboi wa'itayahigomi, ta 'imi sipiyao wete wa'itayahidi, weyahina Yaluyaluwa Tabuna 'imi paihowaina 'i'ebwaegomiya ma tohekalesiyao walomata yahidi, weyahina 'ida Bada Yesu tomotaiyedi taudi bweyahinega 'igimwanediya.

Paihowa 14:23

Ma wete 'asa 'aigeda 'aigeda Paulo ma Banaba tohekalesiyao 'idi tohanugetao sihe'asediya, ta 'adi 'abilagata bewa gidemusa, sihudihudi ta 'idi Badaina sihemisaeya 'oina si'ahwa'ahwanoi, ma 'ane 'ida gihewaiwaiyedi 'idi paihowaina weyahina.

3 Yoni 1:1

Taugu 'imi bada, leta bewa yaleleyawa 'owa 'iyagu Geyo 'oiuwa. Moisa, 'ateguwega yahelauwegowa.

2 Yoni 1:1

Taugu 'imi bada, ma 'owa wahine Yehoba 'ihesinuwegowa manatumwao 'imi leta bewa yaleleyawa. Moisa tuwa 'ateguwega yahelauwegomi. Taudi wete gide 'eda moisa 'ana tomuliyao sihelauwegomiya,

1 Pita 5:1

Tohekalesiyao 'adi babadao 'omi, 'abehega yagihenuwa yahigomi 'imi paihowa weyahina. Weyahina taugu 'aigeda wete tohekalesiyao 'idi bada, eema taugu mataguwega Keliso 'ina muya ya'iteya, ma 'abwa 'ina wasawasa 'asi'asilalana 'oina yamiyamiya to tuta 'eguma 'ina wasawasaina 'igihe hapwese.

Paihowa 16:4

Ta sisakosakowasi 'asa 'aigeda 'aigeda 'oidiya, ma loinaina Yesu 'ana tohepwailao ma tohanugetao mwalo Yelusalema 'oina siloinaeya sihepwaileya 'asa mabwaiyadi 'oidiya, ma 'abehega loinaina simulimuliye.

Paihowa 15:23

ta tohemisaowedi tupwa ganamuli 'oidiya 'idi leta si'eweya, ma 'ana lele 'igwae, “Yauwedo tasimao 'omi tohekalesiyao tupwa ganamuliya Anitioki ma Siliya ma Silisiya 'oidiya wamiyamiya. Tauma Yesu 'ana tohepwailao ma tohanugetao 'imi leta 'aleleyawa.

Paihowa 15:6

Coinega Yesu 'ana tohemisao site tuwelowedi ma tohanugetao 'eto'auta sipaihoweya, ma nuwatuhu bewa weyahina sigwaegwae.

Paihowa 15:4

Eeta silatuwa Yelusalema, ma tohekalesiyao ma Yesu 'ana tohepwailao ma tohanugetao sitoediya 'idi hada, ta Paulo ma Banaba sihe'ote'otetela 'oidiya to'aha 'idi paihowaedi Yehoba 'ina waiwaiyega sipaihowediya.

Paihowa 18:19

Cidi 'adauina 'oina nugeta siluhuwa Epeso, ma Akuila mamwanena sisuluwa simiyamiya, ta Paulo wete 'isuluwa, 'iluhuwa meYudiya 'idi hada tapwalolo 'oina, ma 'itohotoho ma 'abehega 'ilisidima ma Keliso 'oina sihemisa, ta mahetenao sihegwaegwae.

Paihowa 20:15

Eeta Mitiline 'a'ebesineya, ta gona 'i'adaleya Kiyo matana 'apilipili. Eeta gona 'i'adaleya ma Samo 'oina 'asohota. Ci'adaleya wete, Milito 'oina 'asohota.