Paihowa 15:2 - Loina Nuahuana

² Ma hesi Paulo ma Banaba geya si'ahwa moisaedi, 'oinega mahetediyao sihe'ohe'oheya madouna. Ta tohekalesiyao Anitioki 'oina Paulo ma Banaba, ma tupwadi wete tomuliya 'oidiyega sihesinuwediya ma 'abehega sihane Yelusalema, ma nuwatuhu bewa weyahina sigwaegwae, nuwana siloina, Yesu 'ana tohepwailao site tuwelo ma wete tohanugetao ba'idadiyao.

Paihowa 15:2 Referans Kwoze

Galetiya 2:5

Coinega 'idi loina mabwaiyana 'alogwahatediya, ma geya 'eta to'aha 'oina 'atagwala. Geya'abwa 'ida tetelaina moisa weyahimi silagulagubui.

2 Kolinita 11:5

Cimi tologuguyao hauhaudiyedi 'omi wanuwatuhuya 'abehega sihane sinegauwa, ma hesi geya sowasowahidi.

Paihowa 15:4

Eeta silatuwa Yelusalema, ma tohekalesiyao ma Yesu 'ana tohepwailao ma tohanugetao sitoediya 'idi hada, ta Paulo ma Banaba sihe'ote'otetela 'oidiya to'aha 'idi paihowaedi Yehoba 'ina waiwaiyega sipaihowediya.

Paihowa 11:30

Coinega si'ehele nugeta ta mane silobeya, ma tutaina gomale 'ilatuwa 'oina si'ebwaediya Banaba ma Saulo taudi sitauyeya Yelusalema 'oina, tohekelasiyao 'idi babadao 'oidiya.

Yude 1:3

Ciyagwao, nuwanuwagu ma 'ada 'abihetenaina weyahina yaleleyawa, ma hesi geya sawasawahina, weyahina 'aigeda mwau 'ihapwesa pwaiya 'oimiya, 'oinega 'ilobwaineya ma leta bewa 'oinega yalohatotogomi ma 'abehega geya'abwa 'ida tapwalolo dumwadumwaluna walologwahate, ma hesi wahetapewa weyahina. Weyahina 'ida tapwaloloina tauda Yehoba 'ana tohemisao 'i'ebwae pwaigita.

1 Kolinita 1:1

Taugu Paulo, Yehoba 'ihesinuwegauwa 'abehega Yesu Keliso tetelina 'ana tohepwaila. Cimi leta bewa tasidai Sositeni 'ilemegauwa ma yaleleyawa 'omi meKolinita tohekalesiyao 'oimiya. Weyahina 'omi Yesu Keliso 'i'abihe 'ehaugomiya, ta 'ina boda hesihesinuwadi 'oidiya waluhuma ma wamiyamiya, taudi wete Yesu Keliso saninega mahetemiyao wa'ahwa'ahwanoi, taudi tupwa mabwaiyana 'oidiyega mahetedao 'ida Bada 'aigeda tuwa, tauna Keliso.

Paihowa 21:18

Ta gona 'i'adaleya ta Paulo ba'idamai 'atauya Yemesa 'ina hada, ta nobwa tohekalesiyao 'idi tohanugetao 'alobediya.

Paihowa 16:4

Ta sisakosakowasi 'asa 'aigeda 'aigeda 'oidiya, ma loinaina Yesu 'ana tohepwailao ma tohanugetao mwalo Yelusalema 'oina siloinaeya sihepwaileya 'asa mabwaiyadi 'oidiya, ma 'abehega loinaina simulimuliye.

Paihowa 15:27

“Ta 'ima loheloheyaedi 'ahesinuwa pwaidiya, sanidiyao Yudasa ma Sailasa, ma 'omi loina si'ebwaegomi 'imi leta 'oinega, ma wete taudi 'idi gwae 'oinega.

Paihowa 15:25

Ma tauma bewa 'a'eto'auta pwaima, ta 'ima nuwatuhu 'aigeda 'oinega tupwana 'ima loheloheyao 'ahesinuwediya, ta 'iyadao Banaba ma Paulo mahetediyao 'ahewasaediya 'oimiya.

Paihowa 11:12

“Ma Yaluyaluwa Tabuna 'ihegwaegauwa 'igwae, 'Cutoholo ma sahena 'uhehenuwanaluwa, ma tuwa hesi taudi ba'idamwao watauya.’ Ma 'iyadao site sikisi bewa si'wayabugauwa, ma 'atauya Konilio 'ina hada 'aluhuwa.

Paihowa 10:23

Coinega Pita loheloheyaedi 'ibwauwediya, ma hadaina 'oina sihetaumana. Gona 'i'adaleya ma sitoholowa, ta Pita ba'idanao sitauya, ma tupwadi 'iyadiyao Yopa 'oinega ba'idadiyao wete sitauya.