Paihowa 2:4 - Loina Nuahuana

⁴ Coinega mabwaiyadi Yaluyaluwa Tabuna 'ilohemahediya, ta sihegaina ma hali 'enana ma hali 'enana 'oidiyega sigwaegwae, beno Yaluyaluwa Tabuna 'ina waiwaiyega.

Paihowa 2:4 Referans Kwoze

Maki 16:17

“Ma 'agu tohemisaowedi 'ila'ilala waiwaidi 'abwa sipaihowadi, beno saniguwega hi'ahi'a tomota 'oidiyega siulalatuhedi, ma 'enana hagana ma hagana 'oidiyega sihehe gwaegwae,

Paihowa 13:52

Ma hesi Yehoba 'ana tohemisao siyaliyaya madouna, ta Yaluyaluwa Tabuna 'ina waiwai 'ilohemahediya.

Paihowa 4:31

Cidi 'ahwanoi bewa silosalohiya, ma hadaina 'oina simiyamiya 'ilonihuwa, ma mabwaiyadi Yaluyaluwa Tabuna 'ina waiwai 'oinega si'atepatu, ma Yehoba 'ina gwae sigwae latuheya.

Epeso 5:18

Geya'abwa bwasi waiwaina 'oinega wanumanuma yauyaule, beno ginaula 'ebe hesilae, ma hesi Yaluyaluwa Tabuna 'ida lohemahegomi ma

1 Kolinita 12:10

ta 'aigeda ginaula 'ebe nuwahenainaida 'ana paihowa, ma 'aigeda Yehoba 'ina nuwatuhu 'ana palopisai, ma 'aigeda yaluyaluwao 'adi 'inana 'abehega bwebwe'ana bo galana, ma 'aigeda wete hali 'enana 'oidiyega 'ihegwaegwae, ta 'aigeda wete 'enanaedi 'ana tobui.

Yoni 14:26

Ma hesi sauga muliya 'oina 'abwa hesi tolemaina saniguwega Yehoba 'ihesumaneyama 'oimiya, tauna tuwa Yaluyaluwa Tabuna, nuwatuhu mabwaiyana 'ihe'itegomi ma wete 'igu gwaeyedi mabwaiyadi 'oimiya 'i'abi henuwatuhu yahigomi.

Paihowa 19:6

Ma Paulo 'i'abi debediya, ma Yaluyaluwa Tabuna 'iluhuwa 'oidiya, ta 'ina waiwaiyega hali 'enana ma hali 'enana 'oinega sigwae latuwa, ma Yehoba 'ina gwae sipalopisai latuweya.

Paihowa 9:17

Coinega Ananaiyasi 'itoholowa ma 'itauya Yudasa 'ina hada, 'iluhuwa ta Saulo 'i'abidebeya, ma 'igwaeya, “Tasigu Saulo, Badaina Yesu 'edai 'ilatuwa 'oiuwa, tauna bewa 'ihewasegauwa matau 'ana 'abihe'asilala weyahina, ma wete 'abehega Yaluyaluwa Tabuna 'oinega 'ilohemahego.”

Paihowa 7:55

Ma hesi Yaluyaluwa Tabuna Sitibeni 'ilohemaheya, ma galewa 'i'e'ebubuya ta 'i'iteya Yehoba ma'ina wasawasa maemaedanina, ma Yesu 'ina 'ebeulega 'itotoholo,

Paihowa 1:5

Wanuwatuhuyahi 'abehega Yoni we'ahega 'i'abi'abihe babitaisowegomi ma sabwelo geya baibaiwana simiyamiya ma 'omi 'imi babitaiso Yaluyaluwa Tabuna 'oinega waloba.”

1 Kolinita 13:8

Helau sahena 'igumwagumwala, ta hesi taudi Yehoba 'ina palopitao 'abwa 'idi hepwailao sigumwala. Wete taudi hali 'enana ma hali 'enana 'oidiyega sigwaegwae, 'abwa 'enadiyedi sigumwala. Ma tosanapuwao 'abwa 'idi sanapu sisawala.

1 Kolinita 13:1

Ceguma 'igu gwaeyao bwebwe'adi, gide tologuguyao ma aneloseyao 'idi gwae, ta 'eguma helau geya 'ateguwa 'imiyamiya, 'igu guguyaedi ginaula bwagabwaga, gide sinaha silahulahusi besobeso, nuwana yoguli simu'amu'a besobeso.

Paihowa 13:9

Ma hesi Saulo, tauna sanina heluwena sibwauweya Paulo, Yaluyaluwa Tabuna 'ilohemaheya ma to'obaina 'i'e'ebubu,

Paihowa 2:11

ma wete meKiliti, ma meAlebiya, ta mabwaiyada tauda 'enada hagana ma hagana 'oidiyega sigwaegwae Yehoba 'ina paihowa waiwaidi weyahina.”

Luke 12:12

weyahina 'abwa tutaina beno 'oina Yaluyaluwa Tabuna ba'idamiu, ma nata tauna 'ihe'itegomi to'aha wagwaene.”

1 Kolinita 14:18

Taugu yaloyauwedo Yehoba 'oina weyahina hali 'enana 'oidiyega yagwaegwae hedada.

Loma 15:13

Ta Yehoba 'iboinamo ma'ana hemisa, weyahina 'iboi tuwa 'oinega lema bwebwe'adi talobaloba, 'oinega nuwanuwagu ma ma'imi yaliyaya wahemisa eema 'ane 'imi miyamiya sibwebwe'ana, ma wete Yehoba Yaluyaluwanega 'i'abihe waiwaiyegomi, ma 'imi hemisaina 'ihemadou bwaibwaina.

Paihowa 4:8

Ma Pita Yaluyaluwa Tabuna 'ina waiwaiyega 'ihegwaediya, 'igwae, “Cima toloinao ma babadao he,

Yoni 20:22

Cina gwaeina mulina, yawasina 'imu'a baleya 'oidiya, ma wete 'ihegwaediya 'igwae, “Yaluyaluwa He'asisi wa'ewa.

Luke 4:1

Coinega Yaluyaluwa Tabuna Yesu 'ilohemaheya, ma Yolidaniyega Yesu 'itoeya ma 'itauyeya tupwa yoho 'awawa.

1 Pita 1:12

Ma Yehoba palopitaowedi 'ihe'itediya 'abehega gwae hemisaedi sihepwaila nugetediya geya taudi siboi weyahidi ma 'omi hesi weyahimi, ma nuwatuhuwedi mwalo weyahidi sigwae pwaiya bewa wahesagohediya wasa bwebwe'ana 'ana tohepwailao 'oidiyega, beno Yaluyaluwa Tabuna galewega 'ina waiwaiyega. Ma nuwatuhuwedi sihegwaegomiya, aneloseyao galewa nuwanuwadi ma taudi wete sida sanapu, ma hesi geya si'ita.

1 Kolinita 14:5

Taugu nuwanuwagu ma mabwaiyami hali 'enana 'oidiyega wagwaegwae. Ta wete nuwanuwagu madouna ma wapalopisai Yehoba 'ina nuwatuhu, weyahina palopitao 'idi paihowa ginaula madouna. Ta gwae hali 'enanao 'oidiyega geya ginaula madouna, ma hesi 'eguma 'aigeda tobui 'imiyamiya, ma gwaeyedi tauna 'igibuidi, beno ginaula bwebwe'ana tohekalesiyao 'adi lema weyahina.

Paihowa 11:15

“Coinega yahegaina ma yahehegwaegwae, ta Yaluyaluwa Tabuna 'oidiya 'isuluwa gidemusa mwalo tauda 'oida 'isuluma.

Paihowa 6:5

Ma boda siyaliyaya 'idi loina bewa weyahina, 'oinega site sebeni sihesinuwediya, beno Sitibeni, tauna 'ina hemisa madouna Yesu 'oina, ma Yaluyaluwa Tabuna 'ina waiwai 'oina, ma Pilipi ma Pilokolo ma Nikano ma Timoti ma Pamena ma wete Nikola, tauna gwama Anitioki ma meYudiya 'idi tapwalolo 'oina 'iluhu pwaiya.

Paihowa 6:3

Ma 'omi 'oimiyega loheloheya sebeni wahesinuwedi, taiyewedi ma'adi he'asisi, ma sanasanapudi, ma wete 'eguma Yaluyaluwa Tabuna 'ina waiwai 'oidiya, ma paihowa bewa 'e'ahai 'ana heguyai weyahina, 'ada 'ebwaedi.

Paihowa 1:8

Ma 'omi hesi 'abwa Yaluyaluwa Tabuna 'inaowa 'oimiya ma 'i'abihe waiwaiyegomi, ma taugu weyahigu wahetohepwaila Yelusalema 'oina, ma Yudiya ma Sameliya gogonao mabwaiyadi 'oidiya, ta wete gogo gabulena mabwaiyana 'oidiya.”

Luke 1:15

Weyahina natumiuina 'abwa sanina madouna Yehoba matana, ma hesi sahena waini ma we'aha waiwaidi 'inumanumadi, weyahina 'ina li'u 'oinega nata 'imaha Yaluyaluwa Tabunega.

Epeso 6:18

Tuta mabwaiyana Yaluyaluwa Tabuna 'ina lema 'oinega 'ahwanoi baibaiwadi 'oidiyega wa'ahwa'ahwanoi Yehoba 'oina. Sahena wawe'awe'a ma hesi ma'imi toholopa'ala wa'itayahigomi ma wa'ahwanoi tohekalesiyao mabwaiyadi weyahidi,

Paihowa 11:24

Weyahina Banaba loheya bwebwe'ana, ma Yaluyaluwa Tabuna 'ilohemaheya, ma ma'ina hemisa madouna. Ta 'ina loguguya 'oinega tomota tupwana baibaiwana sihemisaeya, ma tohekalesiyao 'idi boda 'ihehemadou.

Paihowa 6:8

Sitibeniina ma'ina waiwai, ta ma'ina helau madouna, ma paihowa 'ebe henainaida ma 'ila'ilalao 'ipaihowediya tomota gamwagamwanidiya.

Luke 21:15

weyahina taugu 'abwa gwae dumwaludi ta sanapu ya'ebwaegomi ma 'ami 'alehao gesowana si'ahwa 'abo'abowegomi.

Luke 1:67

Eeta tamanaina Sakaliya Yaluyaluwa Tabuna 'ilohemaheya, ma 'ipalopisai, 'igwae nugeta 'igwaeya,

Luke 1:41

Beno 'oina Elisabeti nibainaina 'ina helau 'ihesagoheya ma gamwanega gwamaina 'imwasala, ma wete Yaluyaluwa Tabuna Elisabetiina 'ilohemaheya,

Madiu 10:19

“Ma 'eguma matadiya sihetohologomi sahena wa'ate'ateyoho togidega wagwae 'esa, weyahina tutaina 'abwa Yehoba 'imi gwae 'ida 'ebwaegomi,

2 Pita 1:21

weyahina palopitaowedi geya siboidimo 'idi nuwatuhuwega sigwaegwaenedi, ma hesi Yehoba 'oinega, ma Yaluyaluwa Tabuna palopitao 'ihenuwa lagudiya eeta gwaeyedi sigwaenediya.

Paihowa 2:3

ta ginaula 'aigeda si'iteya 'ana 'ita gide 'aiwe ninininimina, ma 'alataedi sitowa 'aigeda 'aigeda debadiya.

Paihowa 8:17

'oinega Pita ma Yoni nimadi silagudiya 'oidiya ta Yaluyaluwa Tabuna 'oidiya 'iluhuwa.

Paihowa 10:47

“Ciyagwao, wa'ita Yaluyaluwa Tabuna si'ewa pwaiya, gidemusa mwalo tauda. Coinega geya sowasowahina 'idi babitaiso we'ahega ta'etobode 'awa?”

Paihowa 15:8

Ta Yehoba to'aha 'ateda simiyamiya 'isanasanapudi, ma taudi tomiya ganamuli 'oidiya 'itagwala pwaiya, ma Yaluyaluwa Tabuna 'i'ebwaediya gidemusa tauda meYudiya 'i'ebwaya 'esegita,