Paihowa 16:1 - Loina Nuahuana

¹ Paulo ma Sailasa 'idi sakowasi 'oina sitauya Debi ma Lisitila, ma Lisitila 'oina Yesu 'ana tomuliya 'aigeda silobeya, sanina Timoti, tauna sinana wahine Yudiya. Sinanaina Yesu 'ana tohemisa, ma tamana hesi gwama Gilisi.

Paihowa 16:1 Referans Kwoze

2 Timoti 1:5

Ma wete 'ino hemisa moisa Yehoba 'oina yanuwatuhu yahiya, gide sinau Yunisi ma tubuu Loise Yehoba sihemisaeya moisa, ma yasanapugowa 'owa wete Yehoba 'uhemisae moisa.

1 Timoti 1:2

Cowa mwalo Keliso 'uhemisaeya, 'oinega ya'ahwa natunegowa moisa. Tamada Yehoba ma 'ida Bada Yesu Keliso sihelauwego, ma wete si'atemuyemuyego, ma 'umiya yaliyaya.

1 Tesalonaika 3:2

Coinega 'iyadaina Timoti yahesumaneyawa, weyahina tauna wete 'aigeda 'ima boda Yehoba 'ina paihowa Keliso tetelina weyahina, 'iyadaina yahesumaneyawa ma 'ane 'i'abihe waiwaiyegomi ma Keliso 'oina wahemisa moisa,

1 Kolinita 4:17

Ma natugu Timoti yahewasaeyawa ma 'ane 'ihepwaile 'oimiya, 'igu hemisa Keliso 'oina weyahina, gidemusa tohekalesiyao yahe'itediya 'asa mabwaiyana 'oidiya, ta 'oinega sahena wanuwanuwa naidedi. Timotiina yahelauweya ma yahemiseya, weyahina 'ida Bada 'ina paihowa 'oina 'ihetapewa hedada, ma bewa tuwa 'inaonaowa 'oimiya.

Paihowa 18:5

Ta tutaina Sailasa ma Timoti Masidoniyega sihapwesama, Paulo 'ina loguguya 'oina 'ihetapewa waiwai, ma meYudiya 'oidiya 'ihehepwaila 'abehega To'abihetenaina tauna Yesu.

Paihowa 17:14

Coinega tohekalesiyao siloina mwamwayau, ma Paulo sihetuneya ma 'isuluwa gogo holai 'oina, ta Sailasa ma Timoti 'ebwa ba'idadiyao simiyamiya.

2 Tesalonaika 1:1

Taugu Paulo ma Sailasa ma Timoti ba'idagwao 'imi leta bewa 'aleleyawa 'omi tohekalesiyao Tesalonaika 'oimiya, weyahina 'omi Tamada Yehoba ma Bada Yesu Keliso 'adi tohemisao.

Kolose 1:1

Taugu Paulo, ma Yehoba 'ina hesinuwega yahetohepwaila Yesu Keliso weyahina, ta tasidai Timoti 'i'abihetegauwa, 'oinega 'imi leta bewa yaleleyawa,

Pilipai 2:19

Yanuwatuhuyahi 'abehega Bada Yesu 'ina lemega sawasawahina tuta 'i'iuna 'oina Timoti yahewaseyawa, ma 'ane wasami 'itauyeyama 'oiguwa, ma weyahimi yayaliyaya.

Loma 16:21

Bewa Timoti ma taugu 'ima helau 'oimiya, Timoti tauna mahetegu 'apaipaihowa, ma tupwana wete 'iyamayao meYudiya taudi Lukiyo ta Yesoni, ta Sosipateli.

Paihowa 14:6

Ma hesiyage wasana sihesagoheya, ma sidena sitauya Lakeoni gogonao 'oidiya, beno Lisitila ma Dabi 'oidiya.

Ibeliu 13:23

Nuwanuwagu wete 'iyadaina Timoti wasana wahesagohe, weyahina deliyega silihasa pwaiya, 'oinega 'eguma 'ilomwayamwayauma 'abwa ba'idagu 'atauyawa 'oimiya.

1 Timoti 1:18

Natugu Timoti, 'unuwatuhuyahi mwalo Yehoba 'ina topalopisai 'ino paihowa 'oiuwa sihepwaila nugeteya, ma taugu gidemusa yahegwaego ma 'upaihowadi, ma 'oinega 'uhewaiwai,

1 Tesalonaika 1:1

Taugu Paulo ma Sailasa ma Timoti ba'idagwao bewa 'imi leta 'aleleyawa, 'omi tohekalesiyao Tesalonaika 'oina, 'omi Tamada Yehoba ma Bada Yesu Keliso 'adi tohemisao. Taudi 'idi helauwega tuwa wamiya daumwala.

Pilipai 1:1

Taugu Paulo ma Timoti mahetegu 'apaipaihowa To'abihetena Yesu weyahina, 'aleleleleyawa 'omi mePilipai, Yesu Keliso 'ina tohekalesiyao, ta wete 'imi tohanugetao ta 'imi dikoniyao mahetemiyao,

Paihowa 19:22

Ta hesi Pauloina 'imiyamiya Esiya tuta to'uto'upana 'oina, ta 'ana tolemaowedi Timoti ma Elasito 'ihewasa nugetediya, ma sitauya Masidoniya.

2 Timoti 3:11

Ma 'asaedi Anitioki ma Ikoniyami ma Lisitila 'oidiya yamiyamwauwa ta 'agu muyaedi tomota 'oidiyega yalobediya wete 'usanasanapu, tupwaedi 'oidiya yamiyamwauwa moisa, ta mwauwedi mabwaiyadi 'oidiyega 'ida Cinapwana 'i'abihetegauwa.

1 Tesalonaika 3:6

Coinega Timoti 'itauyawa 'i'itegomiya ma tetelimi 'i'eweyama, 'igwaeya, “Tesalonaikaedi Keliso 'oina sihemisa moisa, ma taudi tohelau moisa, ma tuta mabwaiyana 'ida tauya nugeta 'oidiya sinuwanuwa tuhuyahi ma'idi yaliyaya, ma nuwanuwadi wete si'ita hilegita.” Tauma gide wete nuwanuwama ma 'omi 'a'ita hilegomi.

2 Kolinita 1:19

Gidemusa Yehoba Natuna Yesu Keliso, tauna weyahina Silibenosi ma Timoti ba'idagwao 'alohatotowa 'oimiya, 'abehega Yesuina geya 'itagwala 'abo'abo, ma hesi tuta mabwaiyana 'itagwala bwaibwaina.

2 Kolinita 1:1

Yauwedo meKolinita 'omi Yehoba 'ina tohekalesiyao ma 'omi wete Yehoba 'ana tohemisao tupwa Akaya mabwaiyana 'alona, 'imi leta bewa tasidai Timoti 'i'abihetegauwa ma 'aleleyawa, taugu Paulo 'oiguwega, weyahina Yehoba 'ina hesinuwega yahetohepwaila Yesu Keliso weyahina.

1 Kolinita 7:14

Ceguma taiya loheya bo wahine mwanena geya 'ihemisa Yehoba 'oina, ma hesi mahetena tuwa simiyamiya, nata tohemisaina mwanena 'i'abihe bwebwe'ane, ma 'oinega natudiyao tupwa 'asi'asilalaina 'oina simiyamiya. Ta 'eguma sisa'ila beno natudiyao 'idi miya 'igala.

Paihowa 14:21

Dabi 'oina wasa bwebwe'ana siloguguyaeya ma tomota tupwana baibaiwana sihemisaeya, ta simuliyeya, 'oinega Paulo ma Banaba sihilahila Lisitila ma Ikoniyami ma Anitioki 'oidiya.

Paihowa 14:1

Paulo ma Banaba silatuwa Ikoniyami 'oina, ta 'idi paihowa Anitioki 'oina wete gidemusa Ikoniyami 'oina sipaipaihowa 'esa, beno meYudiya 'idi hada tapwalolo 'oina siluhuwa, sihe'ita, ta 'idi he'ita waiwai 'oinega boda sinabwana sihemisaediya, bodaedi tupwadi meYudiya ma tupwadi tomiya ganamuli 'oidiyega.

1 Kolinita 16:10

Ta Timoti wete 'eguma 'inaowa 'oimiya wabwauwe 'imi hada ma wahelauwe madouna, weyahina tauna 'ida Bada weyahina 'ipaipaihowa, taugu wete gidemusa.

Pilimoni 1:1

Yauwedo tasigu Pilimoni, 'owa Yesu Keliso 'ina topaihowa 'aigeda, gide taugu. Ma taugu Paulo deliya bo'i silagugauwa Yesu Keliso 'ina paihowa weyahina, ma bewa Timoti 'i'abihetegau ta bewa 'ino leta 'aleleleleyawa.