Paihowa 2:9 - Loina Nuahuana

⁹ 'enanaedi beno Palitiya, ma Midiya, ma Elama, ma Mesopotemiya 'ana tomiya, ma Yudiya ma Kapadosiya, ma Ponito, ma Esiya, ma

Paihowa 2:9 Referans Kwoze

1 Pita 1:1

Taugu Pita, Yesu Keliso 'ana tohepwaila, bewa 'igu leta 'oimiya 'omi Yehoba 'ina tomotaiyao wahetautaumana ma wahe'asa hali tupwa 'oidiya, gide Ponitio ma Galetiya ma Kapadosiya ma Esiya, ma wete Bitiniya 'asaidiyao 'oidiya.

Heꞌitaꞌita 1:4

Taugu Yoni 'imi leta yaleleyawa 'omi boda hekalesiya tupwa sebeni Esiya 'alona. Helau ma nuwadaumwala 'oimiya Yehoba 'oinega, wete yaluyaluwa sebeni 'oidiyega, wete Yesu Keliso 'oinega. Tauna Yehoba mwalo hene, ta tuta bewa, eema tuta 'inaonaoma 'oidiya 'imiyamiya, ma yaluyaluwaedi sebeni taudi Yehoba 'ina wagahata wasawasaina matana simiyamiya.

2 Timoti 1:15

Ma 'usanapu pwaiya, taudi meEsiya silogwahategauwa ma si'ebesinegauwa, taudi Paigelio ma wete Elimogini, ma bodaedi.

Paihowa 18:2

ma gwama Yudiya 'ilobeya, sanina Akuila, ta 'ina 'asa Ponitio, ma mamwanena Pilisila nige tuwa Italiyega sinaoma, weyahina kini Kolodiya meYudiya mabwaiyadi 'iloinaediya ma Lomega sihapwesa. Ma Paulo Akuila mamwanena 'ihabo'enediya,

Paihowa 16:6

Coinega Paulo ma 'iyanao tupwa Piligiya ma Galetiya 'alodiyega sitautau, ma Yaluyaluwa Tabuna 'i'ausidiya ma sahena Yehoba tetelina tupwa Esiya 'oina siloguloguguyae.

Paihowa 19:10

Cina paihowaina bewa gidemusa tuwa 'ipaipaihowa bolime 'eluwa 'oidiya, ma tupwa Esiya 'ana tomiyanao mabwaiyadi, meYudiya ma taudi geya meYudiya, Bada Yesu wasana sihesagoheya.

Paihowa 6:9

Ta tupwana tomota sinaoma ma Sitibeni ba'idadiu sihe'ohe'ohe, taudi tupwadi meYudiya 'idi tapwalolo sihesaniyeya “Lihalihasina,” ma tupwadi Yudiyaedi 'asa Sailini 'oinega, ma tupwadi 'asa Alekisanidela 'oinega, ma tupwadi 'asa Silisiya ma Esiya 'oidiyega,

Heꞌitaꞌita 1:11

'igwaeya, “Ginauledi 'abwa 'u'itadi weyahidi 'uleledi buki 'oina, ma bukiina 'uhetune boda hekalesiya sebeni 'oidiya, beno Epeso, ma Simulina, ma Peligamo, ma Tayataila, ma Salidisa, ma Piladelipiya, ma wete Leodisiya 'oina.”

2 Kolinita 1:8

Ciyagwao, nuwanuwagu ma wasanapu 'ima muyamuyao weyahidi, tutaina Esiya 'oina 'amiyamiya, beno 'ima nuwagala madou hedade 'anuwatuhuya 'abehega nata 'a'amasa.

1 Kolinita 16:19

Tohekalesiyao mabwaiyadi tupwa Esiya 'oinega 'idi loyauwedo 'inaonaowa 'oimiya. Ma wete Akuila ma Pilisila, ta wete tohekalesiyao taudi 'idi hada sitapwatapwalolo 'ida Badaina saninega, 'idi helau 'oimiya.

Loma 16:5

Ta 'igu helau wete wahepwaile tohekalesiyaedi si'eto'eto'auta Akuila 'ina hada. Ma 'iyagu Epinito weteyage 'oina yahelauwa, tauna Yesu Keliso 'ana tohemisa nugenugetaina Esiya 'ina 'ebeloina 'oina.

Paihowa 20:18

Ta sitauya pwaima 'oina ma Paulo 'ihegwaediya, 'igwae, “Comi wasanasanapu mumugagu tutaina tamiyamiya ba'idagwao Esiya 'oina, 'igu latu hohau 'oinega 'ana siga nige,

Paihowa 20:16

Paulo 'ihegwae pwaimaiya ta 'abehega Epeso 'a'ebesine, ma 'abehega sahena wete tuta 'iuleule Esiya tupwainao 'oidiya, weyahina nuwanuwana ma 'ilomwayamwayau, 'eguma sowasowahina Yelusalema 'iloba Penitikosi Guyaina 'ana sabwelo 'oina.

Paihowa 19:31

ta tupwadi wete Paulo 'iyanao, taudi meEsiya babadao, gwae sihewasaeya ta Paulo si'ahwanoiyeya ma 'abehega gesowana 'ida luhu hada 'ebe 'eto'autaina 'oina.

Paihowa 19:27

“Bewa 'oinega yamatauta, 'abwama nuwana tomota gesowana 'ida tobwatobwao sigimwanedi, ma 'abwa wete 'ida Yehoba madouna Dayana 'ana he'asisi ta 'ina hada tapwalolo siheginaula besobesowe. Weyahina meEsiya ma mebale'u mabwaiyada Dayana 'ana to'etuluhao.”

Paihowa 7:2

Ma Sitibeni 'igwae, “Tasigwao ma tamagwao, 'igu gwae bewa wahesagohe. Yehoba tomiya hane hedada mwalohene tubudai Ebalahamo 'oina 'ilatuwa, tutaina Mesopotemi 'oina 'imiyamiya, ma 'abwa geya 'i'asa'asaliya Helana 'oina,

Paihowa 2:8

Ma togidega ta 'oinega mabwaiyada tauda 'enadega sigwaegwae,

Paihowa 20:4

Ma loheloheya tupwana ba'idanao sitauya, 'aigeda gwama Beliya, tauna Pilo natuna sanina Sopeta, ma meTesalonaika siteluwa, taudi Alisitako ma Sikanido, ta gwama Dabi sanina Gayo, ta Timoti wete, ta meEsiya siteluwa, sanidiyao Tikiko ma Tilopimo.

Paihowa 21:27

Ta 'idi sabwelo sebeni 'i'iuna ma sigumwala, 'oinega meYudiya taudi mwalo tupwa Esiya 'oinega sinaoma, Paulo si'iteya Hada He'asisi 'alona, ma boda sihenuwa laguwediya, ta si'abiyahiya,

Paihowa 24:18

Ma ya'abihe'ehau pwaigauwa, ma pwaoliina yapaipaihowa Hada He'asisi 'alona, ma geya boda mahetegwao, ta geya hedagadaga,

Paihowa 27:2

Eeta Adilamitio 'oina wagega 'agelu, tauna wagaina 'i'iuna 'ipili Esiya 'asaidi gadowaidi 'oidiya, ma 'a'u'e, Alisitako ba'idamai, tauna gwama Masidoniyana, tupwa Tesalonaika 'oinega.