Paihowa 13:3 - Loina Nuahuana

³ Ta Yehoba 'oina si'ahwa'ahwanoi hila magomaledi, ma si'abidebediya, ta Banaba ma Saulo sihewasediya 'idi paihowaina weyahina.

Paihowa 13:3 Referans Kwoze

Paihowa 6:6

Coinega loheloheyaedi si'abi lagasidiya Yesu 'ana tohepwailao matadiya, ma si'abi debediya ma weyahidi si'ahwa 'ahwanoiya Yehoba 'oina, ma paihowaina sihegaineya.

2 Timoti 2:2

wasana 'u'itayahi, wasaina 'oiguwega 'uhesagoheya tomota mabwaiyadi matadiya, 'oinega taudi ma'adi hemisa 'oidiya 'u'ebwaedi, ma taudi wete hali boda sihe'itadi.

1 Timoti 4:14

Mwalo tapwalolo 'ana babadao si'abidebegowa, ma weyahiu sipalopisaiya 'ino paihowa Yehoba weyahina, eeta paihowaina weyahina Yehoba 'i'abihe waiwaiyego.

Paihowa 13:2

Taudi sitapwatapwalolo ma'idi hudi Yehoba 'oina, ta Yaluyaluwa Tabuna 'ihegwaediya, 'igwae, “Nuwanuwagu Banaba ma Saulo 'igu paihowa 'aigeda weyahina, 'oinega 'omi watagwaledi paihowaina 'oina.”

3 Yoni 1:8

Coinega 'ilobwainegita ma tauda talemedi, eema taudi mahetedao tahetopaihowa mahemahetena 'eda dumwadumwaluna weyahina.

1 Timoti 5:22

Tohanugeta 'ana hesinuwa 'oina sahena 'ulolo mwayamwayau. Nata gide 'ina pui dahwadahwaidi ma hesinuwa 'iloba, ta beno 'ana 'ita gide 'ina puiyao 'oidiya 'u'abi'abihete. Ma 'owa wete, 'uboi mumugau 'u'itayahi bwaibwaini.

Loma 10:15

Ta 'eguma Bada tologuguya 'ihewasaedi sitauya 'oidiya, nata Yesu wasana sihesagohe ma sihemisae, eema 'eguma saninega si'ahwanoi nata 'i'abihetedi, weyahina Yehoba 'ina Buki 'oina gide wete 'ihepwaila pwaiya, 'igwaeya, “Tologuguyaowedi taudi tetela bwebwe'ana si'eweyama weyahidi tayaliyaya.”

Paihowa 14:26

ma wagega sigeluwa, ta sihila Anitioki tupwaina, mwalo 'oinega 'idi paihowaina sihe'aleneya, ma 'oina wete mwalo Yehoba 'ina helau silobeya paihowaina silosalohiya weyahina.

Paihowa 14:23

Ma wete 'asa 'aigeda 'aigeda Paulo ma Banaba tohekalesiyao 'idi tohanugetao sihe'asediya, ta 'adi 'abilagata bewa gidemusa, sihudihudi ta 'idi Badaina sihemisaeya 'oina si'ahwa'ahwanoi, ma 'ane 'ida gihewaiwaiyedi 'idi paihowaina weyahina.

2 Timoti 1:6

Wete tutaina 'oina ya'abidebegowa ta Yehoba waiwai 'i'ebwaegowa, waiwaiina 'u'itayahi ma 'ane 'oiuwega sahena 'igumwagumwala.

Paihowa 15:40

Ma Paulo Sailasa 'ihesinuweya ma 'i'wayabu 'ina sakowasiina 'oina. Coinega tohekalesiyao Yehoba 'oina si'ahwa'ahwanoi, nuwanuwadi ma 'ina helauwega siteluwaedi 'ida 'abihewaiwaiyedi. Ta sitauya,

3 Yoni 1:6

Ma tasidaowedi 'eguma sihilama 'ino helau 'oidiya weyahina sihehepwaila tohekalesiyao 'oima. Moisa tuwa, taudi Yehoba 'ina topaihowao, 'oinega 'ilobwaineya 'eguma si'ebe'ebesinegomi nima'abiyadi wete wa'ebwaedi.

Paihowa 9:17

Coinega Ananaiyasi 'itoholowa ma 'itauya Yudasa 'ina hada, 'iluhuwa ta Saulo 'i'abidebeya, ma 'igwaeya, “Tasigu Saulo, Badaina Yesu 'edai 'ilatuwa 'oiuwa, tauna bewa 'ihewasegauwa matau 'ana 'abihe'asilala weyahina, ma wete 'abehega Yaluyaluwa Tabuna 'oinega 'ilohemahego.”

Luke 2:37

Ma mwanena 'i'amasa ta tauna 'ihiwapeya, ma 'imiyamiya 'ana siga 'ana bolime 'eitipowa. Ma wahineina tauna Hada He'asisi geya 'ida 'ebesineya sabwelo ma hinuwana 'oidiya, ma Hada He'asisi 'alona Yehoba 'ihehe'asisiye, ma 'i'ahwa'ahwanoi hegomaleyega.

Paihowa 1:24

Coinega si'ahwa'ahwanoi Yehoba 'oina, sigwaeya, “Bada yo, 'owa tomota mabwaiyama 'ima nuwatuhu 'usanasanapudi, 'oinega 'ino hesinuwa loheloheya 'eluwa bewa 'oidiyega 'uhe'itae 'oima,

Paihowa 13:4

Yaluyaluwa Tabuna 'ihetune pwaidiya ta sidobiya Salusiya, ma wagai sigeluwa ma si'u'e, sihabala bwanabwana Saipilosi 'oina,